صيانة ال 20 الف ...... افيو 14

مساء الخير .....
عايز اسال على تكلفة صيانة افيو 14 .........صيانة ال 20 الف تتكلف كام تقريبا ؟
شكرا مقدما .....

بتعمل حوالى 300 جنيه ومرفق صورة لجدول صيانات الافيو والاوبترا
http://www10.0zz0.com/2010/06/25/12/758057389.jpg

بس استفسار لو مفيهاش تطفل , هو حضرتك بيعت البيرسونا ولا ايه؟

اقتباس:

---

المشاركة الأصلية كتبت بواسطة sharkawy85

بتعمل حوالى 300 جنيه ومرفق صورة لجدول صيانات الافيو والاوبترا
http://www10.0zz0.com/2010/06/25/12/758057389.jpg

بس استفسار لو مفيهاش تطفل , هو حضرتك بيعت البيرسونا ولا ايه؟

---

شكرا جزيلا .....
لا طبعا مابعتش البيرسونا :) الافيو عربية واحد صاحبيى و سالنى على الصيانه :) لا مافبش تطفل ولا اى حاجة ...تحت امرك

اقتباس:

---

المشاركة الأصلية كتبت بواسطة ahmedmohamed7

شكرا جزيلا .....
لا طبعا مابعتش البيرسونا :) الافيو عربية واحد صاحبيى و سالنى على الصيانه :) لا مافبش تطفل ولا اى حاجة ...تحت امرك

---

الامر لله يا باشا , انت راجل ذوق ومحترم وشكرا دا ليك لاهتمامك بالرد.
الحقيقة انا سألتك لانى بافكر اجيب بروتون بسبب كلام حضرتك الكويس عنها انت وباقى الملاك المحترمين بس بصراحة قلقان من موضوع الفرامل والبنزين , مش عايز اشترى جديد واحس انه ناقص او معيوب او على الاقل زيها زى الانوس اللى راكبها دلوقتى فلو ممكن تقوللى رأيك ايه فى فرامل العربية بعد مدة الاستخدام اللى فاتت دى ولو حضرتك مكانى دلوقتى تجيب بروتون ولا سيات توليدو ولا سوزوكى سياز ولا اقايس واجيب صنى القديمة واهو اللى نعرفه احسن من اللى منعرفهوش :120146b.

اقتباس:

---

المشاركة الأصلية كتبت بواسطة sharkawy85

الامر لله يا باشا , انت راجل ذوق ومحترم وشكرا دا ليك لاهتمامك بالرد.
الحقيقة انا سألتك لانى بافكر اجيب بروتون بسبب كلام حضرتك الكويس عنها انت وباقى الملاك المحترمين بس بصراحة قلقان من موضوع الفرامل والبنزين , مش عايز اشترى جديد واحس انه ناقص او معيوب او على الاقل زيها زى الانوس اللى راكبها دلوقتى فلو ممكن تقوللى رأيك ايه فى فرامل العربية بعد مدة الاستخدام اللى فاتت دى ولو حضرتك مكانى دلوقتى تجيب بروتون ولا سيات توليدو ولا سوزوكى سياز ولا اقايس واجيب صنى القديمة واهو اللى نعرفه احسن من اللى منعرفهوش :120146b.

---

مساء الخير
الله يخليك :) ده من ذوقك .
الفرامل و البنزين
الكلام كتير فى القصة ديه . اولا بالنسبة للبنزين فالعربية بتستهلك بنزين كتير مش مميت بس هتحس انك بتحط بنزين كتير .... عامتا العربيات ال 1600 الى فى نفس الفئة هتلاقيهم استهلاكم متقارب 301 شارك بيرسونا ...بس مقارنتا بال لانوس لا ازيد حبه حلوين
الفرامل . الفرامل كويس بس نظامها غريب هتتعود عليها بعد اول مشوار تمشيه بيها ماتقلقش
الفكرة ان فى البروتون تحس ان 3/4 دزاسة الفرامل هواء و العربية مش بتقف و ده حقيقة للتهديه فقط ... عايز تقف هتكبس للربع الاخيير .... والله مسالة تعود .... بس ارجع و اقولك فى الاخر انا مش فاهم هى ليه كده :)


لو انا هتشترى و معايا فلوس التوليدو هجبها بس عارف انا هيطلع عينلى فى اسعاؤ الصيانات و قطع الغيار الاستهلاكية و فى حالة حادث لاقدر الله ...بس كعربية ركوية زى مابيقولو .....

السياز ....مش قادر احكم عليها ....

