قرفت من سخونة اسبيرانزا a516 ومحتاج المساعدة

**mous6fa** · 04-04-2015 08:44 PM

السلام عليكم ورحمة الله وبركاته

أنا هتجنن خلاص من العربية وزهقت ... من حوالي شهر كده العربية سخنت فجأة بدون سابق إنذار وحصل الموقف ده بتاع 3 مرات خلال يومين وبعدها ماحصلش تاني وقولت يمكن مستوى المية كان ناقص ولا حاجة والمشكلة انتهت ... مشيت زي الفل بدون مشاكل حوالي 3 اسابيع وفجأة رجعت نفس المشكلة تاني بس المرة دي لقيت ان حوالي 2 لتر زيت إختفوا من الموتور بدون اى تسريب او دخان من الشكمان ولا ليهم اى اثر والميكانيكي فسر الموضوع بإن لما الموتور سخن جدا الزيت فقد اللزوجة بتاعته واتسرب بسهولة من الموتور ....عملت مع الميكانيكي إختبار "جوان وش السلندر" اللى هو تدوير العربية وهي باردة وفتح القربة لمراقبة فوران المية والحمدلله العربية كانت طبيعية ومحصلش حاجة ... بعدها العربية أتجننت ... يوم تبقى كويسة ويوم تسخن بسرعة رهيبة مسافة ما اطلع من البيت ... فكيت الريداتير ونضفناه وسلكناه وغسلنا دورة التبريد بالكامل وبرضو العربية سخنت تاني ... الميكانيكي كشف ع "طرمبة" المية وقالي كفائتها حوالي 70% وأستبعد انها تكون السبب ف المشكلة دي .... المراوح شغالة كويس وبكامل قوتها ومش بتعلّق ولا فيها مشكلة ... انا زهقت ومش عارف فين المشكلة دلوقتي !!!!! هى أغير الطرمبة وماسمعش كلامه ولا ابص ع ايه تاني ف العربية ممكن يكون السبب ف اللى بيحصل ده !!!!

**hugan** · 04-04-2015 09:29 PM

اظن ان كده بوادر جوان طالما المياه بتنقص

**MMMERO** · 05-04-2015 10:18 AM

ربنا معاك انا عارف مشاكل السخونة دى بيتبقى صعبة اوى وياريت تبقى تطمنا

**Abo_Mazen** · 05-04-2015 10:32 AM

طيب الميكانيكي مشكش في ثرموستات الكوع ...تكون بدأت تهجص ..خلي الميكانيكي يشيل ثرموستات الكوع كده وجرب

**Mecha** · 05-04-2015 01:10 PM

غير ترمو وطرمبه

**م أحمد** · 05-04-2015 02:43 PM

أفتح الكبوت (وقت السخونية) و أتأكد ان المروحة دايرة و ان دى مش مشكلة كهربا

فك البوجيهات و لو لقيت آثار صدأ على 2 بوجيه متتاليين يبقى جوان وش سلندر

المس بايدك (وقت السخونية) الخرطوم الداخل للمبرد و الخرطوم الخارج منه..لو لقيت فرق درجات حرارة يبقى سدد فى دورة المياه

**ALshahba** · 05-04-2015 11:30 PM

السلام عليكم ورجمة الله

من تجربتي مع السخونه ..........باختصار شديد
فك ثرموستات الكوعه وشغل العربيه من غيره وجرب .......... حتلاقيها ان شاء الله ظبطط معاك تمام
المشكله ان الثرموستات دي اغلبها فى الاسبيرانزا من انواع سيئه غير اصليه بتقفش وتبوظ بسرعه غير ايام زمان ,,, بالاضافه ان مواتير الاسبيرانزات من النوع اللي بيسخن جدا

