تعرضت لحادث و تجربتى مع مركز خدمة نيسان فى ابو رواش
بعد الشر عنكم جميعا خبطتنى سيارة فيرنا من الخلف السيارة اللى امامى توقفت فجأة و رغم ان المسافة بينى و بين السيارة اللى فى الخلف لا تقل عن 10 امتار و يبدو ان الانسة اللى صدمتنى لسه بتتعلم و ممعهاش حتر رخصة قيادة ......ما علينا الشنطة عندى من الخلف دخلت لجوة حاجة بسيطة و الاكصدام الخلفى اتشرخ و الفوانيس الحمدلله سليمة و برضه الاكصدام الامامى خد خبطة من السيارة اللى كانت امامى......مرضتش اعمل محضر لأن الانسة اللى سايقة العربية ممكن تتأذى سواقة وحادثة بدون رخصة و عملت شهم ......ما علينا ذهبت تانى يوم لمركز نيسان فى ابو رواش ......و المهندس عاين السيارة و عمل مقايسة لتصليح السمكرة و الدهان و بعد ساعتين نزلت الصاعقة على تكلفة التصليح 6600 جنية و استلمها بعد 21 يوم, وطبعا رفضت و كلمت صديق عن الموضوع ده أخذنى لورشة و بعد المعاينة قال لى 600 جنية و لو دهان فرن ( لازم فرن طبعا) 800 جنيه و تخلص بعد 3 ايام.....و الدفع كمان عند الاستلام...... يا ترى ايه رايكم فى الكلام ده
456