تجربتى مع سير المجموعه و نصيحه للجميع

**midooo_119** · 08-04-2015 08:00 AM

السلام عليكم يا احلى شباب .. من حوالى اسبوعين حسيت ان صوت العربيه عالى خاصه فالسرعات البطيئه و ابتدى الموضوع يزيد مع الايام وبقى الصوت مضايقنى جدا روحت للميكانيكى واكتشف ان المشكله فسير المجموعه و ده شكله بعد 30 الف كم فقط

طبعا انا قلت مش هركب الصينى بتاعها وسالت فكذا محل قالى مش هتلاقى غير الصينى وعامل من 130 ل 150 جنيه.. كلمت واحد صاحبى فبورسعيد واديته مقاس السير عشان يجيبلى حاجه غير الصينى وجابلى واحد ايطالى نوعه بيريلى ب220 جنيه واطخن من الفابريكه و ركب تمام والصوت اختفى ...

نصيحه كل واحد يشيك عالسير ده لانه غالبا هيبقى نفس الى عندى والحمد لله انه ماتقطعش ولا بوظ الطرمبات الى تحتيه

يارب اكون افادتكوا

**midooo_119** · 08-04-2015 04:37 PM

المشاركة الأصلية كتبت بواسطة tameem2010

انت شكلك بتغسل الموتور بالجاز كتير
الجاز هو اللى يخلي السيور تعمل كده

هتصدق لو قلتلك انى من ساعه ماشتريتها ماغسلتش الماتور

**kaza** · 09-04-2015 08:53 AM

السيور عموما بتتاثر بالحرارة وعمر التشغيل ومش معني انك مشيت 30 الف بس يبقي دة عمر السير لا فية عوامل تانية زي المدة الزمنية اللي مشيت المسافة دي فيها بالاضافة الي تعرض السيارة للشمس لفترات طويلة بيغيير خصائص البلاستيك والكاوتش
مثلا السنة اللي فاتت انا غيرت كاوتش الكبالن ومامشيتش بالعربية وغير حوالي 2000كم وكنت باغير الزيت وباشيك عليها من تحت فوجئت ان كاوتشات الكبالن اتقطعوا وبيسربوا شحم ....علما بانهم الماني بتوع سكودا اوكتافيا لانه المقاس الوحيد المماثل لكبالن الفيات الكروما وسعر الواحدة من سنة كان 75جم ...
فعموما ما تحطش مسافة الاستخدام علي انها الفيصل وخصوصا في مصر

**midooo_119** · 09-04-2015 06:00 PM

المشاركة الأصلية كتبت بواسطة kaza

السيور عموما بتتاثر بالحرارة وعمر التشغيل ومش معني انك مشيت 30 الف بس يبقي دة عمر السير لا فية عوامل تانية زي المدة الزمنية اللي مشيت المسافة دي فيها بالاضافة الي تعرض السيارة للشمس لفترات طويلة بيغيير خصائص البلاستيك والكاوتش
مثلا السنة اللي فاتت انا غيرت كاوتش الكبالن ومامشيتش بالعربية وغير حوالي 2000كم وكنت باغير الزيت وباشيك عليها من تحت فوجئت ان كاوتشات الكبالن اتقطعوا وبيسربوا شحم ....علما بانهم الماني بتوع سكودا اوكتافيا لانه المقاس الوحيد المماثل لكبالن الفيات الكروما وسعر الواحدة من سنة كان 75جم ...
فعموما ما تحطش مسافة الاستخدام علي انها الفيصل وخصوصا في مصر

كان معايا نوبيرا 7 سنين عمرها ماحصلت بجانب ان السير الى جيبته كخامه اطخن وسميك عن الى فيها بكتير ده مش عيب سخونه والكلام ده الخامه نفسها زبالة