ايه اكتر موقف مستهتر قابلك وانت سايق ...؟

**minicooper20** · 09-04-2015 05:31 AM

واحد على كوبرى اكتوبر ماشى بعربيه سزوكى نقل
المقص القدام مكسور و العجله مقلوبه. لبره
و باب السواق مربوط بحبل غسيل فى ضلفه باب الصندوق ملوش اوكره و لا كالون
و العربيه هو مش متحكم فيها اصلن هى تمشى يمين و هو يفرمل و يرجعها شمال تانى
ماشى الطريق اكنو دريفت
كل ده بقا استهتار
لاكن الجاى استحمار
الراجل محمل ٣ جمال
الكلام ده على كوبرى اكتوبر طلعه غمره يوم حد الساعه ٣ عصرا
و بيشتم فى الناس علشان بيزمرولو
موقف كمان لسه طازه
واقف قدام دريم لاند لسه خارج من النادى و على طريق الواحات
تريله ماشيه ملكقش يفرمل خبط ٤ عربيات و قلب موتسكل و داس عليه
و بعدين جرى
اخر موقف بقا
فى طريق السخنه عربيه ١٣١ ماشيه بليل من غير نور لا وراء و لا قدام
اى فرامل تسمعها على الطريق بتبقا لعربيه بتفاديها
لاحد هنا استهتار الجاى استحمار واحده ست السيقاها
لا و ايه بقا مشغله ام كلثوم لووووووول

**alking_2006** · 09-04-2015 11:35 AM

مسافر على طريق مصر اسكندرية الصحراوى الساعة 2 الفجر

1- عربية 128 ماشية على اقصى شمال الطريق بسرعة 40 كم/س من غير و لا لمبة لا قدام و لا ورا و بصيت عليها لقيتها محمله حوالى 8 اشخاص جوا

2- اب و ابنه بيعدوا الطريق السريع على مهلهمممممممممم و لا اكنه طريق عربيات حسيت انهم اشباح بجد

**dbabis8** · 09-04-2015 01:01 PM

يوم الاحد 5/4/2015 الساعة 11 بالليل راجع من اسكندرية و قبل دمنهور بشوية طلع اتوبيس من محطة طاقة و خد الطريق بالعرض بسرعة كبيرة عشان يعد للفتحة اللى قصاد المحطة رايح اسكندرية اتفاجئت بيه بس ربنا ستر كنت ماشى على 80 و هو لما لقا الحارة الشمال فيها 3 عربيات ماشية بسرعة كبيرة اتفجع و فرمل ف الطريق بالعرض و ربنا ستر كانت هتبقى كارثة ع الاقل 4 ملاكى و اتوبيس هيلبسوا ف بعض لما عربيتى وقفت كان بينا مترين بس نزلت اتعارك معاه جرى بالاتوبيس

**dbabis8** · 09-04-2015 01:20 PM

minicooper20 حضرتك احبطتنى دا المواقف اللى بتعدى عليا جنب المواقف دى تبقى هزار

**Dr\Mohamed** · 10-04-2015 06:29 AM

واحد بيعدي الطريق وبيولع سيجارة والولاعة مش بتولع أو الهواء بيطفيها فوقف في وسط الطريق يغطي بايده على الولاعة والسيجارة لغاية ما ولعت ........ كمل تعدية الطريق

**احمد فهمى** · 11-04-2015 02:36 AM

كل شئ فمصر مستفذ وانت سايق سواقين التاكسي والاتوبيس والميكروباص والعجلة والموتسيكل والناس نفسها اللى بتعدى والشرطه نفسها اللى بتعمل لجان ويوقف الشارع كلو عشاو مخالف دعامه او ستاره وسايبين الميكروباصات بتوقف الشارع كلو عشان تركب زبون واستهتار وسرعات خياليه ﻷتوبيس النقل الجماعى هاشم باس اللى عقدنى فحياتى .... مش عارف اقول ايه ولو سايق لواحدك بعد هلاك البشريه بسبب فيروس الزومبي وكلهم ماتو هتلبس بلاعه او مطب صناعى يجيب اجلك فمصر .. مفيش فايده

**misry** · 15-04-2015 02:31 PM

من اكتر الحاجات المستهترة اللي بشوفها العيال بتوع الدليفري واللي بيسموهم طيارة

وهم فعلا نعوش طائرة ... بيطلع لك فجأة من اي حتة وانت لو مش واحد بالك وعوجت الدركسيون

شويه هيتكسر

**Elawany13** · 15-04-2015 04:04 PM

المشاركة الأصلية كتبت بواسطة misry

من اكتر الحاجات المستهترة اللي بشوفها العيال بتوع الدليفري واللي بيسموهم طيارة

وهم فعلا نعوش طائرة ... بيطلع لك فجأة من اي حتة وانت لو مش واحد بالك وعوجت الدركسيون

شويه هيتكسر

مجانين فعلا ... مرة كسرت على واحد بيعدى بغباء على يمينى ولزقته فى الرصيف .. ومرة واحد منهم على كورنيش اسكندريه طاير والطريق وقف قدامه والفرامل طبعا لم تسعفه ووقع على الارض ولبس فى اللى قدامه

Sent from my GT-S6500D using Forum Runner