استشارة عن ال f3 اوتوماتيك 1500cc

**sameh_rbg** · 06-04-2015 06:28 PM

السلام عليكم
احب اسال اهل الخبرة فى العربيات لانى معنديش اى خبرة ومحتار اشترى عربيه مانيوال f3 ام اوتوماتيك
عايز اعرف بالنسبه للاوتوماتيك لان هى مش منتشرة ذى عربيات التاكسى يا ترى صيانه الاوتوماتيك مكلفه ولا لا
ويا ترى فى مشاكل فى العربيه ذات الموتور الهوندا سيتى 1500 الجديدة بالنسبه للاوتوماتيك ولا كويسه
ومعدل استهلاك البنزين مانيوال واوتوماتيك ايه
واخيرا بالنسبه لل f3 وال L3 نفس اسعار الصيانه ولا ال L3 قطع غياره اغلى لانها مش منتشرة
ولكم جزيل الشكر

**sameh_rbg** · 06-04-2015 07:43 PM

معقولة مفيش ولا رد يا جماعة انا محتاج رد لانى مش عايز ادفع الفلوس وانا وحظى

**Ahmed emad has** · 06-04-2015 08:03 PM

عادي الاوتو كويس زي المانيول وl3 زي f3 تقريبا يس نصيحة بص برضوا علي السينوفا الجديدة وحطها في مقارنة

**zeca1234** · 07-04-2015 10:54 AM

انا معايا f3 اونو موتور الهوندا الحمد لله العربية كويسة وثباتها معقوول مش زي الالماني والجين ٢ بس كويس الحمد لله
الفتيس الاوتواتيك بتعها دبل كلاتش يعنيي ممكن تغيرله زي المانوال اسطوانة وديسك وبلية.

**sameh_rbg** · 07-04-2015 12:51 PM

المشاركة الأصلية كتبت بواسطة zeca1234

انا معايا f3 اونو موتور الهوندا الحمد لله العربية كويسة وثباتها معقوول مش زي الالماني والجين ٢ بس كويس الحمد لله
الفتيس الاوتواتيك بتعها دبل كلاتش يعنيي ممكن تغيرله زي المانوال اسطوانة وديسك وبلية.

طيب حضرتك بالنسبه لاستهلاك العربيه ممكن الصفيحة (20 لتر) تعمل كام كيلو كمتوسط استهلاك داخل وخارج المدينة بالنسبة للاوتوماتيك طبعا

**zeca1234** · 08-04-2015 12:11 PM

المشاركة الأصلية كتبت بواسطة sameh_rbg

طيب حضرتك بالنسبه لاستهلاك العربيه ممكن الصفيحة (20 لتر) تعمل كام كيلو كمتوسط استهلاك داخل وخارج المدينة بالنسبة للاوتوماتيك طبعا

انا محسبتهاش بس الي اقدر اقولهولك انها بتشم البنزين شم والتاكيف مبيأثرش علي استهلاك البنزين تقريبا

**sameh_rbg** · 08-04-2015 01:22 PM

المشاركة الأصلية كتبت بواسطة zeca1234

انا محسبتهاش بس الي اقدر اقولهولك انها بتشم البنزين شم والتاكيف مبيأثرش علي استهلاك البنزين تقريبا

ربنا يطمنك والله انا بفكر بجدية انى اشتريها وكنت محتاج اسمع من حضرتك الكلمتين دول

**zeca1234** · 08-04-2015 02:00 PM

المشاركة الأصلية كتبت بواسطة sameh_rbg

ربنا يطمنك والله انا بفكر بجدية انى اشتريها وكنت محتاج اسمع من حضرتك الكلمتين دول

انا كان معيا قبلها بروتون برسونا الي هيا جين ٢ بشنطة جبتها زيرو موديل ٢٠١٣ وقعدت معايا سنتين كانت غوول بنزين بمعني الكلمة كل حاجة فيها سيئة من استهلاك بنزين لخامات تقفيل لخشونة في صوت المتور وذبذباتة بتتنقل لجسم العربية بشكل غبي لخمات تابلوه وخامات داخلية زبالة تكيف ضعيف وصوت موتور عالي جدا صاج سيء توكيل زبالة ( عز العرب) الطنابير بتبوظ او ٥٠٠٠ كيلو فرامل خفيفة جدا سحب عادي بالنسبة لموتور ٢ كامة ١٦٠٠ الفرنا بتطلع منها بكل سهولة كل حاجة فيها سيئة ماعدا حاجة واحدة بس الثبات علي الطريق وانا شايف ان ال byd f3 تديها بال.....

**virse** · 07-04-2015 10:57 AM

السينوفا تخسر جنب البي واي دي وانا اعتقد انها لما تنزل مش هتنتشر او هيرخصوا سعرها لانها عربيه كمالياتها فقيرة حدا جنب اغلب العربيات في السوق

**Ahmed emad has** · 07-04-2015 07:51 PM

المشاركة الأصلية كتبت بواسطة virse

السينوفا تخسر جنب البي واي دي وانا اعتقد انها لما تنزل مش هتنتشر او هيرخصوا سعرها لانها عربيه كمالياتها فقيرة حدا جنب اغلب العربيات في السوق

انا اشك تماما في كلامك . لو حبيت تقارن السينوفا موتور ياباني 100% متسيوبيشي و مايفك كمان بيولد قوة 115 حصان في استهلاك بنزين قليل جدا ووزن العربية 1000 كجم للاوتو مقابل موتور صيني 100% بيولد 107 حصان في استهلاك بنزين متوسط ووزن العربية 1250 للاوتو ده عامل فارق كبير جدا في الاداء لصالح السينوفا وايضا الفتيس الاوتو فتيس ياباني 100% مقابل فتيس الdct المثير للجدل في الbyd بالرغم من عدم وجود مشاكل فيه حتي الان . ايضا جودة التقفيل السينوفا بتتصنع في مصنع بايك اللي بيصنع هونداي ومرسيدس في الصين وده مخلي التقفيل ممتاز مقابل خامات صيني علي شوية مصري وبتتقفل في مصنع في العاشر لشركة الامل وده اصلا مخليني قلقان منها و السينوفا كمالياتها اعلي بكتيييير جدا من f3 واقل شوية من l3 لكن byd اكبر حجما ومنتشرة وسهولة الصيانة وانتشار القطع و اعادة بيعها جيده مقابل السينوفا المجهول مصيرها بس توكيل السينوفا افضل الا حد كبير