هو حقيقى السوناتا 2015 حتنزل مصر بمحرك 1600 تربو ؟
هو حقيقى السوناتا 2015 حتنزل مصر بمحرك 1600 تربو ؟
لو نزلت 1600 تبقى اضافة رائعة لسوق السيارات فى مصر عربية واسعة و مريحة و ثابتة جدا
اساسا لو نزلت تربو سعرها حيكون ذي الباسات، و محتاجه بنزين ٩٥ يبقي ملهاش لازمه
السوناتا نزلت منها فئة رياضية 2000 cc تربو
الموتور ده بيطلع 245 حصان.. والمواتير التانية بتاعت السوناتا بتطلع ما بين 150 - 195 حصان.
تقدر تتعرف عليها من هنا (الموقع بالكوري.. استخدم جوجل كروم علشان الترجمة)
http://www.hyundai.com/kr/showroom.do?carCd1=RD020#a
بس لو قدروا فعلا يحطوا موتور الفيلوستر الـ1600 تربو... هتدي أداء كويس فعلا على السوناتا.
موتور الفيلوستر ده بيطلع حوالي 204 حصان.. وعزمه أعلى من عزم الموتور 2400 cc اللي بينزل في السوناتا..
أعتقد هتبقى ضربة معلم من غبور لو قدر يقنعهم ينزلوها كده.
...
العربيه موجوده بالفعل بقالها كذا شهر في أمريكا
1600 تربو 180 حصان 265 نيوتن مع فتيس أوتوماتيك DCT ب 7 سرعات
وعلى فكره الموتور بيشتغل ببنزين 92 بدون اى مشاكل ، ولأداء أفضل يستخدم 95
إسم الفئه دى في أمريكا ECO وسعرها بيبدأ من 23.275 دولار ( بعد مكسب الوكيل هناك وغيره )
https://www.hyundaiusa.com/sonata/specifications.aspx
أكيد أتمنى نزولها مصر وهاتنافس بقوه مع بيجو 508 و سيتروين C5 وأوبل إنسيجنيا وفولفو S60
لكن ماعتقدش لسبب
العربيه تقفيل أمريكى ولحد دلوقتى بتنزل أمريكا فقط
ماعتقدش التوكيل يفكر يجيبها من هناك ، معرفش ينفع أصلا ولا لأ
ده خبر مهم جدا…
فعلا حتبقى منافسه مع التحسينات الجديده
هتفرق فالسوق عندنا بردوا