ده كارت جهازasus Tp 300
ASUS Transformer Book Flip TP300LA DS31T - 13.3" - Core i3 4030U - Windows 8.1 64-bit - 4 GB RAM - 500 GB HDD Overview - CNET
والجهاز داخل دماغي بصراحة وهو ف السعودية ب 3400 !!
بس كنت عايز اتأكد من قدرته على تشغيل الفوتوشوب ؟؟
هو كارت الجرافيكس بتاعه intel hd graphics 4400
مبدئيا
البروسيسور ضعيف و الرام قليلة
الرام 4 جيجا قليلة !!
يعني متشغلش فوتوشوب !!!!
طيب البروسيسور برضه ضعيف علشان انتل ولآ علشان إي !؟؟!
خليك في كروت شاشة Nvidia أفضل بلاش انتل
معالج اللابتوب معقول و هيشتغل كويس في الفوتوشوب ...
لكن مش هتقدر تستخدم المعالج الرسومي Intel HD في عمليات الـ Render ...
مش عمليات الريندر دي اللي هي البرامج ثلاثية الأبعاد زي اوتوكاد وثري دي ماكس ولآ إي !!
بس لو كدة انا مش هحتاجه أو فيها !!
يعني هو لآب ممتاز جدا وبيتحول تابلت وبيلف 360 درجة !
فأكيد مش هيبقى بتاع الشغل ده يعني !
بس اللي يهمني فوتوشوب لآيت روم وبرامج الفوتوغرافيا عامة
كارت الشاشة ضعيف
مواصفات فنيه ضعيفه و قديمه ... و حتلاقى سعره فى مصر مقارب :)
المواصفات علشان نقول عليها قويه تبتدى من :
رامات ٨ و تكون ddr3 ١٦٠٠
بروسسر انتل i7 / كاش ٦ جيجا الجيل الرابع ...
كارته رسومات nvidea او ati ذاكره لا تقل عن ٢ جيجا ...
تحياتى ...
إي ياعم باتمان ده !!
أجيب منين ٧٠٠٠ جنيه علشان لآبتوب !!
ياعم احنا على أدنا !
في نفس الرينج في حاجات i3 ram 4 nividia 2 g
زي لينوفو g5070
وديل 3542
واسوس برضه فيها !!
طب إي أفضلهم ؟؟
وياريت تبقى شاشته صغيره وخفيف علشان هشيله معايا على طول !
وآخره ٣٤٠٠ !
طيب ما تزعلشى كده :) ايه كل علامات التعجب دى ؟؟؟؟ هههههههاقتباس:
المشاركة الأصلية كتبت بواسطة Mahmoud Naguib
انت عايز الاراء و كل الناس قالت لك انه ضعيف ... و انا بقولك كمان و خلاص ...
I3 يبقى بروسيسور ضعيف للجهاز ... و كارت انتل عادى يبقى ايضا اداء ضعيف ...
ما هو مش علشان الميزانيه قليله تجيب لاب بطئ ... ده المحمول الكويس اغلى من كده :)
اصبر و كمل فلوسك و هات المعقول ... دى نصيحتى لك ... على الاقل i5 اخر جيل ...
اى لاب بطئ ... حتتعب منه بسرعه جدا لانه حياخد وقت اطول فى عمل اى حاجه و قتها لو عايز تغيره مش حيجيب استعمال ١/٢ سعره ...
انا جهازى الحالى hp بروسيسر i5 الجيل التالت و رامات ٤ و كارت ٢ جيجا ... شاريه من ٣ سنوات ... كان وقتها ممتاز ... اليوم بطيئ و قارفنى بالمقارنه بالاحدث و محتاج اغيره !!!
بالنسبه للماركات الاتش بى و الديل و اللينوفو افضلهم ...
و طبعا لك الحريه فى اتخاذ ما تراه مناسب لك :)
تقبل تحياتى ...
انت عايز جهاز للجرافيك يبقا من 10 الاف وانت طالع
وبعدان اى برسيسور i خلاص انتهى عصرة دة انتل بتصنع جيل اجدد
تروح انت تشترى برسيسور i3
١٠,٠٠٠ ليه يعني !!
ياريت يعني بلاش نفرد عضلاتنا على بعض ونتكلم ف حاجات أعلى من المعقول والمتاح !!
البي سي عندي جيجا ونص رام وكو تو ديو وبيشغل فوتوشوب وجيمز ١٠ على ١٠ !
حتى لو قلنا ان اللاب توب المفروض يبقى أعلى طب ده الضعف تقريبا وأكتر كارت شاشة وبروسيسور ورام !
يعني مش أي حد يدخل يقول ١٠٠٠٠ والكلام ده يعني !!
ياريت يبقى الكلام عن تجربة ومعرفة وبلاش يعني تححسوا الواحد انه مش عايش !!
