حدائق الاهرام ،، مالها و ما عليها
السلام عليكم يا اهل المنتدى الكرام
انا ساكن فى الهرم و شغلى فى القرية الذكية و النادى فى 6 اكتوبر ،، فكرت انى اعزل و اروح حدايق الاهرام علشان ابقى قريب من اكتوبر و ارتاح من زحمة الهرم خصوصا لما يبدأو الشغل فى محطات المترو.
اولا: ايه رايكم ؟ يعنى انا كسبان ولا خسران ؟؟ انا ساكن فى شارع ما بين الهرم و ترسا و الزحمة و التكاتك حاجه زفت و بخاف على مراتي تسوق هنا من قرف التكاتك و العربيات الفولكس،، انا عارف ان هناك فيه تكاتك بس مش كتير زى هنا
ثانيا: العمارة اللى بفكر اخد فيها مرخصة بس فيها مخالفة مناور مش ادوار و الشقه دور تالت و المالك قالى هتشتغل كهربا ممارسة لغاية ما العداد يدخل لما المصالحة تتم ،، ايه رايكم فى الكلام ده؟
ايه احسن المناطق و اوحشها اللى ابعد عنها هناك؟ و هل الدنيا امان هناك ولا ايه؟؟
شكرا جزيلا