حضرتك معاك كام ؟ او اخرك كام فى الفلوس و نشوف ايه البدائل ؟ والله لو تقدر توصل ل 150 يبقى كروووز و انت مغمض

اقتباس:

---

المشاركة الأصلية كتبت بواسطة ahmedmohamed7

مساء الخير
الله يخليك :) ده من ذوقك .
الفرامل و البنزين
الكلام كتير فى القصة ديه . اولا بالنسبة للبنزين فالعربية بتستهلك بنزين كتير مش مميت بس هتحس انك بتحط بنزين كتير .... عامتا العربيات ال 1600 الى فى نفس الفئة هتلاقيهم استهلاكم متقارب 301 شارك بيرسونا ...بس مقارنتا بال لانوس لا ازيد حبه حلوين
الفرامل . الفرامل كويس بس نظامها غريب هتتعود عليها بعد اول مشوار تمشيه بيها ماتقلقش
الفكرة ان فى البروتون تحس ان 3/4 دزاسة الفرامل هواء و العربية مش بتقف و ده حقيقة للتهديه فقط ... عايز تقف هتكبس للربع الاخيير .... والله مسالة تعود .... بس ارجع و اقولك فى الاخر انا مش فاهم هى ليه كده :)


لو انا هتشترى و معايا فلوس التوليدو هجبها بس عارف انا هيطلع عينلى فى اسعاؤ الصيانات و قطع الغيار الاستهلاكية و فى حالة حادث لاقدر الله ...بس كعربية ركوية زى مابيقولو .....

السياز ....مش قادر احكم عليها ....

حضرتك معاك كام ؟ او اخرك كام فى الفلوس و نشوف ايه البدائل ؟ والله لو تقدر توصل ل 150 يبقى كروووز و انت مغمض

---

ان شاء الله انا حاجيبها قسط فممكن نوصل ل 150 ولو انى مبفضلش دا عشان مازنقش نفسى, بس يا ترى لو وصلنا للشريحة السعرية دى الكروز انسب ولا الشارك فئة تالتة وكيل . انا عموما مبحبش الشارك ومستبوخ شكلها جدا والكروز كشكل افخم منها بكتير بس انا ماعرفش عنها حاجة ومبحبش العربيات الضخمة عشان بتقرفنى فى الزحمة . انا بصراحة حابب البروتون خالص ومش عارف ليه مستريحلها كدا , بس كل ا اجى انوى واحد يطلعلى زى العفريت ويقوللى بلاش عشان حتخسر كتير او مالهاش قطع غيار او حتخرب بيتك بنزين الخ . البديل الوحيد قدامى دلوقتى مريحنى نفسيا لو بعدنا عن بروتون هو نيسان صنى الشكل القديم , ايه رأيك؟
على فكرة اللانوس حريقة بنزين مايغركش انها 1500 , التفريلة بتعمل من 400 ل 450 كيلو يعنى تقريبا زى البروتون على ماسمعت :angry27:

اقتباس:

---

المشاركة الأصلية كتبت بواسطة sharkawy85

ان شاء الله انا حاجيبها قسط فممكن نوصل ل 150 ولو انى مبفضلش دا عشان مازنقش نفسى, بس يا ترى لو وصلنا للشريحة السعرية دى الكروز انسب ولا الشارك فئة تالتة وكيل . انا عموما مبحبش الشارك ومستبوخ شكلها جدا والكروز كشكل افخم منها بكتير بس انا ماعرفش عنها حاجة ومبحبش العربيات الضخمة عشان بتقرفنى فى الزحمة . انا بصراحة حابب البروتون خالص ومش عارف ليه مستريحلها كدا , بس كل ا اجى انوى واحد يطلعلى زى العفريت ويقوللى بلاش عشان حتخسر كتير او مالهاش قطع غيار او حتخرب بيتك بنزين الخ . البديل الوحيد قدامى دلوقتى مريحنى نفسيا لو بعدنا عن بروتون هو نيسان صنى الشكل القديم , ايه رأيك؟
على فكرة اللانوس حريقة بنزين مايغركش انها 1500 , التفريلة بتعمل من 400 ل 450 كيلو يعنى تقريبا زى البروتون على ماسمعت :angry27:

---

اولا .... انسى النيسان خالص ولا اوبشن و سافيتى ولا توفير بنزين ولا اي حاجة .... البروتون افضل طبعا فى الحالة ديه ...
ل 150 اه الكروز تستحق عربية جميلة ماشاء الله ...ماتور و فتيس هما هما بتوع الاسترا .... وفيها esp و حلوة من جوة و شكلها ابن ناس ....بصراحة تحفة ماشاء الله و افضل من الانسر اكيد من جميع النواحى معادا اعادة البيع ..
البروتون بتعما من 350 ل 400 فى التنك جوه البلد بس هيا طبعا اوتو و على طرق السفر بتوص 500 و بتكسرهم كمان .

