المشاركة الأصلية كتبت بواسطة A_H_M_A_D
انا جربت 3 بنوك , cib و بنك bnp paribas اللي هو دلوقتي بقى بنك الامارت دبي , وأخيرا ماستر كارد البنك الاهلي
مفيش شك ان احسنهم البنك الاهلي , اقل نسبة فوايد واقل مصاريف اصدار و تجديد و تحس انهم مش حرامية زي بنك bnp كانوا بيخصموا مني اكتر من النسبة المعلنة عندهم للفايدة , ولو جيت استفسر ملاقيش حد يرد علي برد مقنع , بعتلهم ميل معبرونيش عشان كده قفلت الكريديت بتاعهم فورا لانهم معندهمش احترام للعملاء
فيه ميزة حلوه في كارت الاهلي و هي امكانية التقسيط بدون فوايد على 6 شهور و احيانا على 12 شهر في كتير من الاماكن الكبيرة . يعني زي كارت البريميوم و احسن كمان , بصراحة انا شايف انه بنك محترم جداً
بالنسبة للانترنت انا باستخدم نفس الكارت العادي في معاملاتي على الانترنت و شغال معايا تمام جوه مصر و بره مصر كمان , ولو اشتريت حاجه بعملة اجنبيه من بره كل اللي بيزودوه 2% زياده على تمن العملية كمصاريف تحويل عملة للخارج