السلام عليكم
محتاج اعرف اسعار شغل الجبس متوسطها كام ... عشان اعمل حسابى ف الميزانية قبل ما ابدأ
ارج زى كده ان شاء الله ب4 اسبوبتات لطرقة عرضها 2 متر
http://up.dekorat2day.com/uploads/de...6821154243.jpg
و محتار ما بين الاسقف المعلقة و ما بين برواز عالسقف و صرة ف النص
؟؟؟؟؟؟؟؟؟؟؟؟؟؟؟؟
متر المصيص ب 10-15 جم
ومتر الكرانيش 20-30 جم
و الاسقف الساقطه علبة حرف l ب 80 جم المتر
انما الفرام دا بيبقي علي حسب الاتفاق مع الصنايعي
انصحك تبعد عن الجبس وتشتغل بالجبس بورد ارخص كتير واسرع كتير
المتر يبدأ 50 جنيه خامات وتركيب اما الجبس متر بياخد جبس كتير جدا ووقت كتير جدا ومصنعية كتير جدا جدا
شكرا جزيلا .... بس هو فيه فرق بين الجبس بورد و الجبس العادى ؟
انا كل ده فاكرهم واحد :d :d
الجبس بورد عبارة عن الواح جبس وعليها طبقة عازله عامله زي الكرتون او ورق مقوي
وفي منه انواع المضاء للماء و مضاد للحريق
وهو فعلا ارخص من الجبس العادي
بس نصيحه ابعد عنه لو شقتك تمليك
اولا الفواصل بتاعته تفتح بعد فترة ودا عن تجربة حتي لو الصنايعي ميه ميه باردوا لازم يريح
ثانيا الخامة بتاعتة اخف كتير اوووي من الجبس العادي
وكمان لو ناوي تعمل اشكال دورانات وكده الجبس هيبقي افضل كتيير
مشاركة مثمرة جدا استفدت منهااقتباس:
المشاركة الأصلية كتبت بواسطة midoabdeen
ظالمين الجبيسوم بورد
حاليا هو احل الافضل في تشكيلات الديكور
وافضل وارخص من الشبك المدد
ومن البلاكات الجبس الصب
طالما الشغل اتعمل صح يستحيل ينمل او بشرخ
اللى اعرفه ان الجبسون بورد بيتعمل بيه اشكال كتير واجمل وارخص واسرع ف تنفيذه
بس ميزة الجبس انك بتعمله مره وتنساه
انما الحاجات الجاهزه زى الجبس اون بورد والفيوتيك"بديل الكرانيش" بيفك من بعضه مع السنين
---
انا متخيل لو شقتك تمليك ومش ساكنة تشتغل جبس عادى..انما مش هتستحمل الزروطة وعامل الوقت مهم عندك الجبس اون بورد اختراع
السلام عليكم
لو سمحتم عندي سؤال فني بالنسبة للجبسوم بورد
عندي رسيبشن طوله 8.5 وعرضه 3.5
عاوز اعمل بيت نور صغير وبسيط في السقف في الداير. طولة يبقى 30 سنتيمتر
شبيه بالصورة دي كدا :
http://files2.fatakat.com/2012/9/13483420323933.jpg
الحساب بتاعها هيبقى ازاي ؟
انا حسبتها على المتر الطولي , يعني محيط السقف في ضرب عرض اللوح 30 سنتيمتر
[ (8.5+3.5) * 2 ] * 0.3 = 7.2 متر
هل حسابي كدا صح. ولا ليها حساب تاني ؟
ﻻء مش كدهاقتباس:
المشاركة الأصلية كتبت بواسطة هيثم مجدي
حضرتك كده ربعت الشغل وده بيتعمل في المساحات الفلات
انما بيت نور في الداير يتقاس طوالي يعني اقل من متر يتحسب متر
يبقي طوال الضلع 8/5 متر وتضرب في سعر المتر
شكرا جزيلا لحضرتكاقتباس:
المشاركة الأصلية كتبت بواسطة hugan
بس اعذرني مفهمتش الطريقة اللي حضرتك قلتها هتطلع المساحة كام ؟
وهل معنى كلامك ان عرض اللوح مش هيفرق لو 30 سنتيمتر او 50 سنتيمتر ؟
