عرض للطباعة
فين اماكن بيع المغناطيسات احجام واشكال مختلفه لانى حاولت اقطع مغناطيس بمقاس معين لكن لايمكننى حيث انه تهشم منى جربت القطع بالمنشار الحديد والصاروخ دون جدوى تفتت منى بالاضافه الى انه يفقد المغنطه فمنفضلكم دلونى على اماكن بيع مقاسات مختلفه فى اى مكان سوف اصل باذن الله ٠ متشكر جدا مع تحياتى
تانى
متابع
انا كمان متابع ... فى انتظار المعرفة :)
من جرس موبايل نوكيا x1 ولو عايز مقاس أصغر يبقى n73 تجيبهم من أي حد بتاع صيانه يكونوا تالفين هايرميهم
ممكن تستخدم مغناطيس كهربى لو يناسب احتياجك .
http://www.appliance411.com/faq/electro-magnet.gif
متابع
هتلاقيهم عند بتوع صيانة المحمول قولة انا عايز المغناطيس بتاع حساس الباب لنوكيا 6131 او نوكيا 6085 او سامسونج e250 او اى تليفون تانى بيفتح ويقفل عشان المغناطيس دة هو اللى بيشغل حساس الباب
حضرتك بتشتغل في ايه ,جوب المغمطيس تحت بند ايه
i60.tinypic.com/algcw7.jpg
.1..
i57.tinypic.com/zmyv0j.jpg
2...
i57.tinypic.com/1zw0xkx.jpg
3....
إنسخ الرابط لكل صوره وافتح في صفحه تانيه
هات مغناطيس تلاجه وقطعه براحتك
يانهار ابيض الاول كفايه تشريفكم العظيم فى موضوعى حقيقى ما فتحتش النهاده خالص واسف اما عن احتياجى للمغناطيس فهو يوضع فى حساس خاص بالمعدات الثقيله يعنى جميع الروافع بيكون لها حد معين للاخر بعد كده السائق يتحكم بذراع خاص بالرفع كى يفصل الحركه طيب لو السائق نسى الذراع معلق من الممكن ان يتم اتلاف خراطيم هيدروليك خاصه بالرفع مما يترتب عليه اهدار هيدروليك ليس بالقليل لذلك احتاج عند وصول الرفع اخر مستواه يتم الفصل تلقائيا دون تدخل من احد بواسطة فكره مجربه يتم استخدام المغناطيس فيها وهو المعنى ودوشتكم معايا بس كان لازم اقولكم علشان تعرفو الطلب الذين تساعدونى فيه اما عن انا بشتغل ايه فسبع صنايع والبخت ضايع ممكن اكون بفهم شويه فى المعدات لوادر تحديدا اما عن تشريفكم لى فى الموضوع فهو شئ اقدره جدا ويكفى ان زملاء اعزاء احترمهم موجودين فى الموضوع وجود الكرام ولن اقول اسماء طبعا لانى اكيد هنسى حد ممكن يزعل فكلكم لا تتخيرو عن بعض فى الادب والاخلاق ٠ تحياتى الخاصه
شنورى باشا انا جربت التقطيع بجميع الادوات الممكنه لكن تهشم وتفتت ومش عارف احصل على مقاس معين ٠٠٠٠ هو حضرتك تقصد مغناطيس باب التلاجه اللى بيبقى فى الداير عموما لو كده انا هجيب واحد وهجرب فيه لان فعلا النوع ده ما جربتوش يمكن يكون طرى شويه وهقولك على النتيجه ٠ تحياتى الخاصه لك
اللى شاف اامغناطيسات فى الموبايل قبل كده يوصف شكله تحديدا هل هو مربع مستطيل ولا دائرى مع العلم ان انا محتاج نوع دائرى قطر اربعه او خمسه ولو قل شويه او زاد شويه ممكن اعالج الموضوع بطول ممكن نص سنتى او اكتر برده مش مشكله المهم انه يكون مدور وليس مربع لان التربيع بيعطى زوايا انحراف
اي هند فري هتلاقي في سماعته مغناطيس مدور شوفه لو يمشي معاك