بالتوفيق
في امان الله

**mous6fa** · 06-04-2015 02:45 PM

وافر الشكر والتحية لكل الأعضاء الكرام :)
1- وقت السخونية المراوح شغالة بكل قوتها ومفيهاش اى مشكلة
2- لما بمسك الخرطوم اللى داخل للريداتير (الخرطوم العلوي) بلاقيه طبعاً مولع نار ومليان مية مغلية ... لكن لما بمسك الخرطوم التاني الخارج منه (السفلي) بلاقيه عادي جدااااا وبضغط عليه بسهولة
3- فى ترموستات بالفعل مش موجودة واتأكدنا من عدم وجودها ف الجزء الأخير من جسم الموتور اللى هو طالع منه الخرطوم العلوي اللى خارج بالمية المغلية للريداتير ... الترموستات دي تم إلغائها طبعا من المالك السابق للعربية
4- دي صورة إسترشادية عشان الناس تفهم قصدي اكتر

**Abo_Mazen** · 06-04-2015 04:21 PM

المشاركة الأصلية كتبت بواسطة mous6fa

وافر الشكر والتحية لكل الأعضاء الكرام :)
1- وقت السخونية المراوح شغالة بكل قوتها ومفيهاش اى مشكلة
2- لما بمسك الخرطوم اللى داخل للريداتير (الخرطوم العلوي) بلاقيه طبعاً مولع نار ومليان مية مغلية ... لكن لما بمسك الخرطوم التاني الخارج منه (السفلي) بلاقيه عادي جدااااا وبضغط عليه بسهولة
3- فى ترموستات بالفعل مش موجودة واتأكدنا من عدم وجودها ف الجزء الأخير من جسم الموتور اللى هو طالع منه الخرطوم العلوي اللى خارج بالمية المغلية للريداتير ... الترموستات دي تم إلغائها طبعا من المالك السابق للعربية
4- دي صورة إسترشادية عشان الناس تفهم قصدي اكتر

الله ..طيب ما حضرتك قلت على الحل أهو ..حضرتك قلت على الحل أهو في وسط الكلام ..الخرطوم اللي فوق ناشف وسخن مولع ..والخرطوم اللي تحت بارد ولا حاسس بحاجه ..إيه اللي بين الخرطوم اللي فوق والخرطوم اللي تحت ..الريداتير ..يبقى تغسل الريداتير وتسيخه ..تسيخه مش تغسله كده وخلاص وتحط مياه لغاية ما تلاقي المياه اللي داخله طالعه نضيفه والكلام ده..لأ .الطريقه دي في التنضيف بكش في أونطه ..لازم ..الريداتير يتسيخ يعني يتفك الخزنه اللي فوق ويتحط سيخ في المواسير بتاعة الريداتير ماسوره ماسوره ..ثانيا ..إختبار فوران المياه عشان تعمله تخلي العربيه بايته من بليل وبارده جدا ..يعني تبقى بلغتنا كده ..بارده تلاجه ..وبعدين تقوم حاطط مياه في الريداتير لغاية الفوهه بتاعته ..يعني تخلي المياه واصله لغاية الآخر في الريداتير ..وبعدين تقوم مدور العربيه ..لو المياه نطت لفوق مع بداية دوران العربيه ..يعني لقيت المياه عملت jump كده لفوق مع بداية الدواره ..يبقى كده في كبس محرك داخل على دورة التبريد ..وممكن تخلي حد يبقى يدورلك العربيه وحضرتك واقف قدام الريداتير مراقب الموقف ..خلي بالك..موضوع إختبار كبس المكنه اللي داخل على دورة التبريد ده ..الموضوع ده ما يتعملش وهي العربيه دافيه أو سخنه ..لازم تبقى بايته من قبليها بيوم وبارد ه ه ه ه ..جرب وقلنا عملت إيه

قبل ما أنسى ..هي العربيه عندك بيتسحبلها هوا ولا لأ ..يعني في بلف بتسحب منه الهوا ولا مفيش ..

-

الموضوع: قرفت من سخونة اسبيرانزا a516 ومحتاج المساعدة

LinkBack

أدوات الموضوع

عرض

-

-

-

-

المواضيع المتشابهه

بدور علي اسبيرانزا a516

اسبيرانزا a516

اسبيرانزا a516 للبيع

اسبيرانزا a516 ولا فيرنا

اسبيرانزا A516 و اسبيرانزا A620 بدواسات طبيعية مش كرتون.....

الكلمات الدلالية لهذا الموضوع

المفضلات

المفضلات

ضوابط المشاركة