البوليش

**Dew Drops** · 10-11-2008 11:00 AM

عايز اعرف اشترى منين البوليش علشان اشيل البوية اللى موجودة على العربية نتيجة الاحتكاك مع عربية تانية
وهل فى انواع معينة ولا ايه وشكرا

**MotorX** · 10-11-2008 01:00 PM

من أي محل بويات سيارات تشتري علبة كومباوند وعلبة بوليش ، ممكن تشيل اثر احتكاك البوية بالكومباوند وبعدين تلمع مكانها بالبوليش ، وبخصوص النوع هي ماركة ميدو للأتنين.

تحياتي.

**Dew Drops** · 10-11-2008 01:38 PM

طيب هل احط منه بكمية معينة ولا اى حاجة يعنى وسعره فى حدود اد ايه

**sab3aawy** · 10-11-2008 03:06 PM

فيه عندك نوعين من المواد بتشتريهم مع بعض، الكومباوند ، هو مادة بيضاء حاكة تقوم بعمل صنفرة خفيفة جدا للبوية وبالتالى تلميعها وازالة اثار البويات والشحومات من عليها ، والبولش وهو مادة صفراء شمعية تقوم بالتلميع

الطريقة سهلة جدا، نظف سطح السيارة، افرد كمية من الكومباوندج باصابعك على البوية، ادعكها بحتة قطن كبيرة حتى يزول الكومباوند، وممكن بعد ما تخلص الكومباوند تلمها بالبولش او متلمعهاش انت ومزاجك

علبة كومباوند ميدو+علبة بولش ميدو+كيس القطن من عند بتاع البويات فى حدود 15-20 جنيه وهتفضل عندك سنوات لحد ما تخلص