شكرا استاذ باتمان انت أفدتني كده وعلامات التعجب دي جزء من شخصيتي مالهاش علاقة بحاجة !
بس ياريت تقولي حاجة كويسة ف حدود من ٣٠٠٠ ل ٤٠٠٠ وتبقى كملت جميلك
ابقى اسال اى حد شغال فى مجال الجرافيك وانت تعرف اذا كان كلامى عن تجربة ولا لااقتباس:
المشاركة الأصلية كتبت بواسطة mahmoud naguib
وبعدان اللاب يفرق عن البى سي يعنى 7 الاف يعملوا بى سي محترم
انما 7 الاف للاب توب يجيبوا لاب متوسط فى شغل الجرافيك
وبعدان ماهو 512 رام يشغلوا فوتشوب
نصيحة سيبك من موضوع ان الشاشة بتلف والحركات دي علشان مش هتفيدك كتير وفي نفس الوقت هتأثر على حاجات تانية أولى في المواصفات
شوف اللينك ده هتلاقي أشكال وألوان بس حاول كارت الشاشة يكون انفيديا والبروسيسور ميقلش عن i5 لو أمكن والكاشات برده بتاعة البروسيسور تكون عالية قدر المستطاع أي حاجة غير كده مش مهمة حتى لو الرامات قليلة ممكن تبقى تزودها بعدين براحتك بس لو في رامات ٨ جيجا يبقى ممتاز
الفوتوشوب برده في ريندر بس بيبقى في الملفات اللي حجمها كبير زي ملفات مطبوعات الأوت دور مثلا وبعض ملفات الفيكتور فلو هتشتغل في الحاجات دي يبقى اللاب يادوب هيشتغل معاك لكن لو هتشتغل شغل عادي خفيف يبقى تمام
الشكر لك ا. محموداقتباس:
المشاركة الأصلية كتبت بواسطة Mahmoud Naguib
احنا بنحاول نساعدك ليس اكتر
رنج ٤ الاف جم حيبقى بروسسر i3 و رامات ٤ و ممكن كارت ٢ جيجا ...
هو حيشتغل مش حيقولك لا :) لكن اجمالا الجهاز فى شغل الجرافيك المتوسط حيبقى بطئ و متعب ...
لكن لو ٥ الاف جم ممكن تلاقى i5 و رامات ٨ و كارت ٢ ... و ده معقول الى حد ما لك كما وضحت لك لشغل الجرافيك الخفيف ...
و كمعلومه لشغل الريندريج و ال 3d المتوسط ... محتاج جهاز عالى جدا ...
ايضا كل ما حجم الشاشه صغرت الاب بيغلى لان فرق الوزن من ١٥.٦ الى ١٤ بيقل حوالى كجم واحد ... و الافضل لشغل الجرافيك الشاشه الكبيره ...
بالتوفيق ... تحياتى ...
شوف اللاب ده مواصفاته كويسة وماركة محترمة وسعره معقول في حدود إمكانياتك
لاب توب لينوفوG5080 - انتل كور i5-5200U، شاشة 15.6 بوصة، هارد 1 تيرا، رام 6 جيجا، كارت شاشة ايه ام دي 2 جيجا، أسود للبيع في مصر. افضل سعر
شوف العرض ده ...
نوت بوك ديل انسبيرون 15 3542 – انتل كور i7-4510U، شاشة 15.6 بوصة، 1 تيرا، رام 8 جيجا، لينكس أوبنتو، أسود للبيع في مصر, عمان, الزرقاء. افضل سعر، مراجعة
المعالج: انتل كور i7-4510U (٤ ميجا كاش، 2 جيجاهرتز حتى 3.10 جيجاهرتز)
الذاكرة: رقاقة واحدة 8 جيجا 1600 ميجاهرتز DDR3L
القرص الصلب: ساتا 1 تيرا (5400 لفة/الدقيقة)
معالج الرسومات: انفيديا جي-فورس 840M - ٢ جيجا DDR3 )
الشاشة: شاشة ال إي دي إضائة خلفية 15.6 بوصة عالية الدقة مع تقنية
اجهزه ديل محترمه جدا و معمره ... و مواصفات ممتازه مع سعر مقبول ...
هو ب الف جم زياده عن ميزانيتك لكن حيفرق معاك كتير فى شغل الجرافيك ...
تحياتى ...
أبو آسر الجهاز ده لسة شايفه امبارح ف سيتي ستارز ب 4000 !
وهو فعلا جيد جدا ولسة نازل قريب وفي ناس كتير بتشكر فيه ويناسب امكانياتي !
بشمهندس صفوت الجهاز حلو جدا بس غالي عليا
أرشحلك لينوفو z5070
بروسسور i5 جيل رابع ورامه 6 جيجا 1600 و كارت نيفيديا 4 جيجا فعلي وشاشة hd وميتال من الخارج وخامته ممتازه