السلام عليكم...
كنت عايز اسأل عن تجديد رخصة القيادة و رخصة السيارة، دلوقتي البطاقة العنوان فيها على الزيتون و رخصة السيارة و القيادة على النزهة، فلما آجي أجدد رخصة السيارة مفروض أعمل إيه و أروح فين الأول؟
و بالنسبة لرخصة القيادة إيه إجراءات التجديد برده؟، و هل صحيح إن فيه قانون إني لما أغير محل سكني لازم أبلغ المرور في خلال شهر و إلا الرخصة تتلغي و لا ده كلام على النت و خلاص؟؟
يا ريت لو حد مر بأي تجربة و يقدر يفيدني يبقى جزاه الله خيرا