استفسارات عن شيروكى kk

**elenawy** · 29-03-2015 05:56 PM

السلام عليكم
عندى شوية استفسارات عن الkk
اولا : متوسط استهلاكها للبنزين كام
ثانيا: انا مش بعمل الصيانات فى التوكيل لكن اى حاجه زى الفلاتر و الحاجات دى هاجيبها من بره التوكيل و هركبها فهل النظام ده هيمشى معاها (مع العلم انى هحافظ عليها )
ثالثا : 220,000 يجيبو جيب موديل كام و ماشيه كام
رابعا : اسعار قطع غيارها عامله ايه

**م/أحمد عبد الفتاح** · 29-03-2015 10:08 PM

المشاركة الأصلية كتبت بواسطة elenawy

السلام عليكم
عندى شوية استفسارات عن الkk
اولا : متوسط استهلاكها للبنزين كام
داخل المدينة ( زحمة ومشى ووقوف ) بتعمل من ١٢٠ : ١٣٠ كم فى الصفيحة وفى الطوالى من ١٦٠ : ١٧٠ فى الصفيحة
ثانيا: انا مش بعمل الصيانات فى التوكيل لكن اى حاجه زى الفلاتر و الحاجات دى هاجيبها من بره التوكيل و هركبها فهل النظام ده هيمشى معاها (مع العلم انى هحافظ عليها )
ممكن بس تعمل الصيانة عند ميكانيكى كويس بيفهم فى الجيب ولو ربنا كرمك بعربية جيب ابقى كلمنى انا فى اسكندرية وانت فى كفر الشيخ يعنى قريب منى وحاعرفك على مركز صيانة انا باعمل فيه صيانة عربيتى وحاقولك تجيب ايه من فين لأن السوق فيه حاجات كتير بس فيه حاجات كويسة بناء على تجارب الناس وتجاربى وحاجات تعبانة
ثالثا : 220,000 يجيبو جيب موديل كام و ماشيه كام
المبلغ ده ممكن يجيبلك kk موديل ٢٠٠٩ عاملة من ١٢٠ الف : ١٤٠ الف كم بس تعمل حسابك فى حوالى ٧٠٠٠ جنيه تسجيل وحوالى ٢٥٠٠ رخصة وتأمين فى السنة
رابعا : اسعار قطع غيارها عامله ايه

زى اى عربية ويمكن ارخص يعنى مثلاً البوجيهات الموبار الأصلى من ٢٧٥ الى ٣٠٠ جنيه للطقم ٦ بوجيه وفلتر الزيت من ٧٥ الى ١٠٠ جنيه وفلتر الهوا حوالى ١٨٠ جنيه وتيل الفرامل الامامى من ٤٠٠ الى ١١٠٠ جنيه والخلفى من ٣٥٠ الى ٦٠٠ جنيه

**م/أحمد عبد الفتاح** · 30-03-2015 10:50 PM

حجم الشنطة من غير ماتطبق الكنبة الخلفية حوالى ٠,٩ متر مكعب ولما تطبق الكنبة الخلفية بتكون المساحة ١,٨ متر مكعب مع ملاحظة إن الكنبة الخلفية جزئين (جزء عبارة عن كرسى لراكب واحد وجزء كنبة لشخصين ممكن تطبق احد الجزئين أو تطبق الجزئين حسب مانت عاوز)
وعلشان تتخيل مقاس الحجم - العربيات السيدان العادية حجم شنطتها مابيزيدش عن ٠,٥ متر مكعب