دايما انا بقول خلص فى العربية الى انت مرتاح ليها . ليه ؟ حتلى لو طلع فيها مشكلة و مافيش عربية كاملة المشكلة ديه مش هتاخدها على قلبك لانك اصلا مقتنع بالعربية .... طيب افرض جبت العربية الغالية الى مكنتش مرتحالها بس جبتها بسبب كلام الناس و اتزنقت فى الفلوس ...مع اقرب مشكلة هتلاقى نفسك مخنوق و تعد تقول ياريتنى ما جبتها و جبت الرخيصة :) هى ديه الحياه

اقتباس:

---

المشاركة الأصلية كتبت بواسطة ahmedmohamed7

اولا .... انسى النيسان خالص ولا اوبشن و سافيتى ولا توفير بنزين ولا اي حاجة .... البروتون افضل طبعا فى الحالة ديه ... اوك كدا بخ النيسان .
ل 150 اه الكروز تستحق عربية جميلة ماشاء الله ...ماتور و فتيس هما هما بتوع الاسترا .... وفيها esp و حلوة من جوة و شكلها ابن ناس ....بصراحة تحفة ماشاء الله و افضل من الانسر اكيد من جميع النواحى معادا اعادة البيع .. مبافكرش ابيع قريب ان شاء الله وربنا مايجيب وحش , اللانسر اصلا مش فى حساباتى ومبحبهاش مش عارف ليه , فاضل حاجة واحدة بس بالنسبة للكروز - الفتيس الجديد دا حيبعدنا عن مشاكل القديم ولا لسه مجربهوش ؟
البروتون بتعما من 350 ل 400 فى التنك جوه البلد بس هيا طبعا اوتو و على طرق السفر بتوص 500 و بتكسرهم كمان . ماخبيش عليك انا حاطط البروتون بلان ب , يعنى انا حابب شكلها وهى عربية عملية وحتقضى الغرض معايا جدا فلو جبتها حاكون مبسوط بيها ان شاء الله بس عايز اتأكد قبل ما اجيب ان مافيش اختيار تانى يكون انسب ليا لانى مباغيرش العربية الا لضرورة ومباحبش ابيع واشترى كتير

دايما انا بقول خلص فى العربية الى انت مرتاح ليها . ليه ؟ حتلى لو طلع فيها مشكلة و مافيش عربية كاملة المشكلة ديه مش هتاخدها على قلبك لانك اصلا مقتنع بالعربية .... طيب افرض جبت العربية الغالية الى مكنتش مرتحالها بس جبتها بسبب كلام الناس و اتزنقت فى الفلوس ...مع اقرب مشكلة هتلاقى نفسك مخنوق و تعد تقول ياريتنى ما جبتها و جبت الرخيصة :) هى ديه الحياه

---

ربنا يقدم اللى فيه الخير وشكرا جزيلا على ذوقك وسعة صدرك

اقتباس:

---

المشاركة الأصلية كتبت بواسطة sharkawy85

ربنا يقدم اللى فيه الخير وشكرا جزيلا على ذوقك وسعة صدرك

---

جمب الكروز ....اكيد البروتون لازم تكون بلان بى :)
مشاكل الفتيس انتهت و ماتقلقش العربية بقالها اكتر من سنة و تص بالفتيس الجديد و الحمدلله كل تمام ...و اختها الاسترا كمان :)
صل صلاة استخارة و دوس فى الكروز :)

اقتباس:

---

المشاركة الأصلية كتبت بواسطة ahmedmohamed7

جمب الكروز ....اكيد البروتون لازم تكون بلان بى :)
مشاكل الفتيس انتهت و ماتقلقش العربية بقالها اكتر من سنة و تص بالفتيس الجديد و الحمدلله كل تمام ...و اختها الاسترا كمان :)
صل صلاة استخارة و دوس فى الكروز :)

---

يا باشمهندس , انا هريت المنتدى بحث عنها وجروبات الفيس كمان وشايف ان امكانيتها على سعرها ممتازة بس مقلق من الفتيس اوى عشان الناس كاتبة انه محتاج عناية اول باول وطريقة خاصة لتغيير الزيت وافلام كدا بصراحة انا مليش خلق عليها . الكلام دا بجد ولا تهويل ؟
و ايه رايك فى فلوينس E2 اول فئة اوتوماتيك هى 156 الف تقريبا وشايفها حلوة وفيها كل امان الكروز ومسمعتش عنها مشاكل . تقييمك ليها ايه ؟ معلهش يا باشا انا تعبتك معايا وحيرتك بس الصراحة ان عامل زى الغرقان وعايز اللى ينجدنى :120146b , انا حاجيب العربية قسط ومش عايز البس فى حوارات انا مش قدها لا قدر الله.
وسؤال اخير معلهش, انا سامع ان فى ستوك فى توكيل منصور من شيفرولية اوبترا القديمة الكورى موجود موديل 2015 وكمان فيه ABS , 2 AIR BAGS وعامل 118 الف يعنى زى البيرسونا تقريبا , ايه رأيك ادوس فيها ولا حابقى سبت اللانوس المانيوال وجيبت لانوس اوتوماتيك :evil: وشكرا لذوقك وسعة صدرك . اخوك احمد سعيد