الموضوع: ارجو المساعدة انا مجدد رخص العربية يوم 4/2015 ومكتوب تاريح نهاية الترخيص 8/2015

الرخصه دي فيها غلطه ..إنت خدتها ليه أصلا من الموظف ..المفروض بعد ما تاخد الرخصه تبص في كل بيانتها ويكون معاك صورة من الرخصه القديمه عشان تراجع رقم الموتور ورقم الشاسيه عشان تتأكد إن كمان مفيهومش غلط ..بس سؤال ..هي اللي معاك دي رخصة ..ولا تصريح مؤقت ؟؟؟

طب الرخصة القديمة كانت تنتهي امتى
وهل دفعت سنتين و لا ثلاثة

المشاركة الأصلية كتبت بواسطة rockfire84

لا رخصة مش تصريح يعنى كدة فى غلطه فى التاريخ طيب كدة اية الى هيحصل هيعدل البيانات ولا هعمل ورق جديد ولا اية الموضوع

عارف لو كنت قلت في وقتها ومرضيتش تستلمها ..كنت في ساعتها هتاخد ورقه من اللي بتسلم الرخص في الشباك تروح لبتاع الكمبيوتر يعدلها ليك وإنت واقف ..دلوقتي بقى هتضطر تروح تنزل الملف من الأرشيف عشان يشوفه فيه البيان المضبوط ويعدلهالك وتسلم اللي معاك ...ربنا معاك

المشاركة الأصلية كتبت بواسطة rockfire84

يعنى مينفعش تتعدل بدون كل الموضوع ده

يا باشا ما هي هتتعدل إزاي ..ما هي مش هتتعدل في البيت ..حضرتك لازم تروح المرور ..وتقولهم الرخصه دي فيها غلطه ..أنا دافع تلات سنين ..إزاي التاريخ يبقى كده ..هما هيعرفوا بقى منين إن حضرتك صادق وعندك حق ..هينزلوا الملف من الأرشيف ويفتحوه ويبصوا على الورق اللي فيه هيلاقوا إن حضرتك معاك حق ..ولو كنت إعترضت في ساعتها وقت إستلام الرخصه ومارضتش تستلمها كنت لحقت الملف قبل ما يرجع الأرشيف وكنت لحقت الملف برضه وهو لسه في الكمبيوتر ..عشان كده التعديل وقتها مكانش هياخد وقت ..إنما دلوقتي الملف رجع الأرشيف ولازم ينزل تاني ..هي دي الفكره ..يعني هو كده أو كده مشوار تعمله وتخلص