اخدت بلاعة امبارح كسرة الاكصدام و سامع صوت زنة فى العجلة الشمال و العربية بتحدف يمين

اخدت بلاعة امبارح كسرة الاكصدام و سامع صوت زنة فى العجلة الشمال

البلاعة كانت عاملة زى الحفرة .. حاولت اوسطن العربية بس الحفرة طلعت اكبر من عرض العربية

فانكسر الاكصدام الامامى من جهة اليسار و سامع صوت زنة او صوت كدة شبة زقزقة العصافير :b4_556: من الناحية الشمال بحس بيها لما العربية تهدى

مش عارف من العجل ولا الاكصدام ..

و العربية بتحدف يمين .

الغريب فى الموضوع انى حسيت ان الناحية اليمين هى الى رزعت جامد فى الحفرة ولما نزلت لقيت الناحة الشمال هى الى مكسورة

حد يقولى اتصرف ازاى و الصوت دة من اييية و الحدفة اليمين من اييية


و شكرا

اول حاجة حضرتك هتروح لعفشجى ينزل يبص على العربية من تحت ويكشف على العفشة ومتمشيش بالعربية كده

أولا مليون حمدالله على سلامتك
ثانيا العربية كده خطيرة جدا , حاول متستخدمهاش الا لما تصلحها
لازم عفشجي يبصلك عليها , بس توقع من الاول ان ممكن تحتاح تغير تيش اسكاترة او مقص و ممكن الاتنين .. ده مبدأيا .. و على حسب قوة الرزعة و المشاكل اللي حصلت بسببها ممكن حاجات تانية كتير تكون أتأثرت
اسال على عفشجي ابن حلال خد العربية خليها يكشف عليها و متستهونش بالموضوع ده
و حمدالله على سلامتك

حمد لله على السلامه يا ابو هشام .. ليك وحشه والله
روح لعفشجى كويس يشوف العربيه

الاخوه الزملاء قامو بالواجب وانا بضم صوتى لصوتهم ان العربيه كده خطر حقيقى فعلا ده تاكيد ليس الا وحمد الله على السلامه ٠ تحياتى

روح لمركز ضبط زوايا في الاول محترم
اعرف منه ايه اللي حصل
شكلك حتحتاج زرجينه اسعارها من 60 الي 80 جنيه

روح بعد كده للعفشجي اللي انت بتثق فيه عشان تعملها

جهاز ظبت زوايا حديث هتكشف هتظهرلك التلفيات وتنزل تحت العربيه بنفسم عند بتاع الزوايا تشوف التلفيات هتفهم لوحدك ومتمشيش بيها كتير ممكن يكون فى تسريب زيت

شكرا يا رجالة

اقتباس:

---

المشاركة الأصلية كتبت بواسطة j a g u a r

حمد لله على السلامه يا ابو هشام .. ليك وحشه والله
روح لعفشجى كويس يشوف العربيه

---

الله يسلمك يا ابو جاجوار . حبيبى يا معلم