جنط الجيتا ال 225/45/17r هجيب كاوتش جديد ايه رأيكم ؟

السلام عليكم
دلوقتى العربيه جيتا الجنط مقاس 225/45/17r
كاوتش الفابريقه كان كونتيننتال بس اتمسح بسرعه لان العربيه كانت فى الكويت فانا غيرته على طول
و جيبت كومهو كان صوته هادى جدا فى الاول و بعدين بقا خشن و فرده طلعت بلونه بعد 30 الف كيلو و فرده طلعت بلونه بعد 35 الف كيلو
انا عايز اغير و سألت على البريدجستون الاندونيسى هيعمول حوالى 1000 للفرده اجيبه و مش هيعمل بلالين ولا مش مضمونه و اجيب ارخص عشان لو عملت بلونه مايبقاش الخساره كبيره ؟؟
كل بتوع الكاوتش قالولى الجنط 17 بيعمل بلالين مع كل الانواع تنضحونى بأيه ؟؟
شكرا جزيلا

انا جبت ميشلان ب 1200 تقريبا و كويس اوى و ملوش صوت و حتى الان معملش بلالين ربنا يستر

بص عن تجربه شخصية البلالين اعتمادها الأساسي على سواقتك ومدى تفاديك للنقر والحفر دول الأسباب الرئيسية للبلالين
انا مركب عندي Continental Sport Contact 5 ودي الفرده عاملة في حدود 1000 ميزيتها طرية ممكن تكون مش ناشفة اوي وده بيعكس هدوء صوتها جدااااا فرملتها وتماسكها تحفه
عايز حاجه حنينه بص على ال فولدا راكبه برضه نفس المقاس وتحفه وناشفه شويه صوتها اعلى من الكونتينتال بس سعرها حنين اوي كانت 700 وكسور

ماهو الواحد مش بينقى الحفر و يقع فيها بيكون غصب عنك
انا لسه مركب بيدجيستون فى الباسات بس 16 جميل
بس مش عايز اجيبه 17 فى الجيتا عشان خايف ادفع فيه و الاقيه عمل بلالين مع الحفر و المطبات
يبقى اجيب الرخيص احسن و اغيره على طول

الفولدا عندي بس ناشفه شويه وناوي لما اغير اجيب ميشلان لانها كانت معايا في الكورولا بس ١6 وطبعا تحفه والعفشه معاها روعه خليك في الميشلان وتوكل على الله

انا نفس مقاسك بالظبط

هات البريدجستون والكلام ده عن تجربة

بريدجستون يابانى ولا اندونيسى ولا فرنساوى

انا مركب الاندونيسى فى الباسات بس 16 و حلو جدا

انت مركب ايه و بقالو معاك كام كيلو ؟؟

هات ميشلان primacy 3 or hp او هات continental conti sport 5 , الاتنين بينزلو في المرسيدس و الbm الفئه الخامسه و كوتشات تحفه
وراهم هات بريدجستون تورانزا gr90 ياباني

جوديير عليه عروض دلوقتى
نفس المقاس eagle f1 asymmetric 2 بـ 780 بعد الخصم (المانى)
اعتقد سعرها فى العادى 1050

لو موضوع البلالين بيضايقك وياعبك غير مقاس الكاوتش من 225/45/17r الى 225/50/17 وكدا الفردة هتكون اعلى من القديمة فا هتستحمل اكتر وعن تجربة مش هتفرق فى العربية ولا فى الثبات ولا فى الفجاوى بتاعة الكاوتش وماشية كويس وان حاليا مركب عندى 235/45/17 وعادى جدا فا عن تجربة خليك فى مقاس 50 بدل من 45 وشوف انت

عروض جوديير عند مين يا بشمهندس احمد ؟؟

التوكيل وكل الموزعين

انا جبتهم من محل اسمه الفاروق فى مدينة نصر اودام بوابة شركة النصر للسيارات على طريق النصر
جنب ادريان بتاع الكاسيت

شكرا جزيلا لكل من شارك
انا هشترى بكره ان شاء الله
و استقريت على البريدجستون
فى my02 اندونيسى ب ٩٦١
و gr90 يابانى ب ١١٥١
لسه مقررش هركب انهى
انا يهمنى موضوع البلالين و ان الفرده تعيش هسأل المهندس هناك و على كلامه هقرر
لو حد عنده معلومه يا ريت يفدنى بيها قبل بكره بخصوص انهو افضل
شكرااااا

اقتباس:

---

المشاركة الأصلية كتبت بواسطة mostafassy

شكرا جزيلا لكل من شارك
انا هشترى بكره ان شاء الله
و استقريت على البريدجستون
فى my02 اندونيسى ب ٩٦١
و gr90 يابانى ب ١١٥١
لسه مقررش هركب انهى
انا يهمنى موضوع البلالين و ان الفرده تعيش هسأل المهندس هناك و على كلامه هقرر
لو حد عنده معلومه يا ريت يفدنى بيها قبل بكره بخصوص انهو افضل
شكرااااا

---

goodyear asymmetric 2 is a max performance summer tyre واعلى من البريدج my02 .. وفى العرض هتبقى ارخص

اعمل ريسيرش على النت بال 3 انواع واقرا الريفيوز وشوف انهى انسبلك

شكرا جزيلا يا بشمهندس احمد على اهتمامك
انا سألت بالتليفون لقيت الجوديير ب ٩٥٠
فركبت البريدجستون my02
انطباع مبدأى جميله بس حسيت العربيه تقلت شويه مش عارف ليه
و انا مجربها قبل كده بس جنط ١٦ جميله