إزاي تطفي لمبة الإيرباج بدون كاشف اعطال ... تمت التجربة بالفعل

السلام عليكم
شباب نايل موتورز ... صقور نيسان

انا كان عندي مشكلة ان لمبة الايرباج مرة واحدة بتولع وتطفي بدون اي مقدمات أو سبب
دورت علي اليوتيوب والمنتديات الاجنبي
وطفيتها الحمد لله عن طريق ريسيت للكمبيوتر بتاع العربية عن الخطا ده

الطريقة :

1- تفتح الباب وتقعد في العربية عادي وتقفل الباب وراك
2- تحط المفتح في الكونتاكت و تتفتح الكونتاكت لحد ما اللمض بتاع التابلوه تنور و لمبة الايرباج تولع وتطفي .
3- تقفل الكونتاكت (وضع AC) مش تقفله خالص ... لمدة 3 ثواني .
4- تفتح الكونتاكت لحد ما لمبة الايرباج تطفي وقبل ما تعمل فلاشينج(blinking).
5- تكرر الخطوة 3 و 4 .... حوالي 5 مرات .
6- في المرة الخامسة وانت بتفتح الكونتاكت تدور علي طول .
7- هتلاقي لمبة الايرباج طفت تماما.

وده فيديو يوضح العملية كلها

how to reset airbag on nissan

اقعدوا بالعافية :))



تم التثبيت لمدة شهر
6ب مشرف القسم
13\4\2015

حمدا لله على السلامة :-)

شكرا يا حسين وجزاك الله خيرا وحمدا لله على رجوعك لينا بالسلامه كنت وحشنى و متغيب بقالك فترة ونتمنى تواجدك بأستمرار

شكرا

و لكن اللمبه موش حتنور من غير سبب

حاول مناقشه كهربائى مثلا او مهندس التوكيل لمعرفه الاحتمال الاكبر لسبب العطل

شكرا

نشكر لمبة الإيرباج اللى خلتنا نشوفك ... ليك وحشة يا سونــــة

واقعدوا بالعافية ،،،

ههههههههههههههههههههههههه الله يبارك فيكم ... الحمد لله انها اطفيت :))

حاول تفتكر ايه الحاجه اللى عملتها قبل متنور مباشره و أدت الى ذلك .. سواء عند ميكانيكى او كهربائى او خلافه .. او مطب شديد جدا
ممكن يكون ده السبب ان شاء الله .. و ميكونش بدايه عطل و لا حاجه

تحياتى

اللمبة طفت فعلا ... شكر جزيل لمشاركتك مجهودك في البحث.

السلام عليكم

السبب بيكون كابل الداتا من الطارة (اللي فيها اير باج) للعربية
و هتلاقي معاها ساعات الكلاكس بيعلق معاك

و دا بيحصل غالبا لو انت من الناس اللي بتقفل الدريكسيون بعد ما تبطل

هجرب طريقتك و اقولط اشتغلت ولا لا

و شكرا ليك

Another brand new year is here so recharge your energies and get set to enjoy. Abandon all worries, doubts and fears and just follow the policy of laugh, love, live.