الموضوع: يا ترى انت فودافون ولا موبينيل ولا اتصالات !!!

فودا فون من 98
موبنيل من 2006
اتصالات من 2008

فودافون من 99
واتصالات من اول ما فتحت

012
ودا لأني بشتغل في موبينيل

أد ايه سهل اوي عند الناس انها تقول شركة كذا دي حرامية

يعني ببساطة كدة تتهم تلات الاف موظف انهم حرامية وانا بحق لو حسيت للحظة واحدة ان موبينيل فيها سرقة ولو قرش عمري ما اشتغل فيها
الناس تقولك دول بيسرقوا الرصيد
شوف ازاي
لو حد من اللي بيقول حرامية قعد اسبوع واحد بس يتعامل بالسيستم بتاع موبينيل او فودافون هيعرف اد ايه الدنيا بتتقاس بالمليم
جايز يحصل خطأ ؟ دا وراد طبعا ماهو اللي اخترع الانظمة دي بشر لكن بتقدر تاخد حقك تالت ومتلت
بجد انا بعد ما اشتغلت في موبينيل امنت ان كلام الناس دا كله ظلم وبجد موبينيل وفودافون واتصالات محترمين جدا جدا ومش هقول عشان الموظفين كلهم محترمين وشرفاء لا عشان حاجات تانية
اولا لو تشوفوا المكالمات اليومية لخدمة العملاء لناس بتستفسر عن القرش والمليم في الرصيد والمجاني كمان تعرفوا ان مستحيل شعب زي دا يتسرق كدة
ثانيا الشركات التلاتة بتخضع للجهاز القومي لتنظيم الاتصالات واللي هي جهة اشرافية عليهم ومحدش يفتي ويقول رشاوي وغيره
ثالثا فودافون تابعة لفوادفون العاليمة اللي بتشرف عليها ودي ناس مش بتهزر وكذلك اتصالات
بالنسبة لموبينيل هي جزء من اوراسكوم تليكوم واورانج العالمية بتشرف عليها مع اختلاف بس الاسم _ اورانج عن موبينيل
رابعا لما حد يحب يسرق صعب انه يتفق مع كل الموظفين والا كانت هتبقي واضحة


الواحد فينا يبقى جايب الموبايل من عشر سنين ولو يوم حصل مشكلة في الشبكة يفضل يسب ويلعن فيها طيب يعني انت متوقع ان الشبكة دي مصنوعة في الجنة ومستحيل تعطل ما يا اخي ما كل حاجة في الدنيا وارد انها تتعطل
ما انت الموبايل والشركة نفعوك طول الوقت دا خلاص نسيت يعني

ويوم من الايام موبينيل عملت عرض خياالي في يوم من الايام بمناسبة العيد العاشر ليها اللي يروح يسدد فاتورة يتخصم نص تمنها .. يعني في واحد وفر 300 جنيه مثلا
تخيلوا ايه الرد بتاعه ؟
بدل شكرا او حتى عدم الكلام قال : يللا اللي يجي من وشكم !!!
بجد بجد اد ايه احنا شعب بغيض بغيض

لما يجي الواحد في مكان محترم يتعامل بمعاملة محترمة وياخد دوره زي البلاد الاوربية بدل ما يقف في طابور يقعد يستريح
يفضل يسب ويلعن وعايز يدخل قبل الناس ويتخانق مع الموظفين
يا ساتر يارب ايه دا
احنا يعني مننفعش غير في طوابير العيش والسكة الحديد والمصالح الحكومية ونبوس ونرشي الموظف عشان يقضي لينا مصلحة

طوووووووولت عليكم ورغيت بس اهو دا حال الدنيا

تحياتي للجميع

انا فودافون من 2001 من ايااااااااااااااااااااام كليك