(فضفضه) اخرتها ايه في وقف الحال و الزهق ده ؟؟؟

اخرتها ايه في وقف الحال و الزهق ده ؟؟؟

اللي ننام فيه نصبح فيه

نفس الخلق بنشوفها كل يوم

و العمليه اشفرت علي الاخر

حتي مش عارف اجمد قرشين و اخلع من هنا

انا زهقت و الله :(((

فلرب نازلة يضيق بها الفتى ذرعا ..و عند الله منها المخرج
ضاقت فلما استحكمت حلقاتها..فرجت و كنت اظنها لا تفرج
فصبر جميل و الله المستعان.....

الصبر حلو .........الدنيا واقفة مع ناس كتير جدا مش انت بس

نفسي تفرج شوية عشان الاقي شغل

الدنيا بايظة على الكل واعتقد هتسوء اكتر بكتير احمد ربنا على اللى انت فيه

شركتى مشت 25 واحد امبارح و عشرة من شهر و عملوا 17% تخفيض للمرتبات

من دوله كانت عندها خزائن الارض ايام سيدنا يوسف
لدوله بتشحت من الخليج وعايشه على المعونات الامريكيه والاوروبيه
حتى لو سافرت بره مصر هتعيش على ادك اوى علشان تحوش فلوس وتبعتها كل شهر
ده غير كل اجازه تنزل بشنطه هدايا
ارضى بما قسمه الله لك تكن اغنى الناس

الحمد لله علي كل حال طبعا و احسن من غيرنا كتير و لكن اللي بيحصل دلوقتي ظلم

معظم الناس عايشين في قدهم فمش فارقه جوه و لا بره مصر في النقطه دي

كل يوم تسمع عن مصنع فلس و لا شركه قفلت و موظفين مش لاقيين شغل

ربنا يرحمنا

عندك حق والله ربنا يفرجها من عنده

ربنا يوسع علينا ويرزقنا من فضله

طيب الكافيهات مليانه شباب وبنات دفيعة ، المولات مليانه ناس وبتشتري ، المطاعم نفس الشيء - الناس دي بتسرق يعني ولا بتجيب الفلوس منين ؟؟؟

فعلا الناس بتشتكى ومش عارف ده له علاقه بما حدث من سنتين ولا ملوش علاقه ؟!
اما بالنسبه للزحمه على الكافيهات فده ببساطه لاننا كتير جدا فى منطقه ضيقه جدا ومش كل يوم نفس الشباب هنا هما اللى بينزلوا الكافيهات يعنى ممكن تكون بالنسبه لهم خروجه الشهر

عيش كل لحظة زي ماتكون الاخيره
دا الي اقدر اقوله ليك
انا زي حلاتك الوضع ندي جايب ورا علي الاخر فريح راسك وعيش يومك

الأعجب هو كأننا لا نعرف السبب !!
السبب معروف جداً وواضح لمن أراد أن يرى !!