الموضوع: ازاي اروح ميدان فودافون

ازاي اروح بالعربية ميدان فودافون من موقف العاشر او من جسر السويس

أنا عارف ان الموضوع قديم بس أنا كنت شغال في فودافون و قلت يمكن أفيد حد
بص يا سيدي انا ساكن في مدينة نصر فالوصفة معتمدة انك توصل مدينة نصر
عندي طريقين الأول هو الأقصر و الأسهل بس أحيانا أزحم و هو كوبري ٦ اكتوبر و مش هتنزل منه هتاخد وصلة كوبري ١٥ مايو و تكمل عليه متنزلش لحد ما تطلع المحور و تخلص ال١٥ كيلو محور تنزل الشيخ زايد المهم علي طول زي ما انت
هيقابلك ميدان جهينة تكمل علي طول بعد ميدان جهينة هيبقي مول العرب علي ايدك اليمين المهم كمل علي طول و تمشي في الشارع ده شوية لحد ما تلاقيه بيحود شمال لوحده المهم تفوت اول يمين و تدخل تاني يمين و تكمل علي طول و هتعدي علي ٣ ميادين رابعهم ميدان فودافون اول ما تشوف ميدان فودافون تدي اشاري يمين و تدخل طريق الخدمة لو كنت عايز فودافون او تكمل علي طول لو مش رايح فودافون نفسها.
تاني طريق هو بدل كوبري ٦ اكتوبر و ١٥ مايو هتطلع دائري و تنزل نزلة المحور و تكمل طريقك عادي
فكرة انك تكمل في الدائري لحد الواحات سمعتها بس معملتهاش قبل كدة فمش هقدر افيدك
و اتمني اكون افدت اي حد.