هل الجزم السيفتي تصلح للاستخدام اليومي

**abokoko** · 29-03-2015 12:55 PM

المشاركة الأصلية كتبت بواسطة mr_green

مش مؤذية
المهم يكون نوع نضيف و مريح أنا عايز أقولك إن الخامات حتى فى الماركات المحترمة بقت تتقطع بسرعه أنا شخصيا أديداس مباقش يستحمل معايا سنة على بعضها لسه رامى واحده والله شاريها ب 1040 جنية إتقطع بعد 10 شهور بالتمام و أوريجنال من أديداس ستورز نفسه مش من رع سبورت كمان

السيفتى أنضف حاجة فيه red wing بس غالى مش أقل من 600 جنيه لو جبته من شارع الجمهورية من عند بتوع الأمن الصناعى و يكون الأمريكى الأصلى مش التقليد المضروب و الفرق باين فى الخامات و الشكل العام
ال cat مش وحش بس مجربتوش شخصيا

و اللي ملوش خبره
ازاي يفرق بين الامريكي الاصلي و التقليد

انا شفت جزمه سمبل لدرجه اني سالته هل دي سفتي.
قال دي الامريكي ب1200 جنيه
بس الله اعلم هل هي تقليد ولا اصلي
كمان السعر بالنسبه لي عالي

**Mecha** · 29-03-2015 02:38 PM

جزم السيفتي ممتازه خصوصا الريدوينج ,بتعيش سنتين وتلاته وممكن تتصلح.بس المشكلة الولد رجله بتنمو فهتضيق عليه

**mr_vampire** · 29-03-2015 03:15 PM

ال red wing بتبقي ناشفة وهتضايق الولد.

شوف حاجة CAT فيه منها علي شكل كوتشي ومن غير حديد ادام لزوم التهوية وتبقي اخف ومريحة اكتر.

**4fun14** · 29-03-2015 05:35 PM

مش مؤذية بس مش مريحة.. خصوصا ان رجله بتكبر بسرعه فالحديده هتوجعه
خد بالك كمان ان الاطفال هذارهم تقيل ممكن هذار او خناقه هايفه مع زمايله يعمله مصيبه لو ضربه بالحته اللي فيها الحديده

**Eslam.Elrefaey** · 29-03-2015 08:54 PM

حضرتك هتطلع على cat فى موديل كده كلاسيك ومريح جدا جدا وفى نفس الوقت عملى ونظيف ان شاء الله

**MOSTAFABASAL** · 29-03-2015 10:38 PM

المشاركة الأصلية كتبت بواسطة adamz_13

بسم الله ونبدأ هذه أول مشاركة لي في المنتدى.
انصحك تشتري لولدك هذه الماركة مريحة وعملية ومقاومة جدآ مع الإستخدام اليومي ومع الغسيل في الغسالة كل فترة اشتريت جوز استخدمتها سنتين رميتها بعد مامللت من شكلها وكانت في حالة مقبولة لمواصلة الطريق.
هذا رابط الماركة ممكن تأخذ فكرة https://www.merrell.com/fr/fr_fr/hom...ve=45309478303

بالنسبة لجزمة السيكورتي ماانصحك فيها للاستخدام اليومي والمشي عليها لأنني استخدمها يوميا في مجال عملي علما اني مااتحرك كثير بيها لاكنها متعبة واحس بثقلها فما بالك بشاب صغير زي ابنك

و الاحذيه دي موجوده فين في كايرو ماركة ميريل دي؟

**abokoko** · 30-03-2015 07:05 AM

المشاركة الأصلية كتبت بواسطة eslam.elrefaey

حضرتك هتطلع على cat فى موديل كده كلاسيك ومريح جدا جدا وفى نفس الوقت عملى ونظيف ان شاء الله

متوسط سعرها كام ؟

**Karim_Monir** · 30-03-2015 01:55 PM

الميرل كويبسه جدا بتعيش لحد ما تزهق منها فعلا بس مش مريحه قوي بستعملها من 12 سنه واكتر في 5 موديلات مثلا
بس بقي في منها مضروب كتير وميعرفهاش غير اللي عرف الاصلي

**Eslam.Elrefaey** · 31-03-2015 04:39 AM

الموديل الى بقولك عليه كان ب 470

-

الموضوع: هل الجزم السيفتي تصلح للاستخدام اليومي

LinkBack

أدوات الموضوع

عرض

-

-

-

-

المواضيع المتشابهه

طريقة حلوة لتوسيع الجزم الجديدة :)

◣◥ استفسار بخصوص الجزم !

محلات السيفتي في بورسعيد

حادث بشع.................أهمية ملابس السيفتي

الكلمات الدلالية لهذا الموضوع

المفضلات

المفضلات

ضوابط المشاركة