الحمد لله مشكلة كبيرة وتم حلها ابيزا 2002
السلام عليكم اعضاء نايل موتورز
الموضوع باختصار العربية سحبها كان ضعيف وبتاكل بنزين وبتبرجل فى السلانسيه وغيرت طقم دبرياج وفلاتر هواء وبنزين وبوجيهات وكشفت بالجهاز والجهاز قال ان كله تمام والمشكلة اتحسنت شوية بس لسة موجودة والوحد تعب نفسيا من تلك المشكلة
المهم وبالصدفة اكتشف ان وحدة الكنترول ecu اللى مكانها بجانب المساحات حواليها كمية اتربة فظيعة ورطوبة نتيجة غسيل السيارة بالمياه ونظفت الاتربة الموجودة وحاولت افك فيشة الكنترول معرفتش فبحثت فى اليوتيوب على طريقة فكها وبالفعل فكتها ونظفتها باسبراى وطلع عينى على ما ركبتها تانى وكان ممكن تتكسر منى بس ربنا ستر
النتيجة الحمد لله العربية بقت حاجة تانية خالص والعربية فاقت وبقت حالتها احسن من ما كنت شاريها والسحب بقى ممتاز بفضل الله وبرضه كان فى رجرجة للموتور فى السلانسيه والحمد لله راحت .
فياريت ناخد بالنا من نظافة وحدة الكنترول وانا كاتب الموضوع ده لافادة السادة الاعضاء لعلى وعسى يكون حد عنده نفس المشكلة ويستفيد وشكرا