الموضوع: برجاء المساعده - ماهى افضل عربيه لحد 150 الف

اولا - تحياتى للجميع وشكرا ليهم مقدما على مساعدتهم
ثانيا - انا محتار جدا فى الاختيار بقالى شهر تقريبا و قلت فى النهايه اسأل اعضاء المنتدى الكريم - همه مش حيبخلوا عليا بالمساعده وده عشمى فيكم.
المهم علشان ما اطولش عليكم : انا من غير عربيه دلوقتى (لانى رجعت مصر بعد سفر 3 سنين) وعاوز عربيه - لحد 150 الف - حادفع نصهم باذن الله كاش والباقى تقسيط على سنتين ( بالرغم من انى معايا تمنها كامل كاش - لكن محتاج السيوله فى حاجات كتيره دلوقتى)
متطلباتى فى العربيه كالتالى :
- العربيه تكون عربيه كويسه - بتعمر وشكلها كويس - لانى مش ناوى ابيعها قريب باذن الله.
- قطع الغيار رخيصه وبالذات فى الصاج والاكسسوارات الخارجيه (فوانيس - اكصدام) - لانى ممكن اسافر تانى (اذا ربنا شاء) واسيبها لزوجتى هيا اللى تسوقها وبصراحه - سواقاتها نص نص لانها متعلمه السواقه جديد. وطبعا العربيه لازم تكون اوتوماتيك.
- وسائل الامان والاتزان مهمين جداو الـ ABS والـ Airbags شئ اساسى.
- شوفت الميتسوبيشى لانسر الجديده (الشارك) وكنت مقتنع بيها - لكن ما عجبنيش شكلها وشوفت كمان النيسان صنى الجديده لكن قعدوا يقولولى دى ورق - دى صاجها تعبان - ومش عارف اذا كان الكلام ده مظبوط ولا لأ.
- مش مهتم اوى بالاوبشنس الكتيره و الكماليات الزياده
- صيانة العربيه وقطع الغيار تكون متاحه باسعار معقوله جوه وبره التوكيل - لانى قريت فى المنتدى الجميل بتاعكم عن مشاكل كتيره جدا من التوكيلات.
- انا كنت بافكر فى كل الاختيارات - فرنسى : زى الرينو - كورى زى الكيا سيراتو - لكن لقيت ان اسعارهم (فى الفئه التانيه او التالته) غاليه وبتوصل فوق الـ 160 الف وكمان مش عاوز خبطه فى جنب تكلفنى 20 او 30 الف.

وفى النهايه - باعتذر ان كنت طولت عليكوا ومستنى ارائكم و اقتراحاتكم

انا متشكر ليك يا استاذ Hugan بس الشارك شكلها مش حلو و بعدين ما اظنش انها تمشى خالص مع واحده ست ؟ ولا انت رأيك ايه - مراتى عماله تقولى ان التويوتا الياريس حلوه وارخص - بس انا سقتها قبل كده بره مصر ولما تكون ماشى على طريق سريع - اى عربيه كبيره تعدى من جنبك - تحس ان الهوا بيحدفك لبره واتزان العربيه بيضيع منك - انا معجبتنيش خالص علشان النقطه دى - وبعدين موتورها مش قد كده سواء هيى او الكيا ريو - ما بيسعفكش

ايه يا جماعه - الكل بيشوف الموضوع ومش عاوز يدينا رأيه ليه ؟ - اى مساعده او رأى - حتساعد - ياريت متكسلوش - وكتر الف خيركوا مقدما

الشارك فيها كل الي انت عايزة
لو مش عاجباك هات لانسر بومة كسر زيرو

شوف سوزوكي سياز
أو سيات توليدو