السلام عليكم عرض جوميا على الموبايل ده يسعر مغرى
حد ليه تجارب على النوع ده وايه رايكم فيه
https://www.jumia.com.eg/ar/infinix-hot/?internal=true
عرض للطباعة
السلام عليكم عرض جوميا على الموبايل ده يسعر مغرى
حد ليه تجارب على النوع ده وايه رايكم فيه
https://www.jumia.com.eg/ar/infinix-hot/?internal=true
نصيحة اشتريه أفضل جهاز في الفئة السعرية تحت ال 1000ج انا حجزت منه لزملائي ومنتظرينه يتشحن.
لو دخلت صفحة موكاكي ريفيوز علي الفيس هتلاقيه عامل مراجعة للجهاز وبيشكر فيه.
لسه موصلش لحد يقول ايه رايه
هو التسليم بيتم فى قد ايه؟؟
بلاش جوميا ياجماعة
نصيحة .
بلاش بلاش بلاش جوميا .
نصابين ... كنت في مرة طالب مكنة حلاقة معينة جات بدلها بعد فترة كبيرة مكنة حلاقة صيني زي اللي بتتباع عالرصيف .. طبعاً كنت دفعت اون لاين وياما قدمت شكاوي فيهم بعد فترة استرجعت فلوس ... غير تجارب صحابي معاهم في الموبيلات زي موبيل مثلاً سوكت الشحن بايظ وخلافه عشان كدة بلاش جوميا او سوق دوت كوم نصابين
ربنا يستر
انا حجزته
جوميا وسوق كل فتره بيعملوا طرقعه على جهاز تعباااااااااااااااااان
والموضوع بقى معروف جدااااااااااا
أو انه يقول لك ادخل احجز من الساعه 10 الى الساعه 12 واشترى بنص الثمن
وكله فى الاخر بلح
معايا انفينكس زيرو الي كان ب 1000 جنية كنت شارية من سوق دوت كوم الموبيل كويس بس خدمة ما بعد البيع مش كويسة
الشحن من جوميا بياخد حوالي أسبوع
وانا جربتهم في كذا حاجة والحمد لله مفيش أي مشاكل
على فكرة دى اول مرة اشترى من جوميا انا اشتريت من سوق قبل كده
مقابلتينش مشكلة وواحد صاحبى اخد تليفون بايظ رجعه بس الفلوس اتاخرت شوية بس رجعت
انفينيكس زيرو كان نازل الاول بضمان راية
انما الموديل ده نازل بضمان مختلف
ربنا يستر ويوصل ويطلع كويس
محدش وصله الجهاز لسه
مفيش اخبار لسه حد استلم الجهاز
انا جبت الزيرو من اول دفعه من سوق و جبت معاه باور بانك انجو ..
الباور بانك باظ بعد شهر ونص و كلمت سوق و رجعته و خدت واحد تاني مكانه بس نوع تاني شغال بس مش كويس زي انجو .. بس التغيير خد وقت تقريبا شهر ..
عموما انفينكس منتجها كويس و خاماته كويسه .. انصحك بيها كماركة اسعارها منافسة جدا ..
لسه محدش استلم
أنا حجزتة من يومين بعد ماشوفت رفيو عنة مدونة موكاكى ريفيو
هو وكيلة وكيل تليفون تيكنو ، لكن مش معروض للبيع خارج جوميا و يمكن دة اللى مرخص تمنة لأن الوكيل مش شاغل نفسة بالتوزيع انا فاكر ساعت التكينو كان عامل اعلانات كبيرة فى وسط البلد و كل دة اكيد من سعر التوزيع .