كده المساحه هاتكون 8/5زائد 8/5 يساوي 17 زائد7 متر الضلعين الصغيرين يبقي المجموع 23متر
بالضبط عرض المقاس اللي اختا رته مش ها يفرق طالما عرض الجنب افل من متر
في طريق تانيه بس في ناس بتستخدمها في الشغل الكبير
الجنب بيتفرد عادي يعني 30 سم زائد 20 مثلا سقوط يبقي المجموع 50 سم ينضرب في سعر المتر المربع
وبيت النور يتحسب بالمتر الطولي
اللى اعرفه من التعامل مع الصنايعية لو هتعمل صالة مربعة مثلا طولها 5 متر و عرضها 5 متر
بيبقى الحساب لو متر طولى 5+5 = 10 ف 2 = 20 متر .... فلو المتر ب 100 ج ... كده الصالة هتتكلف 2000 ج
و كانت 80 ج للمتر السادة و 100 للمتر اللى فيه حركات دورانات و كلام من كده
بالنسبة للاشكال اللى بتتعمل ف السقف نفسه فديه بتبقى بالمقاولة كده .. يقولك هعملك ديه ب الف جنية مثلا
و بردوا ممكن تاخدها مقاولة واحده و تقوله عندى صالة كذا كذا عايز اعمل فيها بيت نور و ف النص الشكل الفلانى ... هيقولك مثلا هتكلفك 3000 بالمونة و المصنعية .... تنزل معاه شوية بقى و كلام من كده
انا لسه مخلص كرانيش النهارده استخدمت كرانيش جاهزه بصراحه شكله جميل وبيتعمل بسرعه احسن من الجبس العادى وعملت فى الصاله بوكس للاسبوتات والكرانيش دى منتج شركة betcom
ياريت اذا تقدر تقول التفاصيل (اسعار الخامات والمصنعية)اقتباس:
المشاركة الأصلية كتبت بواسطة run
متابع بشدة
الاسعار اكيد بتختلف على حسب المحافظه رغم انو فرع شركة بيتكم على العموم هو بيبتدى من 10جنيه لمترالخامات والمصنعيه 7 جنيه شامل المعجون والزاويات وكده بالنسبه للبوكسات انا اخترت خامه بـ 30 و 35 + 7 جنيه المصنعيه وبالنسبه للصرر كانت بـ 50 الى هى الوسطاقتباس:
المشاركة الأصلية كتبت بواسطة هيثم مجدي
انا لسه محاسب الراجل بتاع الجبس..الدنيا غاليه مولعه والمصنعيه مهولة
متر الكرانيش حاسبنى عليه ب 23 والمصيص ب 20 وقالى انه احتاج جبس كتير جدا عشان السقف كان متعرج جامد
متلر البلك "العلبه عشان تعمل بيت نور او بيت ستاره" ب 70
وطريقه حساب بيت النور خراب بيوت بجد,
انا عشان عامل بيت نور مفتوح فبيعمل كورنيشه جوه بيت النور وكورنيشه تانيه تحت العلبه وكل دوران له حسبه تانية
شكرا--------000000
كنت عملت اسقف جيبسيوم بورد افضلاقتباس:
المشاركة الأصلية كتبت بواسطة 4fun14
انضف وارخص ومش هايشرخ زي البلاكات
والله يافندم ف الشركه اللي انا شغال فيها السقف عندنا جبسون بورد وبيفارق ف حتت كتير غير انه وقع ف حتت بسبب مياه التكيفات.. مش عارف ان كان ارخص فعلا ولا لا بس اللي فاهمه ان الجبس يعيش اطول بس ف المقابل بيبهدل الدنيا طبعا وعاوز شغل مده طويله
خير ان شاء اللهاقتباس:
المشاركة الأصلية كتبت بواسطة 4fun14
ممكن اللي عندك في الشغل ماتخدمش كويس
لكن عموما البلاكات الصب مافيهاش كلام لازم تشرخ بفعل درجات الحراره صيفا وشتاء