المشاركة الأصلية كتبت بواسطة mohammettt
اولا من حسن حظنا في المنتدى ان يكون لينا مستشار قانونى ونبدا بالتحيه الى الأستاذ هانى يارب يكون موجود معانا علشان يريحنى ويرد لى على سؤالى بل اسالتى
الموضوع باختصار: شقتى ايجار قديم وحولناها الى تمليك بموجب عقد ابتدائى بس والمحامى بتاع المالك هو أخو المحامى بتاعى وبيشتغلوا في نفس المكتب . المالك باع لى شقتى ولباقى السكان كل واحد امتلك شقته بموجب عقد ابتدائى والمالك راح الشهر العقارى وعمل توكيل لكل ساكن للبيع لنفسه وللغير ... قال علشان كل واحد يبيع لنفسه ... ذهبت للشهر العقارى علشان ابيع لنفسى ...المسئول هناك (على علاقه بالمالك) قالى طالما معاك عقد ابتدائى يبقى خلاص مالوش لزوم البيع للنفس بموجب ذلك التوكيل؟؟؟!!!! مش عارف ليه عملناه اصلا ؟؟؟؟ وهل الكلام ده صحيح ؟؟؟ وايه اهميه التوكيل ده معايا !!!! ده اولا
ثانيا : البايع مسجل الأرض اللى عليها العقاروعامل صحه ونفاذ للعماره بس ومش مسجل العماره
السؤال هنا لو انا حبيت اسجل فهل لازم اسجل العماره كلها الأول للبايع وبعدين اسجل شقتى؟؟؟ ولا باخد اجراءات تسجيل شقتى على طول ومباشرة ... ولو لا بد من تسجيل العماره اذن فلا بد من مشاركة جميع السكان للتسجيل العماره مع بعض الأول وبعدين كل واحد يسجل شقته ؟؟؟ كده صح ولا ايه ؟؟؟؟
ثالثا : اوراق الملكيه الأصليه مش مع اى حد من السكان لأن المالك البايع اعطانا صور المستندات بس اما الأصول مع المحامى .... فهل ده هيجبرنا اننا في حالة التسجيل لازم نشتغل معاه ؟؟؟ ولا ممكن استخراج اصول اخرى للمستندات وكل واحد ينام على الجنب اللى يريحه قصدى المحامى اللى يريحه يشتغل معاه ؟؟؟؟؟ !!!!!1
رابعا : المحامى دلوقتى أخد نسخة العقد بتاعتى علشان يعمل صحة توقيع وانا عارف ان مش ليها اى لازمه ولا تنقل ملكيه بس قال ان اجراءات التسجيل هتاخد وقت فعلى الأقل نعمل صحة توقيع اهى حاجه رسميه معانا والسلام؟؟؟ هل دى وجهة نظر سليمه ولا تضييع وقت ؟؟؟ ولا عايز ياخد االعقد بحجه ولا ايه بالظبط (لاحظ انى مش مرتاح له بس مجبر عليه من البدايه علشان هو محامى المالكه وكمان معاه الوراق الأصليه )
خامسا : وفى النهايه في ناس كتير بتقولى مش لازم تسجل لأن دى شقه قديمه معاك ورث من ايام الوالد رحمه الله وعايشين فيها من 40 سنه يعنى محدش يقدر يتلاعب معاك فمش لازم تسجل ؟؟؟ هل الكلام ده مظبوط ؟؟؟؟
سادسا : المالك البايع معاه جنسيه اماراتى هو مصرى الاصل بس عايش بالامارات فمش عارف مين اللى هيقر بصحة التوقيع اصلا ؟؟؟؟
اخيرا تحياتى ونرجوا الأفاده للجميع والسلام عليكم ورحمة الله وبركاته