ايه رأيكم كل واحد يقول ايه احسن مكان ممكن الناس تخرج فيه خروجه عائليه زوج وزوجه خطيب وخطيبته او خروجه شبابي مجموعه اصدقاء ها مين يبتدي ؟
عرض للطباعة
ايه رأيكم كل واحد يقول ايه احسن مكان ممكن الناس تخرج فيه خروجه عائليه زوج وزوجه خطيب وخطيبته او خروجه شبابي مجموعه اصدقاء ها مين يبتدي ؟
لو العمليه الماديه ماشيه
ممكن اروح بلانت افريكا او سبيكترا او مطعم القلعه في حديقة الازهر
- لو العمليه نص نص باروح بينزا هت او تكا
-لو العمليه في الحديده باروح نادي الزمالك او النادي النهري بتاع الزمالك
.................................................. ...........
Casino
Pert`s (مش ينفع لعيلة و اطفال و كده لانه هادي زياده عن اللزوم)
La Casetta (نفس الكلام و زيادة عن كده هو رستوران بس)
Spectra
Cilantro
Roastry
Andria
Al capone (بس ده عاوز عيله او صحاب مش ينفع اتنين مخطوبين)
غير كده الباقي كله ينفع كده او كده
بصراحة خروجاتنا كلها في نطاق سكننا في الرحاب
- المول التجاري 1 أو 2 (علشان ميدو يدبسنا في لعبتين أو 3 :laugh:)
- النادي أو النادي الاجتماعي
( برضه علشان ميدو يلعب و يهيص مع أصحابه :k38: )
- منطقةالمطاعم المفتوحة
و لو خرجنا من الرحاب يبقي :
- ستار سنتر بمدينة نصر
- La Casetta
مين Pert's ده يا بوسى؟
فين؟
هاقولك
المهندسين
شارع شهاب (عارفه طبعا)
تدخل جوه شارع شهاب هتلاقي بلاتينيوم مول (عارفه طبعا)
تدخل الشارع بتاع بلاتينيوم مول نفسه و تمشي لاخره لما تلاقي نفسك هتدخل شارع سوريا (هتعرف طبعا)http://www.nilemotors.net/Nile/images/icons/icon10.gif
قبل ما تدخل شارع سوريا هتلاقي ان هو الكافيه اللي واخد ناصيه تقاطع سوريا مع شارع بلاتينيوم مول
هو علي اليمين
ال board بتاعته لونها موف و اضائتها خفيفه شوية
عشان كده لازم تاخد بالك كويس
انا نفسي كل مرة لازم امشي و اسيبهhttp://www.nilemotors.net/Nile/images/icons/icon10.gif
هو مكان محترم و هادي اووي تسمع فيه دبه النملة من كتر الهدوء
ممكن تروحو انت و اصحابك لو مش بتعملو دوشة و كدهhttp://www.nilemotors.net/Nile/images/icons/icon10.gif
لو مش فهمتني اوي قول و اسهلك الشرح شوية
طيب حد يقترح كدة مكان شيك و حلو ينفع لقاعدة formal شوية
فكرتني باعلانات القناة الاولى بتاع زمان ههههههههههه
اين تذهب هذا المساء
اضف لمكتبك هذا الكتاب
اتمنالك فسحة ظريفه خفيفه
نهنوها بتسألي على مكان ليه ناوية تعزميني ولا حاجة بس انا مش عايزاه فورمال اوي يعني :k52:
ايه يا نور ؟؟؟؟..... بتقولك فورمال .....
اكيد ح تعزم محمد اخوها ...:laugh6:
..................
انا ملاحظ ان معظم الاماكن اللي بتقولو عليها كافيهات .....انا بصراحة باتخنق من الشيشة و ريحتها
فيه اماكن تانية ايه غير الكافيهات ...
انا روحت الاوبرا اكتر من مرة .... حفلات الموسيقى العربية .... ومرة كانت سعاد محمد ...... بصراحة ....المسرح الكبير في الاوبرا ... شعور مختلف
اي حاجة مع نهنوها تبقه حلوة
ايه ده كله اكل اكل
مع الاصحاب ممكن تروح :
هضبة المقطم
نزلة السمان وتركب خيل
تروح الاستاد لماتش مهم
sos
بولينج
الجيم
حمام السباحه
كوره
جرى
تاجر مركب وتصطاد
بعد كده الاكل: يامال الشام , بيسترو , بيتزا هت و ستيشن و روما ، كوك دوور
مينفعناش خالص ده احنا فضايح متحركه
ماشي يا حسام شكرااااااااااااا
و ادي اخرة المعروف:k5:
الحق عليا بقولكو خلاصة تجاربي في الخروج:gun_bandana:
خلاص محدش يبقي يسالني علي حاجة تاني بقي:no4::no4:
ما قلنا بيرتس و لا المزمازيل مبتفهمش:k26:
لالالالالالالا يا استاذ احمد و لا انا كمان ممكن ادخل مكان في شيشة اصلا
يعني مش ينفع بنات صحاب يدخلو مكان كده
و لا مكان من الي انا قولتهم في شيشة خالص و الله:no4:
علي فكرة لو علي الاوبرا و المسرح و كده انا باعشق الحاجات دي
بس هما اللي قالو اماكن للقعده و الصحاب و كده
لكن غير كده في ساقيه الصاوي جميلة جدا بس حفلات معينة
و دار الاوبرا و يا سلام لو حفله عمر خيرت
و المسرح (بس بطلت من بعد محمد صبحي و يحي الفخراني)
