تأخير العجلة الامامية اليمني 1سم و نص !!!

**karim kemo** · 30-03-2015 06:03 PM

بسم الله الرحمن الرحيم

اللي حصل كالاتي

روحت لبتاع الزوايا عشان اظبط زوايا طلع ف تأخير غ العجلة اللي قدام ف اليمين راجعه لوره 1سم و نص عايزة تتقدم

المهم قالي عايزة زرجينه و انا اتهريت زراجين

فقالي يبقي روح لسمكري يعدلك الركبة

روحت للسمكري و حكيتله اللي حصل و ان الركبة سليمة بس عايزة تتعدل

قالي هيفك اللحام و يدي زرجينته و يلحم علي كده

المهم بقي هل الكلام ده مظبوط و هيحل مشكلة ترحيل العجلة لورا و تطلع لقدام

ولا المفروض فيه حجات تانية هتتعمل

و قالي في حوار الركبة هياخد 200 جنيه السعر ده كويس ولا لا

اسف للاطالة

**khalidawad** · 30-03-2015 10:33 PM

اسلام عليكم.
السؤال العربيه موديل كام وهل عملت حادث بالجنب اللي بيتكرر الاجين فيه

**karim kemo** · 31-03-2015 12:49 AM

2009 و اظن كان فيه خبطة اه او مطب جامد

**Abo_Mazen** · 31-03-2015 09:29 AM

نصييييييييييييييييييحه أخويه ..لو العربيه مفيهاش حدفه معاك في الجنب اللي فيه مشكلة التأخير ..بلالالالالالالاش تعمل زراجين ..وبعدين مين السمكري المتخلف عقليا ده اللي عايز يفك لحام الفبريكه عشان يعمل زرجينه وبعدين يرحل ..يعني هو مفكر نفسه مصنع عربيات ..يفك ويلحم على مزاجه ..أنا كنت بضبط زوايا ..وطلع عندي درجه وتلت تأخير في العجله الشمال ..يعني حتى ما جابتش درجه ونص ..رحت لحداد العفشه ..قالي زرجينه ..قلتله زرجينه دي تبقى خالتك ..رجعت لبتاع الزوايا ..قلتله إنت عاوز تضبط العجله اللي مأخره دي ليه ..قالي عشان العربيه ما تحدفش ..قلتله هي ما شاء الله ما بتحدفش ..قالي والله ..طيب خلاص ..سيبها ...قلتله أهم حاجه ..هتاكل كاوتش ..قالي لأ ..تأخير العجله لورا بالنسبه دي وخصوصا إن هي مفيهاش حدفه ما يخليهاش تاكل كاوتش ..قلتله يعني إنت بعتني للحداد وقالي زرجينه ورجعتلك وكل ده عشان تضبط حاجه مش عملالي مشكله أصلا ..خلي بالك ..فيه عربيات الزرجينه بتيجي معاها ..يعني بتخزن الزرجينه ..وفيه عربيات ما بتخزنش الزرجينه ..يعني تقدم العجلة وبعد كده تأخر تاني ..وممكن الحداد اللي يعملك الزرجينه يتقل إيده شويه فالعجله تقدم أكتر من اللازم ..وممكن الحداد اللي هيعمل الزرجينه يطلع معوق ومتخلف زي السمكري اللي عايز يفك لحامات الفبريكه ويقوم محمل على المداده تقوم تعمل معاه مشكلة ..أهم حاجه ..في حدفه ؟؟..بس ده السؤال..قبلما أنسى ..بتاع الزوايا بيقولك على نسب التأخير في العجل بالدرجات مش بالسم ..وبتاع العفشه بالنظر كده بيقدرها بكام سم

**micromoud** · 31-03-2015 09:38 AM

روح للعفشجى خليه ياخد من الميزان 1 سم ونص وبلاش موضوع الزرجينه ده عشان ممكن يبوظ العربيه...

**Abo_Mazen** · 31-03-2015 12:06 PM

المشاركة الأصلية كتبت بواسطة micromoud

روح للعفشجى خليه ياخد من الميزان 1 سم ونص وبلاش موضوع الزرجينه ده عشان ممكن يبوظ العربيه...

إقتراح كويس برضه ..بس سؤال ..هي بتحدف معاه ولا لأ ..لو مفيش حدفه يبقى خلاص ..الترحيل ده في الحدود ا للي محددها المصنع

**karim kemo** · 31-03-2015 02:26 PM

للاسف بتحدف يمين و فعلا كذا واحد قالي علي خرط الميزان و المشكلة انها باينة يعني السمكري و انا بوريلو حط 3 صوابع ايدو بين العجلة و الصاجف الشمال اما ف اليمين دخلت صباعين بس و عايز اظبطها عشان بترمي و لما بكسر العجل يمين بتحك لاني ركبت كاوتش اعرض شوية و مبتحكش ف الشمال مع الحدفة اليمين ده اللي خلاني اقرر اعملها

**karim kemo** · 31-03-2015 02:31 PM

وفيه حاجه ان الركبة سليمة مفهاش اي شرخ او فتح بس معرفش مكانها تقفيلها سليم ولا لا

**micromoud** · 01-04-2015 12:00 PM

المشاركة الأصلية كتبت بواسطة karim kemo

للاسف بتحدف يمين و فعلا كذا واحد قالي علي خرط الميزان و المشكلة انها باينة يعني السمكري و انا بوريلو حط 3 صوابع ايدو بين العجلة و الصاجف الشمال اما ف اليمين دخلت صباعين بس و عايز اظبطها عشان بترمي و لما بكسر العجل يمين بتحك لاني ركبت كاوتش اعرض شوية و مبتحكش ف الشمال مع الحدفة اليمين ده اللي خلاني اقرر اعملها

كان عندى نفس المشكله ورحت خرطت الميزان والعفشجى عمل ريجلاش وظبط...