الموضوع: عايز اظبط العربيه الى ليه خبره ياريت يفيدنى

السلام عليكم ورحمه الله
اعضاء المنتدى الكرام ده اول مشاركه ليا معاكو فى المنتدى الرائع الى ياما استفدت منه
مشكللتى هى ان عندى عربيه شاهين فيها بارومه كتير من تحت وعند القوايم الاماميه جنب الازاز
انا عايز اشد العربيه بس بصراحه مش عارف امسك مبلغ كويس الايام ده
سؤالى هو
ينفع اروح للسمكرى مثلا واشوفه محتاج ايه مثلا باب,عتب الخ واحضرله الحاجه ده على مهلى وبعدين اشوف البوهيجى محتاج ايه واحضرهوله بحيث لما اجى ابدا تكون التكلفه عالمصنعيه فقط
وهل ينفع مؤقتا اعمل البارومه الى تحت العربيه ولا لازم الفرش كله يتشال
ولو حد عنده فكره تانيه ياريت يفيدنى افادكم الله
واسف على الاطاله

المشاركة الأصلية كتبت بواسطة battoot

البارومة عاملة زي الفيروس بيفضل ياكل مش بيشبع !
امسك مبلغ حلو وعالجها كلها مره واحده
فكرة كل صنايعي هيعوز ايه دي ترجع لعلاقتك بالصنايعية
لو عارفهم اعرف منهم هتعوز ايه وشوف
او ممكن تشوف سمكري كويس اوي وسمعته حلوة
وتروحله تقولة انك عايز تعمل كذا كذا
قوله شوف هتحتاج ايه وانا اجيبهولك عشان نشتغل
هيديك الخلاصة , اديلة فلوس كشف عشان متبقاش جيت عليه واديك عرفت الخلاصة من غير ما تظلم نفسك ولا تظلمه

تسلم ياباشا ده الى حعمله باذن الله