تغيير رشاشات النوبيرا 2 موديل 99 الى رشاشات النترا 2005 بصعوبة

رحت للميكانيكى امبارح علشان كنت جايب رشاشات النترا سمعت ان هى بتركب وبتوفر فى البنزين المهم الميكانيكى جه يركب الرشاشات بتاعت الالنترا اطول من بتاعت النوبيرا الاصلية وقعد يحاول مش نافعة تركب لان الرشاشات اطول ولما يجى يركب المسطرة بتحوش فى المانفول وبلف الراجع بيزنق فيها وقالى مش هينفع تركب رحت انا النهارده قعدت مع نفسى كده وحاولت اركبهم نفعو بعد ما طلعو عينى بصعوبة جدا وفكيت البلف اللى جنب المانفول ومساميرة علشان كان زانق فية المسطرة ومعرفتش اركب المسامير تانى لان الحتة مزنزقة المهم الرشاشات ركبت بالعافية لكن محستش بفرق غير ان السحب شوية اتحسن وجارى التجربة على استهلاك البنزين

اقتباس:

---

المشاركة الأصلية كتبت بواسطة zendo

رحت للميكانيكى امبارح علشان كنت جايب رشاشات النترا سمعت ان هى بتركب وبتوفر فى البنزين المهم الميكانيكى جه يركب الرشاشات بتاعت الالنترا اطول من بتاعت النوبيرا الاصلية وقعد يحاول مش نافعة تركب لان الرشاشات اطول ولما يجى يركب المسطرة بتحوش فى المانفول وبلف الراجع بيزنق فيها وقالى مش هينفع تركب رحت انا النهارده قعدت مع نفسى كده وحاولت اركبهم نفعو بعد ما طلعو عينى بصعوبة جدا وفكيت البلف اللى جنب المانفول ومساميرة علشان كان زانق فية المسطرة ومعرفتش اركب المسامير تانى لان الحتة مزنزقة المهم الرشاشات ركبت بالعافية لكن محستش بفرق غير ان السحب شوية اتحسن وجارى التجربة على استهلاك البنزين

---

معلش انا اسف عشان مبتدخلش المنتدي زي الاول وانا اللي كنت ركبتها قبل كده
فعلا تركبها مقرف بس سهل مع الصبر
مبروك عليك
السحب معايا محستش بفرق لكن الاستهلاك تحسن تحسن ممتااااز
كلمني على السحب عندك

بص السحب تجسن نسبيا لكن مش كتير يعنى ولسه الهزة اللى على السلانسية موجود ولسه هجرب البنزين

غيرت جلب الرشاشات ولا كانت مظبوطه و مبتهربش بنزين ؟؟

الرعشه ديه ممكن تكون بوجيهات لاني عقبال ما ركبتهم و ظبتهم كانت بوظت بوجيهين و انا كنت لسه مشتريهم جداد

لا مغيرتش جلب الرشاشات واغيرها ازاى واجيبها منين هو فعلا كان فية تسريب بنزين وقرطت على مسطرة الرشاشات قولى اعمل ايه بالضبط وازاى بوظت بوجيهين

اقتباس:

---

المشاركة الأصلية كتبت بواسطة zendo

لا مغيرتش جلب الرشاشات واغيرها ازاى واجيبها منين هو فعلا كان فية تسريب بنزين وقرطت على مسطرة الرشاشات قولى اعمل ايه بالضبط وازاى بوظت بوجيهين

---

جلب الرشاشات بتتباع الواحده ب 10 جنيه انا جبتها كده بس حاسس انها غاليه عن الطبيعي و بتغير الجلب زي مانت عايز وانا غيرتهم كلهم بتخلع الجلب في الرشاش القديمه و بتركب الجديده عشان تمنع التسريب لانه خطر
و بوظت بوجيهين عشان مع تجربه و تكرار الخلع و التركيب بيبقى فيه بنزين ني ماتحرقش في السلندر فاهببت 2 من الأربعه
راجع على بوجيهاتك تاني احتياطي

انا ركبت الرشاشات القديمة تانى لان التانية حسيت انها مش مظبوطة معايا ومش بتدور من اول تكة الصبح وفيه برجلة فى الموتور وبعدين لقيت مكان الفيش فى الرشاشات فية بنزين بس عندى الجلب اللى فى الرشاشات القديمة اللى بتركب فى السلندر متاكلة هل تاثر على حاجة فى البنزين او حاجة يا ريت الافاده

الجلب فايدتها انها تحبك الرشاش في البلوكه و تمنع تسريب بنزين او ضغط لو مبتهربش بنزين يبقى ماص سيبها بس خد بالك انها مع الفك و التركب بتتشقق و تريح فاغيرهم افضل

انته عربيتك نوبيرا ون اوربى-- ولا كورى -لان دى رشاشاتها قصيرة -ولازم تجيب رشاشاتها هيه --