الموضوع: هل من حقى كمصرى يكون عندى خط ارضى او نت ؟

انا ساكن فى المعمورة جمب السنترال بحوالى 100 متر
روحت السنترال قبل كدة عشان اقدم على خط ارضى
من النهايه كدة الموظفين معندهمش استعداد يشتغلوا مش فاهم بقى هما عايزين ايه بالظبط و طبعا مش عايز اقول رشاوى لان ده اتهام فى حد ذاته و يحاسب عليه القانون لكن فيه تكاسل جدا
قولتهلم السلام عليكم
قالولى عليكم السلام
قولتلهم عايز اقدم على خط ارضى
قالولى انت ساكن فين
قولتهلم على الشارع
قالولى مفيش
قولتهلم ازاى ده فيه ناس مركبه خطوط ارضى فى نفس الشارع و عاملين بيها وصلات نت
قالولى الشارع ده هوائى و مفيهوش ارضى و فيه خطه فى شهر 8 هيدخل الارضى قدم انت طلب و خد دورك
قولتلهم طيب فيه خطوط ربط ممكن تتركب لانى بس عايز نت مش عايز التليفون عشان حاجه تانيه و انا شغلى كله متوقف على النت ده
قالولى مفيش حل
روحت لموظف تانى لان ده كان بيكلمنى و هو قاعد على كمبيوتر و مش مدينى اى اهتمام قولت خليك محترم و روح لموظف تانى
روحت حكيتله القصه دى كلها
قالى دى امكانياتنا
قولتله طيب انا عايز خط ربط على الاقل و لو على حسابى
قالى مينفعش امكانيات السنترال ضعيفه
قولتله اعمل ايه
قالى معرفش
طلعت من السنترال لقيت اربعه بيقولوا ده مش شغل ده احنا بنتذل
قولتلهم عشان السنترال
قالولى اة
قولتلهم عايزين تركبوا خط ارضى و مش عارفين
قالولى اة
قولتلهم طيب انا هتصل بجهاز تنظيم الاتصالات و نشوف حل
قولتلهم كل الى اتقالى و اننا بطلب خط ارضى عشان ده حقى كمواطن و عشان شغلى
قالولى دى مشكلتك مع السنترال
قولتلهم انا مفيش مشكله مع السنترال انا اتقالى دى امكانياتنا
قالولى هتقدم شكوى
قولت يا ريت
قالولى هات رقمك
قولتلهم 0122
قالولى لأ
عايزين خط ارضى
قولتلهم انا لو عندى خك ارضى او الناس الى معايا دى هنشتكى ليه ماهو مش هيكون فيه مشكله اصلا
قالولى خلاص اتصل بالمصرية للاتصالات
اتصلت بالمصرية للاتصالات و حكيت كل القصه دى
قولتلهم اضعف الايمان عايزين خط ربط
من الواضح كدة ان محدش فاهم يعنى ايه خط ربط
قالولى عايز رقم
قولتلهم يا رقم يا خط ربط
قالولى دى امكانيات السنترال و زى ماقالولك فيه خطه
قولتلهم على قصه وصلات النت و الناس الى مركبه خطوط
قالولى لأ مفيش و اى استفسارات تانيه
قبل ما اقول لأ اتقفل فى وشى
الجميل انهم بيقولوا ان المكالمات مسجله و ملقتش اى نوع من الاحترام منهم
دلوقتى انا اعمل ايه ؟
لو استنيت 4 شهور انا مين يدينى مرتب عليهم ؟
و فى نفس الوقت اشتكى لمين ؟
اروح اقول لمين عايز نت ؟
ده فيه مكاتب و قاعات افراح فى الصحرا عندهم نت
بتوع الوصلات بمزاجهم بيفصلوا وقت ماهما عايزين و يشغلوه وقت ماهما عايزين ومحدش هيتضايق لانهم مركبين النت عشان الفيسبوك و الاغرب انهم بيشتكوا عشان مش عارفين يفتحوا الفيسبوك
طيب انا اشتغل ايه ؟
و هل مش من حقى نت فى مصر ؟
اروح اشتكى فين و لمين ؟ حقوق الانسان و لا للرئاسة ولا لمين ؟

المشاركة الأصلية كتبت بواسطة فتح الباب

ههههههههههه حاجة من اتنين يا اما انت مش على مزاجهم او هما مش على مزاجك طبعا من الهم اللى انا فيه بحاول اضحك لكن انت كده بتخوفنى واحنا ما صدقنا البلد تبدا تمشى لكن كده فى حاجه غلط ربنا يستر بس اكيد الثوره ما وصلتش عندكم بقى ولا ايه مش انت المعموره دى تابع مصر ولا ايه مش قادر اصدق اللى بتقوله ده مفيش موظف فى اى مكان الا وملتزم من حيث المواعيد والشغل وكله خايف اليومين دول وكله ماشى جنب الحيط ده حتى يا راجل القسم نفسه بقى فيه احترام وتغيير كامل فى المعامله عن الاول كتيييير اكيد فى حاجه غلط هى ايه ربنا يستر

!!!!!!!!!!!!!!!!!!!!!!!!!!
ثورة إيه وبتنجان إيه

الراجل بيكلمك عن مشكلة في السنترال والشركة التعبانة بتاعت التلفون الأرضي
تقوله يمكن الثورة موصلتكوش
ثورة إيه
ثورة كفتة عبد العاطي وشحاتة أربعين مليار من الخليج وفي الآخر مفييييش ؟!!
مفيييش كهربا عشان مفيييش فلوس ؟
أمال الرز اللي جه من الخليج إتعمل معمر ولا إيه

هو مش الكلام في السياسة ممنوع
ولا التطبيل مسموح والمعارضه ممنوعة

مالك بتعمل دعاية سياسية على حس موضوع بيشتكي من التخلف الإداري

وبتقول إحترام وحسن معاملة في القسم !!!!!!!!!!!!!!!!!!!!!!

مسمعتش إسم كريم حمدي
معداش على ودانك الإسم ده
ولا مبيفرقش معاك أساساً

ده محامي إحترموه قوي في قسم المطرية من شهر كده
لغاية ما مات من كتر الإحترام
والطب الشرعي والتشريح قالوا إنه مات من كتر الإحترام اللي بالي بالك

تزييف للواقع وخلاص
وقال بتقول للراجل " مش قادر أصدق اللي بتقوله "

ربنا يوقعك نفس وقعته عشان تبقى تصدق

قال ثورة قال

معندكش سرنجة كفته عشان في واحد عنده فيرس سي عايزين نظرفه سيخين من بتوع ثورتك