الموضوع: حاجات عملتها ف العربية ومشكلة تانية ظهرتلى أرجوا المساعده

السلام عليكم ورحمة الله وبركاته


ازيكم يا سيتاوية

عندى مشاكل وعايز رأيكم فيها

- الحمد لله روحت ظبط حاجات فى العربية ولكن للأسف كل ما اخلص من حاجه حاجه تانية تطلعلى

- جبت شجرة استيراد بالكوعة وبالترموستات .. لكن الحرارة مظبطتش اوى .. مش مشكلة

- الكوبلن الداخلى كان بايظ .. بس الخارجى بيطرقع مش مشكلة بردو

- صليبة الدريكسيون مبوشة واتغيرت ..لكن الدريكسيون تقيل بردوا وده حال موديل 94 . مش مشكلة

- قبل ما اخد العربية من الميكانيكى بعد اسبوع جاى امشى .. جابت طرمبة زيت .. اتغيرت وبقت كويسه ساعتها.

- غيرت مساعدين استيراد بدون سوست .. والفرق مش كبير .. مش مشكلة

- غيرت بطاحه بدل اللى طلعت مقطعه .. الحمد لله.

- وانا ماشى من عنده فجأة لاقيت اول ما المروحه تشتغل التكييف يشتغل !! لغيت التكييف لحد ما افضالها ..

- المهم روحت وع المحور لاقيت الحرارة بتسخن .. معدتش النص بكتير .. روحت لاقيت دخنه بيضه من الكبوت ولمبة الزيت نورت طلعت بيتنا وانا المهم نزلت ومعايا مياه ولاقيت العربية فاضية .. زودت 4 لتر ودورت والحمد لله جت سليمه


تانى يوم المياه بتنقص بقالها فترة طويلة ومش عارف السبب .. لقيت من ورا سير الكاتينة تنقيط مياه مستمر بقى .. روحت للزعيم اللى فى صقر طلعت الطبه اللى فى جنب الموتور مخرومه .. جبت واحده بـ 2.5 وركبها وظبط سير التقسيمه والاسبراتير والكاربراتير .. كام يا عم 120 ج ..

عمل ايه يستاهل الرقم ده ما عرفش .. اديته 100 بس لو مفيش مشكلة كنت اديتها وانا مستريح

المشكلة ان صوت الكوستبانات بقى بيتكتك خصوصا مع الجرى !!

قالى ما هما كانوا مأخرنلك الكاتينه من الاسبراتير .. وانا ظبطهولك على النص وظبط الكاربراتير وقسمت .. ( طبعا التقسيم يدوى مش بالفبرة لأنها سايحه عندى ) وعشان كده كان الصوت مش ظاهر لأن الكاتينه مكنتش مظبوطه لكن دلوقتى ظهرت !! ودى طرومبة الزيت الاستيراد مش حلوة

السحب كويس جدا مفيش فيه مشاكل لكن أنا رايحلوا مفيش صوت دلوقتى ايه اللى جد ؟

المشاركة الأصلية كتبت بواسطة mahmoud ghanem

الحمد لله ... وربنا يعينك بصراحة انا بيحصل معايا كدة وببقى مش طايق نفسى

الله يكون فى العون

الزعيم رأيك فيه اية .. شغلة - تقفيله - شطارته - مصنعيته

والف شكر

شغله مش واضح لأنه مجرد انه شال طبه وركب تانيه

بالإضافة الى ان مشكلة الصوت دى انا خايف يكون سير التقسيمه مش مظبوط

فمش عارف اقيم شغله

تقفيله كويس

شطارته .. من الواضح انه فاهم العربيات بتاعتنا

مصنعيته .. أوفر وقطع غياره اوفر جدا جدا جدا .. متشتريش منه قطع غيار

تركيب طبه وتقسيمه سير 120 ج وبيقولى انا باخد فى التقسيمه بس 150 ج