-
هما أكيد باصين للحاله الماديه لان الحمد لله احنا مرتاحين ماديا وفي نفس الوقت من البيت للشغل والعكس .. انا عندى 28 سنه وخطيبتي 19 سنه .. بصراحه هى طيبه ومؤدبه وعلاقتها كويسه مع والدتى ... ابوها بردوا ماديا كويس جدا لانه مهندس بترول واغلب شغله كان فى الخليج بس هوا حقنه شويه :) ... انا اللي بيضايقني بجد انى احس بتطفل ف حياتي وحتى خطيبتي نفس الوضع بس بلاقى ان كل وجع الدماغ جى من ناحيه عيلتها .. وعلي فكره البنت اللى بيتقال انها رفضت اخويا دى اصلا كانوا بيفكروا يعرضوها عليا ف الاول والكلام ده عرفته من خطيبتي .. وف اول الخطوبه خاله مامتها تقول ده هوا مش مرتاح معاها ومش هيكملوا ... وبعد كده الاقى اخبارى منتشره عندهم بفضل خالها ( هوا انسان طيب جدا بس للأسف مبيتبلش ف بوؤه فوله ) على طول بيتكلم ...
انا اصلا بطبيعتي مش اجتماعى اوى وخجول جدا ف حتى لو العلاقه مع عيلتها كانت مثاليه بردوا انا مكنتش هكون دائم التواجد معاهم ف اى مناسبه ... بس لما لقيت ان انا بعيد ومش متدخل مع حد ويحصل وجع الدماغ ده امال لو اندمجت معاهم هيحصل ايه
السؤال دلوقتي هل اعرف اخويا ووالدتى اللي حصل ؟؟
هل اتكلم مع خالها ف الكلام اللي اتقال ده ؟؟
ازاى اتجنب التعامل مع العيله دى وف نفس الوقت مدخلش معاهم ف عداوه ؟
-
شوف حضرتك .. انا كنت مفكر الحكاية دى حصلت معايا بس ولا يمكن تتكرر مع حد لغرابتها وبجاحتها الشديدة .. ان حد يدعى عليك انك اتقدمت لخطبه بنته ..
بس انا طلعو كرما معايا ومرفضونيش .. طب هيكمل الموضوع ازاى لوحده مش عارف ..يبدو انه بيبقى موضوع نفسى ..ازاى ..
كل حد شايف ان بنته فى وقت مناسب للزواج وماحدش بيتقدملها بيشوف هوه مين مناسب قريب منه ويدعى عليه الحكايه دى..
منه يعرف الناس ان بنته عليها الطلب ومنه يلفت ليها النظر ومنه كمان يريح بنته نفسيا ومش مهم الشخص اللى ادعى عليه لانه غالبا مفيش امل انه يتقدم ( رافض الموضوع اصلا زى حالتكم )
رأيى فى الموضوع ده .. انساه تماما ولا كأنه حصل وكبر دماغك ..كتر الكلام فيه بيحقق الغرض للى قاله
ثانيا ابعد عن القيل والقال فى العيلة ومتخلش المشاكل دى تأثر على علاقتك بخطيبتك هيا مالهاش زنب .
ثالثا عود نفسك كل عيله علاقتها والقرب منها سبب للمشاكل ومتقدرش تعيش لوحدك ..
ساير امورك وحاول توازن بين علاقتك بالناس والابتعاد عن مسببات المشاكل .. ربنا يوفقك .
-
الموضوع انتهي حاول معتش تفتحة تاني ومتجيبش سيرتة ولاكانة ليه لازمة
-
الموضوع بسيط جدا انت رفض ودا من حقك طبعا احتمال يكون الكلام دا من باب تجميل صوره البنت هيا ال رفضت مش الراجل ال رفضها واحتمال يكون كل دا كلام ستات وخلاص
من خبره 5 سنوات جواز كبر دماغك علشان ترتاح مواضيع كلها هايفه وبسيطه وهتقابلك كتير مع البنت دى او غيرها اهم حاجه ان خطيبتك تكون كويسه ومريحه وبعد الجواز انت هتقابل خالها كل فين فين اساسا
-
يا باشا متركزش في الحوارات دي
ياما بيحصل ..ومتسمعش كلام حد يقوك اخلع
بس لازم تحط حدود للعلاقة مع عائلتها عشان التدخلات
والتدخلات دي طبيعي بتحصل عشان والدتها متوفية
بعد الجواز الكلام ده كله هيتلغي
Content Relevant URLs by
vBSEO 3.6.0 PL2