عاوز اروح شارع التسعين الشمالى بالتجمع الخامس من مطار القاهره صاله 3 و تقريبا المسافه قد ايه. بالضبط مكتب تسهيل للسفريات و بعد كده اروح على التحرير معامل وزارة الصحه برضه المسافه قد ايه ؟
عرض للطباعة
عاوز اروح شارع التسعين الشمالى بالتجمع الخامس من مطار القاهره صاله 3 و تقريبا المسافه قد ايه. بالضبط مكتب تسهيل للسفريات و بعد كده اروح على التحرير معامل وزارة الصحه برضه المسافه قد ايه ؟
المسافه من المطار لاول التسعين حوالى 15 كيلو
هتخرج من المطار فى اتجاه الدائرى و تطلع على الدائرى تكمل طوالى و تنزل اول نفق ... التانى متنزلوش بس من فوقه تكمل طوالى هتعدى تحت كوبرى و تطلع اول طلعه تلف بيك تركبك الكوبرى هتنزل فى التسعين الجنوبى ... هتمشى شويه هتلاقى بنزينة شل على الشمال تلف اليوترن و ترجع تخش من جنبها يمين و تمشى بتاع 200 متر الشارع اللى بالعرض هو التسعين الشمالى ...
من التسعين للتحرير حوالى 25 كيلو او اكتر ... هترجع زى ماجيت و تركب الكوبرى و طوالى هتعدى جنب استاد الجيش و طوالى هتلاقى كوبرى تطلعه و هتنزل منه الطريق هيلف يمين تلف معاه و طوالى هتلاقى الطريق غصب عنط يا يمين يا شمال عند قسم مدينة نصر تخش شمال و بعد 500 متر برضه يا يمين يا شمال تخش شمال و طوالى هتلاقى مطلع كوبرى اكتوبر تطلعه و تكمل طوالى لحد ما تعدى رمسيس هتفوت اول منزل و التانى بتاع 15 مايو تفوته و تنزل عبد المنعم رياض (يمين) و تلف مع الميدان و تخش يمين جنب المتحف على جراج التحرير تركن و ربنا معاك ... بس ماظنش انك هتقدر تعمل المشوارين فى يوم واحد الا لو هتبدا بدرى قوى