الفلوس اللي بتتدفع في المصالح الحكوميه

هي الفلوس اللي الواحد بيدفعها في اي مصلحه حكوميه او في المرور علشان يخلص ورقه بسرعه تعتبر رشوه الواحد يتحاسب عليها قدام ربنا ؟؟

لأ.
انا استفتيت فيها دار الإفتاء في السعودية وكانت الإجابة كالتالي: اذا كانت الفلوس اللي بتدفع دي عشان تمشي امورك فقط مش بتخلي مصلحتك تيجي على حساب ضرر حد تاني فلا حرج.

اعتقد انها رشوه و الله اعلم

لأ

وانا سألت فيها شيخ كبير ..

وكان كلامة حرفيا (( الرشوة هي اللي بتخليك تاخد مكان حد هو احق منك عند تساوي الفرص ))

قلتله طيب لو في حاجة مش هتخلص غير اني ادفع فلوس قال (( لو تقدر تخلصها بدون فلوس حتى لو هتتعب ..فخلصها بدون فلوس لو لأ ...يبقي الوزر على اللي هياخد الفلوس مش عليك لانه هو اللي اضطرك لكدا ))


والله اعلم

انت تدفع وانت مضطر يعني غصب عنك
مفيش رشوه

تمام شكراا جدا ليكوا لان الموضوع ده كان قالقني .

هى بعيد عن الرشوه ماشى لكن هى سلبيه مننا احنا لان انا بدفع قليل او كتير ذوقيا او دخان او بقشيش او قهوه او الى ما ذلك بعد كده بقى المتلقى بيعتبرها فرض ولازم تدفعه عايز تعرف صحة كلامى جرب مره تدخل محطة تموين وتمون العربيه وما تدفعش حتى جنيه بقشيش وشوف هتسمع ايه من العامل سلبيات تعودنا عليها وللاسف

"لَعَنَ اللَّهُ الرَّاشِيَ وَالْمُرْتَشِيَ وَالرَّائِشَ"

البداية كانت بالراشي لأنه هو من يصنع المرتشي

ياساتر ايه يا عم انت داخل فينا شمال كده ليه طول بالك علينا شويه

لا يتم انقضاء المصلحة الا بها مع اضطرار الشخص و عدم وقوع ضرر منها على شخص اخر تبقى اسمها ابتزاز مش رشوة الرشوة العكس يعني الشخص هو اللي بيقدم بنفسه على تقديم المال او العين ايا كان دون اجبار لشئ اصلا مجرم او محرم يقع من وراءها ضررلشخص اخر و هكذا
فانظر ايهما انت من الشيئين ؟؟

بس هو فعلا لما بدفع اكراميه مصلحتى بتقدم على مصلحه غيرى وغيرى وقته بيضيع للاسف...

هى المشكلة فى حق اللى واقف فى طابور بيضيع او بيتاخر
يا رب يبقى عندنا نظام الكترونى تدفع وتستلم حاجتك من غير ما تلف على موظفين