مشكلة كيا سيرانوا 2010 هموتنى
انا اول مرة اكتب فى اى منتدى بس بصراحة ياست من كل الحلول اللى الناس بتقولها
المشكلة من شهر ونصف مثلا المشكلة ظهرت كنت فى المعادى الدائرى جيت ادور العربية مبتدورش
كلمت الميكانيكى قلى دى بطرية فنورت نور العربية لقيته بينور عادى شعلت التكييف اشتغل وصوت الدينامو سمعه زى الفل لحد ما سواق ميكروباص وقف جنبى وقالى افتح الكبوت
وفتح الكبوت وعلبة الفيوزات وشال اتنين فيوز منها
وقالى دور
روحت مدور العربية دارت زى الفل
فى نفس اليوم رحت للكهربائى كشف على الفيوزات كلها قالى كلهم زى الفل
من اسبوع مثلا عملتها تانى
روحت نازل شايل الفيوز احمر كبير 50 امبير ورجعته دارت زى الفل روحت رايح جايب فيوز تانى
جات اول امبارح راحت عملة نفس الموضوع
روحت لكهربائى تانى قالى لا بس تروح تكشف عليها بالكمبيوتر
وصفلى حد روحتلوا قالى حرام ادفعك فلوس على الفاضى الكمبيوتر لما يبقى فى error هيقولنا لكن انت مفيش اى لمبة مدية مشكلة
بصراحة واحد من اصحابى قالى شيل الفيوز ورش اكاى ورجعوا تانى عملت كدة ومستنى اعرف حد يفدنى علشان انا هتجنن و بسافر كتيير علشان شغلى وخايف تيجى فى مرة مدورش اصلا
شكرا ليكم