الموضوع: كده سرعة النت عندي كام يا جماعة مع TE Data ؟؟؟؟؟

بالضبط يا أفندم ,,

السرعة أترفعت من 1 ميجا إلي 2 ميجا بس ..

أرقام جودة الأتصال كويسة جدا ما شاءالله ..

المشاركة الأصلية كتبت بواسطة specialist

بالضبط يا أفندم ,,

السرعة أترفعت من 1 ميجا إلي 2 ميجا بس ..

أرقام جودة الأتصال كويسة جدا ما شاءالله ..

الف شكر يا ريس :)

المشاركة الأصلية كتبت بواسطة engahmedsakr

شوف يا بلدياتي
أرقامك كويسه وخطك يستحمل
انا كمان علي عرض طلقه .. واحب اقولك إنتظر اسبوع كامل بعد تغيير الخطه
لانهم بيعملوا تست للخط علي سرعات مختلفه لمده اسبوع .. وبعد مرور اسبوع تجد نفسك علي السرعه الجديده لعرض طلقه
غالبا ستتراوح مابين 6 الي 7 ميجا

اتمنالك التوفيق

اه ممكن... انا استغربت بس لان الموظف قالي السرعة هتتغير بعد ساعتين بس!
خلاص تمام استنى الاسبوع يكمل و اشوف هيعملوا ايه معايا
الف شكر يا باشمهندس :)

المشاركة الأصلية كتبت بواسطة midooo_119

الغى العرض ده احسن

ليه يا باشا؟
انا مبوصلش 20-30 ميجا في الشهر و مبعملش داونلود تقريباً اخري يوتيوب و تصفح و خلاص
يبقى اعملهم بسرعة كويسة..... ولا اعتراضك على السرعة نفسها؟

المشاركة الأصلية كتبت بواسطة DreAmO

هو أنت قبل الفايبر كانت جودة الخط عندك ايه ؟!
الجوده الحاليه مع الفايبر .. متشابهة جداً مع بعض الخطوط النحاس العاديه
المفروض الجوده عندك تبقى أفضل من كده بكتيير جداً

بإختصار ..
الجوده دي مع الخطوط النحاس ممتازة وتتحمل حتى 8 ميجا سرعه
اما الجوده دي مع الخطوط الفايبر .. تعتبر سيئه .

كمان انت تقدر تعرف اذا كان التست انتهى او لسه او اي حاجه تانيه من الدعم الفني للشركه 19777


بخصوص عرض الطلقه واستخدامك اللي لا يتعدي 20 او 30 جيجا بالشهر

لاحظ ان ده كان استهلاكك مع سرعة 1 ميجا .. يعني اليوتيوب بتتفرج على جوده مثلا 360

لكن مع السرعه العاليه .. إستهلاكك هيزيد .. لانك هتشغل اليوتيوب على جودة 720 و 1080 .. مجرد مثال .

قبل الفايبر كانت الجودة سيئة جدآ و التقطيع متكرر بشكل يقرف لاني بعيد عن السنترال بأكتر من 5-6 كيلومتر
فأنا دلوقتي الصراحة راضي جداً لو يوصلني بس 4 ميجا حتى من العرض ده المهم يكون في ثبات في الخدمة...
حاجة تانية معرفش صحيحة ولا الراجل بتاع TE Data بيشتغلني بيقولي السلك اللي داخل على بيتك من الكابينة يكون فيه مشكلة و دي مستبعدها لاني لسه مغيره قريب (و هو نحاس طبعاً) ... او المكان نفسه اللي راكب فيه السلك في الكابينة يكون مصدي ولا حاجة و دي مش عارف هعرفها ازاي بقى :/
بالنسبة لكلامك في الاستهلاك فعلاً السرعة العالية بتغري الواحد يشوف الفيديوهات اقل حاجة 480p :D
السرعة بس تتظبط و ابقى ارفع ال quota ل 40 جيجا او 100 لاني حاليا أصلاً مختار 15 جيجا بس :D
بكره اجرب اتصل عليهم مجربتش فعلاً قبل كده اشوف ايه النظام.
الف شكر يا باشا على ردك :)