سجلت العربية في الشهر العقاري وخايف ملحقش أفحص قبل الشهر مايخلص

- دلوقتى ياجماعة أنا اشتريت عربية دايو لانوس 2 بـ 50 ألف

وسجلت في الشهر العقاري وقالولى لازم تروح المرور بتاعك تفحص وترخص خلال شهر من تاريخ التسجيل وإلا العقد يسقط ...

بالرغم من أن العربية رخصتها تنتهى شهر 10 اللى جاى والفحص 2017

و كنت عارف ان العربية عليها مخالفات 1400 ج وخصمتهم من سعر العربية وعشان كده لسه مطلعتش شهادة مخالفات .

وروحت نيابة الدراسة وعملنا تظلم ووكيل النيابة قاللنا اتشالت خلاص بس لسه البيانات مدخلتش على الكمبيوتر

أنا موش عارف أبدأ منين واعمل ايه قبل ايه ؟؟؟ !! خايف ملحقش أفحص قبل الشهر مايخلص والعقد يسقط ..

أفيدووووووووووووونى أعمل ايه وأبدأ ازااااااى ؟؟؟



تم تعديل العنوان ليتناسب مع المحتوى
م.ع 7

يبق انت مضيت علي عقد البيع كمشتري صح كدا


انا هتفحص بس وهتنقل ملكيه بس المده هتكون ذي ما هي مفيش مشكله ان شاء الله

بس انت ليه مضيت كمشتري

اقتباس:

---

المشاركة الأصلية كتبت بواسطة احمد المصرى

يبق انت مضيت علي عقد البيع كمشتري صح كدا


انا هتفحص بس وهتنقل ملكيه بس المده هتكون ذي ما هي مفيش مشكله ان شاء الله
[gdwl]
أنا دلوقتى استنى المخالفات تتشال بعد ما وكيل النيابة قاللى ان التظلمات اتشالت وفيه تأخير ف ادخال البيانات على الكمبيوتر وللا أروح أدفعها عشان ألحق وقتى والشهر مايخلصشي قبل ما أفحص ؟؟؟[/gdwl]

بس انت ليه مضيت كمشتري

---

[gdwl]بصراحة محدش فهمنى حاجة[/gdwl]

أخي الكريم .... الموضوع بسيط جدا
أنا كنت قلقان جدا زي حضرتك وكنت خايف لأن التوكيل لما اشتريت بيه العربية كان محدد بفترة حتى نهاية الرخصة فقلت يدوب شهرين علشان ألحق أخلص وإلا مدة التوكيل هتنتهي والعربية ترجع ملكيتها لصاحبها
توكلت على الله وبدأت في الاجراءات لله الحمد أخدت يومين فقط
أول يوم براءة الزمة ثم عقد البيع مني لنفسي بالتوكيل في الشهر العقاري
تاني يوم الفحص واجراءات الورق في المرور واستلام الرخصة
المسألة بسيطة جدا هتخلص في يومين على أسوأ الأحوال وربنا يعينك

نسيت أقول لحضرتك إن في خلال اليومين دول
أنا مش بدفع رشاوي
وأول يوم ضيعت العقد وفضلت أدور عليه لغاية ما لقيته
وتاني يوم ضيعت مفتاح العربية وفضلت أدور عليه لغاية ما لقيته

مفييييييييش حاجه إسمها عقد يسقط ..العقد لما يعدي عليه الشهر ...حضرتك بتلبس في حاجه إسمها مصاريف تجديد تاريخ..ودي بتبقى تلت القيمة اللي إدفعت في الأول وقت عمل العقد ..يعني لو المصاريف اللي إتدفعت عشان العقد كانت ألف جنيه ..لما يعدي عليك الشهر ولسه منقلتش حضرتك هضطر تعمل حاجه إسمها تجديد تاريخ بتلت قيمة العقد اللي هي الألف جنيه ..يعني تلتميت جنيه ..حكاية بقى تبتدي بإيه قبل إيه ..دي بقى تضبطها مع نفسك ..بس إنتهاء العقد مش بينهي العقد ..لأ ..ده بيدي فرصه للشهر العقاري إن يستقطعك تاني بعد ما إستقطعك أولاني في فلوس ولا ليها أي تلاتين لازمه ..خلي بالك ..تجديد التاريخ مش محتاج يكون اللي باعلك معاك ..ده إنت ممكن تعمله لوحدك

