طيب ايه اللي اخد مكانها في الوزن دلوقتي
نورنا الله يكرمك
عرض للطباعة
الmba دلوقتي بالنسبالي شهادة بتشتريها بفلوسك و خلاص, يعني لا تعبر عن اي قدرة او كفاءة, اللي معاهم mba مرطرطين في كل حتة و قليل اوي اماكن شغل بتدي قيمة للشهادة دي,, غير كده الشهادة دي خارج مصر عبارة عن حتة ورقة ملهاش لازمة زي بقية شهادات الجامعات المصرية..
لو عايز حاجة تخصص محاسبة يبقى تخلص cpa..
كنت مختلف معاك في الاول انما اتفقت معاك في التفسير
و ده اللي بيخلي جامعه ب 25. و اخري ب 125
الاعتماد بتاعها منين
و تصحيح
برا مصر لها قيمه طبعا حتي لو واخدها من مصر
المهم واخدها منين و تبع ايه
اما الشهاده اللي حضرتك قولت عليها دي تخصصيه في المحاسبه
حاجه تانيه غير mba
MBA هى من اقوى الشهادات حتى الان فى اداره الاعمال وحسب تخصصك فيها فى HR- Marketing- Finanical هكذا
اما الاماكن فانا افضل جامعه الاسكندريه سعر مناسب تقريبا 37 الف واعتماد من الجامعه ومجلس الاعلى للجامعات طبعا + جامعه بريطانيا كمان فبتاخد شهادتين للماستر ده من الجامعه
يليها جامعه القاهره طبعا بتقدمها بسعر مناسب برضه فى نفس الرينج تقريبا
الاكاديميه البحريه كويسه جدا فى مجالات السوفت سكيلز عموما
الجامعه الامريكيه مش مستاهله السعر ده لان كفائه التعليم تكاد تكون متساويه لاماكن كتير بره وناس كتير اعترفوا بده
ملحوظة بس على حوار الجامعة الامريكية
الجامعة الامريكية مصنفة نمرة واحد على الشرق الاوسط من forbes
Top Private Universities for MBA Programs in the MENA Region
تليها جامعة النيل فى ال41 تقريبا
الmba كشهادة بتنططك فى المرتب تماما و دا و اضح من فرق المرتب هنا
The Best Business Schools List - Forbes
فى المحاسبة خصيصا الشهادة اللى اودامك هى الcpa و حسب ما اعرف محتاجة مذاكرة و مجهود و امتحان 6 ساعات لو انا فاكر من السمع بس بعديها لازم برده mba عشان تنط على منصب manager
cpa= certified professional auditors وبتاخد شهادة زمالة جمعية المراجعين الأمريكيين. الحاصل على الشهادة دى عددهم قليل لأنها مش سهلة . اسمها فى ال cv مزلزل وبينقل صاحبها فى المرتب نقلة كبيرة. وطبعا دى مش هتشتغل بيها محاسب لكن مراجع.
ألشهادات المتخصصة فى المحاسبة هى cma= certified managerial accountant وبيبقى معاك زمالة جمعية المحاسبين الاداريين الأمريكية. لها احترامها عالميا. برضه محتاجة مجهود وفى المقابل بتفرق جدا مع المحاسب. الدراسة مزيج من الاقتصاد على محاسبة التكاليف على الاحصاء على الادارة. خريجى تجارة انجليزى بيكونوا درسوا اغلب المواضيع بتاعة الشهادة طوال سنوات الدراسة.
فيه cma بالعربى لكن لا أنصح حد ياخدها. الأفضل بالانجليزى.
أهم حاجة اللى يهتم بالشهادات المهنية دى يقرا عنها كويس ويحاول يشوف على الانترنت فيه جروبات ومواقع عربية بتتكلم عنها ويحاول ينزل مقررات حديثة ويشوف هيفهم ولا لأ. اللغة عاملة يه وكدة والفهم أهم شئ لأنه بيمتحنك بناء على الفهم مش الحفظ المصرى اللى متعودين عليه.
ربنا يوسع أرزاق المسلمين ويرزقنا من الحلال الطيب ويغننا من فضله
ال cpa تفيد المراجعين اكتر انما cma بتفيد المحاسبين اكتر وميزة دراسه mba في جامعه القاهرة انك ممكن تكمل مواد تانى وتحولها من شهادة مهنيه الي شهادة اكاديميه
ال mba بيتقال عليها mile wide inch deep و ده لان صاحبها بيدرس حجات كتيرة فى نفس الوقت زى القتصاد و ادارة الموارد البشرية التسويق و المحاسبة و حجات تانيه كتيرى و لكن مبيتخصصش فى حاجة معينه
و ده لا يعبها فى حاجة و لا ينقص من قدرها
مقارنة ال mba بدبلومات تانيه متخصصة هى مقارنة لا تصلح
فى رإيى ال MBA تصلح لاصحاب الشهادات العلمية زى المهندسين او الدكترة او خريجى العلوم
فى الشركات و المؤسسات الكبيرة اصحاب الشهادات المزدوجة مطلوبين لأنهم يجمعو بين القدرة الفنية و الادارية
لو حد عاوز يتخصص فى مجال محدد احسنلو يدور على شهادة فى هذا التخصص زى
المحسبة او ادارة المشاريع او الجودة