المشاركة الأصلية كتبت بواسطة ahmedalian
اسمح لي بكل احترام اختلف مع حضرتك في نقطة أو اتنين، واتفق برضه معاك في معظم ما ذكرت. لكن انا ما ريحنيش نبرة الدعاية الواضحة في البوست، رغم ان البوست وصاحبه والعربية كلهم محترمين وعلى راسنا.
النقطة التانية إن عزل العربية مش كويس وصوت الهوا كان واضح جدا وانا ماشي بيها على 110 السرعة القصوى اللي انا جربتها بيها، وانا جربت الاوتو ال 1500.
السحب فعلا شفته بعيني وحسيته، لكن مش بييجي غير بالقرص على موتور العربية.
ماحدش يختلف على ان الناس هناك محترمين وأحسنوا الينا، بالعكس، انا شفت موقف عجيب منهم وهو ان واحد عربيته عطلت جابوا له ونش وميكانيكي على حساب المؤسسة، لكن كون في نايل موتورز نقول قصراوي وخبرة كام سنة والامور اللي فيها دعاية واضحة دي ان ما حسيتش براحة خصوصا ان نايل موتورز مكان مش لطيف لمعظم موزعي العربيات لأنه بينقد بأمانة وبحزم.
وأخيرا برضه انا متفق معاك انها عربية احسن من عربيات كتير، وأفضل سعر اوتو للإمكانات دي في مصر، ومستوردة بالكامل ومافيهاش التاتش، وانا لو جبت عربية ان شاء الله حتبقى هي.