طريقة مبتكرة لسرقة السيارة
واحد صاحبى معايا فى الشغل حدثت مع اخته هذة الحادثة الغريبة كانت ماشية فى شارع الطيران بعربيتها سيارة شاهين و كان وقت اذان العصر و الست قالت انا بجانب مسجد رابعة لما اركن و اصلى العصر و اكمل مشوارى بعد كدة المهم ركنت عربيتها فى الشارع الجانبى اللى جنب المسجد و دخلت تصلى و بعد ما خلصت الصلاة لقيت عربيتها مزنوقة ما بين عربيتين و مافيش مسافة مناسبة تقدر تطلع بيها عربيتها و حاولت تطلع العربية و فجأة لقيت واحد بيعرض عليها انه يطلعهلها و ركب العربية و طلعهلها و فجأة هات يا فكيك خد العربية و جرى و هى قعدت تجرى و تصرخ وراه و لكن خد العربية و هرب و راحت العربية و اصبحت رقم محضر فى قسم الشرطة انا قلت اقول ليكم هذة الحكاية علشان كل واحد ياخد باله و مايركبشى عربيته لاى حد ما يعرفوش