الموضوع: نايل موتورز قصص نجاح

كل سنه وانتو طيبين جميعا
المنتدي فادني كتير في مجال السيارات نظرا لانه مجال دراستي وكمان خارج عالم السيارات استفدت كتير ويكفي ان لما اكون بفكر اعمل حاجه او حتي بفكر اشتري حاجه او هاخد قرار مهم برجع اسأل الاعضاء هنا
المنتدي بالنسبه ليا بتصفحه يوميا واكتر من مره

وانشاء الله من نجاح لنجاح

ياه اكيد الناس الحلوه كلها هتظهر هنا ودى اكتر حاجه فرحت بيها لمجرد انى اقرا مشاركات للناس القائمين على المنتدى تحياتى العميقه لكل الساده الزملاء الاعزاء الذين احترمهم جدا ٠ تحياتى الخاصه للاستاذ كريم منير بما انه صاحب الموضوع ودايما فى احسن حال يارب

بصراحة الواحد اصبح مدمن للمنتدى لدرجة انى ممكن ادخل اكتر من مرة فى اليوم علشان اتابع وانا فاكر من سنين قبل دخول النت الصعيد كان الواحد يشتغل على الدايل اب ويقعد مستنى لغاية لما الصفحات تحملللللللللللل
بالرغم من بعد المسافات وصعوبة اللقاء ولكن الواحد حاسس انة بين اخوتة ودايما لو فية مشكلة فى السيارة او الحياة الواحد بيحب يفضفض مع اخوتة هنا
شكرا استاذ كريم ولكل التيم

بخصوص مجال الرزق
كنت تعرفت هنا على معلومات من دكتور حازم عن السخانات الشمسية وسالتة كتير وعرفت الفكرة وبمساعد قريب لى حصلنا على عقد وكالة حصرى لنوعية جيدة ودة كان بسبب نايل موتورز
ولا انسى مساعدة كريم باشا فعندما استاذنت منة بالتليفون لعرض الموضوع على المنتدى وبالرغم من مخالفة دة لشركة الدعاية فبصراحة وافق ورحب بكل محبة
شكرا