للمرة التانية روح لاقرب واحد بتاع صيانة محمول فى منطقتك وهتلاقى عندة اكيد مقاسات كتير صغيرة بالوصف اللى بتقولة لانها بتطلع من السماعات الصغيرة بكل اشكالها ابتداء من سماعات الهاندفرى البايظة لسماعات المحمول وتحديدا التليفونات الصينى ولو ملقيتش عندة يبقى عند الناس بتوع صيانة الاجهزة الكهربائية (تليفزيون وتسجيل ......الخ) والحاجت دى بتبقى مرمية عندهم وملهاش تمن وبردو لو ملقتش يبقى قص حتة حديدة على الصاروخ بالمقاس اللى انت عايزة بدقة وبعدين مغنطة بمغناطيس بتاعة سماعة يكون كبير وشديد عملية المغنطة هتاخد منك بتاع نص ساعة وهتلاقى نتيجة ايجابية فى الاخر
استاذ ظريف مشاركاتك فى الموضوع من الاساسيات لاشك بدليل انك قلت حل فى الغالب هو اللى هيتنفذ وهقولك اول باول ان شاء الله ونورت موضوعى والله وكفايه مساعدتكم
بالنسبه للمغمطيس تلاقيه عند النخيلي في باب اللوق ,وتجار الكهارب في الموسكي .موضوع وصول الرافع لمشوار معين وفصل الدراع الريدي معمول من زمن في اللوادر وفيه حساسات راكبه بتستحمل التراب والهز واصله بسلونيد بالبلف وتفصل تدفق الزيت.اقتباس:
المشاركة الأصلية كتبت بواسطة فتح الباب
http://r2.oemoffhighway.com/files/cy...8_10287169.jpg
ادي كنترول ومجهز لما البومة او الكبشه تجيب مشوار معين ينطر
فلو هتجيب مغناطيس ثابت ودا استعماله محدود جدا في المعدات لازم تعرف شدة مجاله المغمطيسي .الشائع سلونيد
بالمناسبة السواق اللي بينسي ويفضل قارص ع الكنترول او كل شوية يضرب خراطيم لا يصلح يشتغل علي العدد دي . التعديل معمول اساسا لتوفير الوقت في ضبط الارتفاع .زي تحميل قلاب بلودر بدل كل شويه يضبط تتعمل مرة واحدة وطبعا لازم سواق متمرس مش مخرب
ميكا حبيبى انت معايا على الخط اهه الله ينور عليك انت وصلت للى انا عايزه هى الفكره قريبه شويه من فكرة السلونايد لكن السلونايد يعمل مثلا على غيارات تنقل حركه فى جير بوكس انما فكرة الرفع هنفذها خارجيا لان لودر موديل قديم زى كده مش مجهز لكده وانا بعدل ده ليتساير شبه الحديث نوعا ما اما عن قوة المغناصيس لو شديده او ضعيفه فسهل التحكم فيها بواسطة ابعاده او تقريبه المهم عندى المقياس
يادى الزحمه باب اللوق يعنى يادوب الواحد يدخل بكتفه ودى مشكله لوحدها وانا من النوع الكسول اوى ميكا مش ملاحظ انى دايما بحشر نفسى فى عناوين ضيقه والوقت بيضيع فيها بسرعه من غير عمل اى مصلحه اه على فكره قبل ما انسى اموت واعرف انت بتجيب الصور دى بالسرعه دى ازاى
يا باشا السلونيد لهش دعوه بالغيارات او الجير بوكس .فيه حساس راكب علي البومه يدي اشاره للسلونيد اللي في كنترول الهيدروليكي يزق الاسبول مكانه ويقطع عنه البيلوت زي الصوره .فصاحبنا التيهان دايس ع الدراع في الكبينه لكن مفيش رفع زياده هيتم.الصور من مواقع شركات زي كوماتصو
ابو فتح طب هتحط المغمطيس الثابت علي كدا فيناقتباس:
المشاركة الأصلية كتبت بواسطة فتح الباب
فى بلوك جاهز مكانه فى جمل الرفع البلوك كان فيه حساس اصلا وضايع
طب وهتديله اشارة منيناقتباس:
المشاركة الأصلية كتبت بواسطة فتح الباب
هنديله اشاره من جزء متحرك عليه متماسين مع بعضاقتباس:
المشاركة الأصلية كتبت بواسطة mecha
علي الله يستحمل قرص العدد التاقيله دي
هيستحمل وهيبقى كويس لان لان الاحتكاك بينهم منعدم او بينهم ١ ملى على الاقل بافتراد المغناطيس مش قوى بس هو فين وايه الصور الجامده دى على فكره انا بحب الحاجات دى قوى مشكور على كل حال