ياريت لو يرجعو تاني يقدمو حاجات زي كارمن و لعبة الست و كينج لير و انا اباتلهم علي باب المسرح:tt1:
اي اتفاق هيتم من غيري هخطفكو انتو الاتنين:gun_bandana:
كلامي واضح يا نور انتي و نهي؟:k22:
مين ده اللي كله اكل؟
انا مش باكل في و لامكان من اللي انا قولتهم دول:k41:
دي اماكن تقعد فيها مع صحابك عادي جدا
اقتباس:
مينفعناش خالص ده احنا فضايح متحركه
لا يبقي خليكو في البيت احسن :k48:
بيت الواحد اولي بيه
و الله معاك حق
دي حرقه دم لا توصف
اصل المهندسين للاسف اقرب حاجة ليا لما باحب اخرج و عشان كده باروح هناك
بس يعني هو انهي شارع و لا طريق في بلدك ميحرقش الدم؟
ما كله بقي كده
يا بوسي .... ده انا ساعات باشوف بنات - واحيانا منقبات للأسف - بيشربو شيشة في القهاوي ..... عادي جدا .... البنت تقعد تاخد شيشة وقهوة .... وتمشي .... ولا كأنها الآنسة حنفي
يعني مش هزار ولا شلة شباب بيهرجو .... دول داخلين مخصوص يشربو الشيشة بتاعتهم .... ويروحو
انا شغلى فى الدقى
لكن لما أخرج أحب أخرج فى مدينة نصر
أهدى بكتير من المهندسين و الدقى
طبعا اسكندرية مفيهاش حاجات كتير زى القاهرة ( اسكندرية اوده و صالة )
كارفور
سان استيفانو
cilantro & costana & roastry
لو مفيش فلوس (: مساكن الظباط مصطفى كامل (مكة)
green plaza
يا استاذ احمد عارفه و الله
احنا لما كنا بنروح الحسين مع بابا الله يرحمه كنا بنشوف كل الستات تقريبا هناك بيشربو شيشة
و كنا بنبقي مستغربين جدا بس طلع الموضوع بقي عادي في البلد دي
بس بصراحه انا و لا مكان روحته مع صحباتي كان فيه شيشة
و لو كان فيه مكناش دخلناه اصلا
طب ضروري عاوز اعرف ايه نظام بلانت افريكا
الاسعار في حدود كام لو غذاء او عشاء لشخصين
و هل المكان هادي و لا دوشه ؟
معلش بتقل عليكو :)
انا بقا بصفتي بحب المسرح جدا
هقلكو علي مكان تحفة و جميل و الميزانية تقضيه
كافتريا الهناجر بالاوبرا
ولو بتحب زيي برضو تتفرج علي اللوحات اللي بيشغبطوا فيها فيه هناك معرض تشكيلي ممكن يبقا من حظك يا عم تتفرج شوية وتلاقي معرض هناك
نسيت ققلكوا نصيحة محدش يقع في مثقف و يتناقش معاه
لان اغلب المثقفين هناك مهيسين و محدش يسالني يعني ايه مهيس لانه هقله بلغة المثقفين
مهيس يعني ديماجوجي متعفن و برجوزاي عميل :D
اساسا مش عاوزة اروح معاكي في حته
قال بيرت بلاس قال
ربنا يشفي كل جاهل:tt2:
اسمه بيرتس يا شاطرة
قوليها عشر مرات لحد ما تحفظيها و اكتبيها في النوت بوك بتاعة الهوم وورك يلا:tt2:
ليه يا محمد هه؟http://www.nilemotors.net/Nile/images/icons/icon10.gif
بتسال ليه هه هه؟http://www.nilemotors.net/Nile/images/icons/icon10.gif
عاوز مكان هادي لشخصين ليه هه؟http://www.nilemotors.net/Nile/images/icons/icon10.gif
معلش يا جماعة ممكن حد يوصفلى فين مال الشام ونظامه ايه؟
لا شكر علي واجب يا استاذ محمد
المكان في الدقي / شارع محي الدين ابو العز
في نصه تقريبا
ادام محل ملابس Mom to be الناحية التانية
علي فكرة يهييء ليك للوهله الاولي انه رستوران لانه Help yourself
بس القعده هناك حلوة اوي و مش لازم الموضوع يبقي فيه اكل خالص
انت بتروح للتلاجة تشوف هتشرب ايه و تاخده و تدفع الفلوس و خلاص
و لو عاوز Hot drink تروح تطلبه و تاخده و انت واقف
يعني مفيش جرسونات بمعني اصح
انا حاولت اقلب النت علي المنيو بتاعه عشان حضرتك تشوفه بس و الله ما لاقيته
عموما اي سؤال انا موجودة تحت امرك
و اي خدمة
علي فكرة انا مش استاذه و لا حاجة انا بوسي بسhttp://www.nilemotors.net/Nile/images/icons/icon7.gif
نايل ستورم
بص يا سيدي
بلانت افريكا:::: مكان جميل جدا جدا
واللي شغالين فيه كلهم شباب زي العسل
انا باروح اللي في المهندسين هوا خلف سيراميكا كليوباترا
المكان هادي نوعا ما
هاتدفعلك لشخصين ما بين 110 الى 150 ج
اكله جميل جدا
قعدته جامده جدا
روح وادعيلي ..
دكتور احمد انا اعرف ان minimum الفاتورة في بلانت افريكا 250 جنيه
حضرتك متأكد؟
لا حضرتك متخافش
مش هتدخل تلاقيهم ماسكين مسدسات يعنيhttp://www.nilemotors.net/Nile/images/icons/icon10.gif
الاسم ايطاليان بس لان المنيو عنده كله ايطاليان
ده مجرد اسم