عرض للطباعة
السلام عليكم
عايز اشترى اجهزه كهربائيه لعريس مش عارف اجيب انواع ايه
الثلاجه هل افضل lg ولا وايت ويل وهل يوجد افضل منهم
الغساله lg افضل ولا يوجد حاجه اعلى
المكنسه توشيبا 2 موتور 2500 وات
البوتاجاز اى كوك 60*90 بمروحه هل نوع كويس ولا فى افضل منه
ايه رايكم يا شباب وايه مميزات وعيوب الانواع دى وايه افضل الماركات
اللى اقدر افيدك بيه خليك فى منتجات العربى ناس محترمة و صيانة ممتازة
ابعد عن منتجات العربي عايشين ع السمعة القديمة و منتجاتهم لا تخلو من مشاكل بلا ادنى اهتمام من الشركة
خليك في lg منتجات عالية الجودة و مشاكل تكاد تكون منعدمة
انا جايب كل اجهزتي الكهربية ال جي ماعدا المكنسة و الميكروويف
انا بحترم ال جي احسن من ماركات تانية كتيييير
اختيارتك مناسبة جدا بس حاول تركز في منتجات العربي
الثلاجات .... هيتاشي او شارب تايلندي
الغسالات ..... لو فوق اتوماتيك شارب او توشيبا
اما لو اتوماتيك عاديه يبقى اريستون او زانوسي
البوتوجاز .... اريستون رقم واحد وجليم جاز
المشكله فى الصيانه لو احتجتها ... العربى و ال جى اسوا ما يكون فى النقطه دى .... يمكن على السمع مشاكل ال جى اقل من العربى
ابعد عن اى حاجه سامسونج او يونيفرسال
عندى تلاجه و بوتاجاز كريازى من زمان بس لو احتاجو صيانه الناس بتيجى تانى يوم ... و سخان جي ام سى برضه نفس النظام .... و اللى عارفه انهم بيبيعو جديد و اسعارهم افضل من العربى و ال جى ممكن تديهم بصه
وبالنسبة للتكييفات يا رجال؟ بعد اذن صاحب الموضوع
بص من حكم شغلي حاول علي قد ما تقدر تبعد عن وايت ويل وغنيلها
وهتندم اشد الندم لو جبت اي حاجه منهم
انا كنت شغال في الصيانة اكتر من3سنين وعارف اللي فيها
ابعد عن توشيبا العربي
زباله الزباله
زمنهم انتهي
وهم مصرين يشتغلوا في المضروب استخفافا بالمستهلك
انا جبت كل الاجهزة ال جي
منتجات ممتازة وعلي فكرة انا جايب لسه الاجهزة من اربع شهور بس
غسالة وميكرويف ومكنسه
اقتباس:
المشاركة الأصلية كتبت بواسطة elpilot
انا شخصيا عندى ثلاجه وايت ويل وسخان غاز والحمد لله ذى الفل والصيانه تقريبا لا يوجد السخان مثلا صيانه قليله جدا وناس محترمه ورخيصه ومواعيد مظبوطه
دى تجربتى الشخصيه معاهم
الف شكر يا رجاله كدا حسب كلامكم lg متفوقه بمراحل على اى منتج اخر
الف شكر يا رجاله
اقتباس:
المشاركة الأصلية كتبت بواسطة elpilot
باشا
ممكن فى موضوع منفصل تحكى عن اللى بيحصل فى مواضيع الصيانة بشكل عامة من اغلب الجهات علشان الواحد يفهم وياخد باله