المشاركة الأصلية كتبت بواسطة egyptiandiver
إسم حضرتك أحمد، يعني حضرتك مسلم الحمد لله، نصيحتي ليك كذا حاجة... أولاً زود اكل طبيعي زي كميات أكبر من الفواكه و الخضروات و المياه الطبيعية، قليل أملاح و دهون في أكلك، امشي كل يوم أقل حاجة نص ساعة. حول بجدية تنتظم أكتر في الصلاه، يا ريت لو الصلاه في جماعة، جرب تصلي الفجر في الجامع... شعور جميل. متسيبش نفسك كلم أخوك أو صديق مقرب عن مشكلتك و حاول تتكلم معاه و تفكر بصوت عالي. حط كل الحلول المعقولة و نقي انسبها ليك و إبدأ فوراً في تنفيذها. حاول تنام بدري أكتر و تصحى بدري قدر المستطاع. لو بتدخن حاول تشوف طريقة لتقليل أو أحسن الإمتناع عن التدخين. قلل وزنك، اشتري ملابس جديدة، سفر للبحر أو أماكن طبيعية. متخدش كل حاجة على أعصابك و سلمها لله محدش بياخد إلا نصيبه :)) لو احتجت أي حاجة اشركنا معاك... احنا هنا اخواتك و كلنا بنتمنالك الخير...