انا كنت لسه فى الشهر العقارى من اسبوعين والمعلومات دى اكيده لانى سئلتهم هناك لو العقد سقط بتعمل تجديد بشهر اخر ب10 جنيه فقط وروح واسئل على ضمانتى من كلام الموظفه

معلومه جديده بس انا شخصيا لما عملت كدا الراجل باعلى من غير ما امضى على عقد البيع وقعد معايا شهور ولما الرخصه قربت تخلص رحت عملت فحص ونقل ملكيه مره واحده وخلاص

اقتباس:

---

المشاركة الأصلية كتبت بواسطة dr\mohamed

أخي الكريم .... الموضوع بسيط جدا
أنا كنت قلقان جدا زي حضرتك وكنت خايف لأن التوكيل لما اشتريت بيه العربية كان محدد بفترة حتى نهاية الرخصة فقلت يدوب شهرين علشان ألحق أخلص وإلا مدة التوكيل هتنتهي والعربية ترجع ملكيتها لصاحبها
توكلت على الله وبدأت في الاجراءات لله الحمد أخدت يومين فقط
أول يوم براءة الزمة ثم عقد البيع مني لنفسي بالتوكيل في الشهر العقاري
تاني يوم الفحص واجراءات الورق في المرور واستلام الرخصة
المسألة بسيطة جدا هتخلص في يومين على أسوأ الأحوال وربنا يعينك

نسيت أقول لحضرتك إن في خلال اليومين دول
أنا مش بدفع رشاوي
وأول يوم ضيعت العقد وفضلت أدور عليه لغاية ما لقيته
وتاني يوم ضيعت مفتاح العربية وفضلت أدور عليه لغاية ما لقيته

---

[gdwl]شكرا د/محمد طمنتنى وربنا سترها معاك[/gdwl]

اقتباس:

---

المشاركة الأصلية كتبت بواسطة m_m_sh_a

مفييييييييش حاجه إسمها عقد يسقط ..العقد لما يعدي عليه الشهر ...حضرتك بتلبس في حاجه إسمها مصاريف تجديد تاريخ..ودي بتبقى تلت القيمة اللي إدفعت في الأول وقت عمل العقد ..يعني لو المصاريف اللي إتدفعت عشان العقد كانت ألف جنيه ..لما يعدي عليك الشهر ولسه منقلتش حضرتك هضطر تعمل حاجه إسمها تجديد تاريخ بتلت قيمة العقد اللي هي الألف جنيه ..يعني تلتميت جنيه ..حكاية بقى تبتدي بإيه قبل إيه ..دي بقى تضبطها مع نفسك ..بس إنتهاء العقد مش بينهي العقد ..لأ ..ده بيدي فرصه للشهر العقاري إن يستقطعك تاني بعد ما إستقطعك أولاني في فلوس ولا ليها أي تلاتين لازمه ..خلي بالك ..تجديد التاريخ مش محتاج يكون اللي باعلك معاك ..ده إنت ممكن تعمله لوحدك

---

[gdwl]انا دافع 380 ج تسجيل في الشهر العقاري [/gdwl]

حاول تروح تتاكد من المكتب افضل

اقتباس:

---

المشاركة الأصلية كتبت بواسطة ahmed tarek 00

[gdwl]انا دافع 380 ج تسجيل في الشهر العقاري [/gdwl]

---

حسب معلوماتي مصاريف تجديد التاريخ هتبقى بتلت المبلغ اللي حضرتك قايله فوق ده ..يعني تقريبا 120 جنيه ..مع إن فيه مشاركة لزميل لينا بتقول إن مصاريف تجديد التاريخ ب 10 جنيه ..عموما سواء كده أو كده فكل اللي يهم حضرتك إن مفيش حاجه إسمها العقد يسقط ..وإن فيه تجديد تاريخ ..تجديد التاريخ ب 10 جنيه أو ب 120 جنيه اللي هي تلت مصاريف العقد في الأول ..دي بقى زيارة لغاية الشهر العقاري في أي مره تكون معدي عليه وتاخد المعلومة بخصوص مصاريف تجديد التاريخ