دخان من الشكمان . والحل .

**mr.khaial** · 29-03-2015 03:10 PM

لو سمحت انا عربيتي لسه جايبها سيات ابيزا 94 وﻻحظت ان العربية بتطلع دخان اسود من الشكمان فحد ممكن يفيدني ده عيب ايه واحل المشكلة دي الزاي .؟
وانا كشفت علي الشكمان مافيهوش عيب

**م أحمد** · 29-03-2015 03:52 PM

محتاجة طقم شنبر و كاوتش صباب
لما تعملهم هتحافظ على الزيت اللى بتحطه للموتور لاقصى درجة و ما تضطرش تزود زيت كل شوية او تمشى بزيت يزود حالة الموتور سوءا
و لو سامع صوت ترزيع خبط جوة الموتور و انت واقف على السلانسيه يبقى عايزة عمرة كامة
العمرة مش بتفرق فى سحب العربية كتير (على حسب حالته قبل العمرة) - اللى بيفرق فى السحب الديسك و الاسطوانة و الكهربا

**Mecha** · 29-03-2015 04:02 PM

واحدة واحدة عشان العربيه قديمة ومتعرفش تاريخ صيانتها ,شوف البسيط ,فلتر هوا ,ماف ,بوجيهات وسلك ,تقسيمة ,نضافة اسبيراتير لو فيها,بوبينه.العمره لو بتاكل زيت

**Abo_Mazen** · 29-03-2015 04:09 PM

المشاركة الأصلية كتبت بواسطة م أحمد

محتاجة طقم شنبر و كاوتش صباب
لما تعملهم هتحافظ على الزيت اللى بتحطه للموتور لاقصى درجة و ما تضطرش تزود زيت كل شوية او تمشى بزيت يزود حالة الموتور سوءا
و لو سامع صوت ترزيع خبط جوة الموتور و انت واقف على السلانسيه يبقى عايزة عمرة كامة
العمرة مش بتفرق فى سحب العربية كتير (على حسب حالته قبل العمرة) - اللى بيفرق فى السحب الديسك و الاسطوانة و الكهربا

هو صاحب المشاركه قال دخان إسود ..ومقالش دخان أبيض أو دخان أبيض مائل للزرقه ..

طقم شنبر أو كاوتش صباب يدي معاك دخان أبيض أو أبيض مزرق ..زي كده اللي بيطلع من عربية رش الناموس ..دخان إسود ده كده عدم ضبط أو مشكلة في التغذيه ..وحسب نوع التغذيه بالوقود بتاع العربيه ..لو العربيه كارب أو إنجكشن ..وببساطه قوييييي..الدخان الإسود معناه هواء أكتر من البنزين أو بنزين أكتر من الهواء..يعني في مشكله في نسب الخلط ...بس هي العربيه كاربراتير ولا إنجكشن ..؟؟عشان بناء على نوعية التغذيه هنقدر نمشي معاك واحده واحده لغاية ما بإذن الله تحل المشكلة

**م أحمد** · 29-03-2015 04:19 PM

المشاركة الأصلية كتبت بواسطة m_m_sh_a

هو صاحب المشاركه قال دخان إسود ..ومقالش دخان أبيض أو دخان أبيض مائل للزرقه ..

طقم شنبر أو كاوتش صباب يدي معاك دخان أبيض أو أبيض مزرق ..زي كده اللي بيطلع من عربية رش الناموس ..دخان إسود ده كده عدم ضبط أو مشكلة في التغذيه ..وحسب نوع التغذيه بالوقود بتاع العربيه ..لو العربيه كارب أو إنجكشن ..وببساطه قوييييي..الدخان الإسود معناه هواء أكتر من البنزين أو بنزين أكتر من الهواء..يعني في مشكله في نسب الخلط ...بس هي العربيه كاربراتير ولا إنجكشن ..؟؟عشان بناء على نوعية التغذيه هنقدر نمشي معاك واحده واحده لغاية ما بإذن الله تحل المشكلة

بداية الدخان الاسود برضه ممكن يطلع نتيجة زيت محروق مش شرط نسبة خليط الوقود بس

الفرق بين اللون الاسود و الازرق درجة تمام حرق الزيت نتيجة كثافته فى الخليط

الحل اللى بقوله حل عملى ، مش يدخله فى مصاريف عمرة كاملة او حتى ربعها و فى نفس الوقت فتحة واحدة للموتور و انتهت ، و مش اقل من 60 الف كيلو كمان لو فكر فى عمرة كاملة ، و اللى هيعمل له الشغل هيظبط الدنيا (كاربيراتير او رشاشات) ضمن مصاريف الشغل

و طبعا العربية متباعة قريب

**Abo_Mazen** · 29-03-2015 07:56 PM

المشاركة الأصلية كتبت بواسطة م أحمد

بداية الدخان الاسود برضه ممكن يطلع نتيجة زيت محروق مش شرط نسبة خليط الوقود بس

الفرق بين اللون الاسود و الازرق درجة تمام حرق الزيت نتيجة كثافته فى الخليط

الحل اللى بقوله حل عملى ، مش يدخله فى مصاريف عمرة كاملة او حتى ربعها و فى نفس الوقت فتحة واحدة للموتور و انتهت ، و مش اقل من 60 الف كيلو كمان لو فكر فى عمرة كاملة ، و اللى هيعمل له الشغل هيظبط الدنيا (كاربيراتير او رشاشات) ضمن مصاريف الشغل

و طبعا العربية متباعة قريب

هي بصراحه معلومة جديدة إن الزيت المحروق يعمل دخنه سودا ..أنا دايما أعرف إن المسؤل عن الدخنه السوده خلل في نسبة خلط الوقود بالنسبة للهواء في الشحنه الداخلة للإسطوانه ..لكن حكاية إن الزيت يكون أحد عناصر الدخان الإسود الخارج من العادم ..دي معلومة جديده

**mohammad isdf** · 30-03-2015 10:53 AM

شوف الكاربراتير

ده يبقى مشكلى فى دورة الوقود

إن خلط الهواء مع البنزين مش مظبط ممكن نتيجة لأنه مش نضيف أو البوجيهات او أى حاجه من حاجات السيرفيز البسيطة

**mr.khaial** · 30-03-2015 01:25 PM

شكرا علي تفاعلكم
انا ةريت العربية لواحد صاحبي لقلة معرفتي بمكانيكا السيارات وقالي الكاربتير هو اللي عامل المشكلة دي في حرق البنزين وهو اللي عامل الدخانة بس قالي ان العربيية عايزة تتوصل علي جهاز يظبطها ويشوف العيب في ايه
ممكن حد بقي يفهمني ايه ده

وشكرا