امبارح ربنا وفقني واشتريت بونتو 2015 ديوال لوجيك اللون الابيض وده بعد ما ضربت بكلام الناس والتجار في مصر عرض الحائط وكان الاستلام من ا سيد عبد الهادي في توكيل فيات بالعبور
روحت بيها امبارح والدائري كان زحمه جدا فمقدرتش اشد بالعربيه قوي لكن الانطباع المبدأي ممتاز جدا
العربيه هاديه ومريحه نظام التعليق رائع والعربيه فيها تكنولوجيا متطوره وجميله بصراحه
الفتيس لسه مش فاهمه لسه وماتعودتش عليه لكن واضح انه يختلف كثيرا عن الاوتو العادي لكن حاسس انه اختراع وعايز افهم لسه هاحافظ عليه ازاي ان شاء الله
شكرا لرجالة الفيات اللي ساعدوني واللي كتبوا قبل كده تقارير محترمه عن البونتو الرائعه
هاوافيكم بتفاصيل اكتر بعد تجربة العربيه