أستلمت الجهاز اليوم الساعة الثامنة ولكن يوجد نقطة فى الشاشة بحجم رأس الدبوس تظهر بالخلفيات الغامقة وفى التشغيل
جارى الاتصال بجوميا للإستعلام عن الاسترجاع
استلمت الجهاز النهاردة الحمد لله لسه بقى هانجرب وهاقول ايه الاخبار
التقييم المبدئى للتليفون
كاميرا كويسة جدا على سعر الهاتف (مكنتش متوقع انها كده )
رام 1 جيجا جميلة جدا واستخدامى للبرامج اصلا قليل فمضبطا الدنيا معايا
الذاكرة الداخلية 16 متبقى منها 13 فاضية
البطارية مغ الاستخدام المتوسط بتكمل يوم اخرها لانها 2000 مل امبير
جودة الشاشة والوانها جميلة جدا مع انى عامل سطوع تلقائى مع خلفيات روعة
صوت السماعة مش نقى جدا زى ساسمونج بس مقبول على الفئة السعرية دى
سوفت وير الهاتف سلس وجميل ومش صعب اندرويد كيت كات وفيه نمك لتوفير الطاقة كمان
الانطبع الاول لاستخدام يوم الهاتف كويس
معاه ضمان سنة لوكيل فى القاهرة
اللتليفون جاى متبرشم فى علبة مقفولة داخل علبة تانية من موقع جوميا
بس مواعيدهم زفت اتصل بيا 8ونص باليل قالى جايلك كمان ساعة جالى 11 وتص باليل
شكرا لأهتمامك
اتصلت يوم 12/4/2015 لعمل طلب إسترجاع و حتى الأن لم يحضر مندوب الشركة لأستلام الجهاز
لللأسف تجربة سيئة و لن تتكرر مرة اخرى و كويس انها جد فى 560 جنية بس
فى ريفيوهات كتير عن تجارب ناس فى الاسترجاع ممكن تتعدى مدة الشهر من الاخر شركة جوميا شركة فاشلة و لا تهتم بخدمة العملا كلة شغل هندلة و تثبيت
استلمت الموبايل يوم شم النسيم وبصراحة جميل جدا وخرافة مقارنة بالسعر
طلبته السبت اللي قبل شم النسيم وجالي يوم شم النسيم الصبح يعني يومين التليفون اجمالا بالنسبه لسعره ممتاز عيوبه استقبال الواى فاي ضعيف مقارنه بموبايلات تانيه زي سامسونج دوس نوكيا لوميا والكاتيل ايدول اللي معايا بيني وبين الراوتر ٦ م بتبقي الاشارة في اقل مستوى بالمقارنه بال ٣ موبايل التانيين التشارة بتبقي قوية تاني عيب التاتش بتاعه تقيل سنه برضه بقارنه بال٣ موبايل اللي معايا الشاشه ممتازه والبطاريه بتكمل اليوم مع الاستخدام المتوسط للواي فاي ويومين لو مكالمات فقط اجمالا قيمة ممتازه مقابل السعر المدفوع
الحمدلله التليفون وصل إنهاردة حوالى الساعة 5 مساءً
التليفون ممتاز مقارنة بسعرة طبعا مقارنة باسعار ماركات تانية بنفس الامكانيات
تجربة التعامل مع جوميا مش بطالة بس بصراحة عايزة واحد عندة طولة بال و برود شديد
متابع
موبايل فيه شوية عيوب مش ظريفة
1- شبكة الواي فاي بتكون اقل شرطة من اي موبايل تاني
2- الموبايل بيفتح في جيبك بسهولة لو حد رن عليك ,جرب خلي حد يرن عليك وامسح الموبايل في هدومك بدون متلمس شاشتة هتلاقية فتح في ثواني وطبعاً المفروض دا ميحصلش عشان ميفتحش في جيبك وانت مش واخد بالك
3- زوايا الروؤية مش جيدة زي سامسونج وسوني وباقي الموبايلات المعروفة
4- الانترنال ميموري بتتشاف انها رقم 1 والاكسترنال ميموري بيتشاف انو رقم 0 مع انوا المفروض العكس
وشوية حاجات تانية مش متذكرها لإن الموبايل لسه صديق ليا شارية والعيوب دي ظهرت بعد التجربة علي تليفونة وتليفون صديق تاني .. لذلك وجب التحذير والتنبية.
1- معاك حق بس بيجيب شبكة
2- بتحصل ساعات بس لما يتوفر الجراب اظن الموضوع ده هايضبط
3- انا شايف ان موضوع زوايا الرؤية دى وجهات نظر تختلف من شخص لاخر مينفعش اقارن تليفون ب 550 جنيه ب تليفونات تتعدى 1500 بنفس الامكانيات اكيد هايبقى فيه فرق
4 انا لغاية دلوقتى مركبتش ميميور بس الذاكرة الداخلية للهاتف فاضى منها حوالى 12 جيجا والحمد لله على كده اوى تليفون مقضى احتياجاتى وعلى اد فلوسه