اقتباس:
طبعاً الكلام ده - مع احترامي غلط- و انا مع الأخ Ticox
أولاً أمريكا و أوروبا ما فيش حاجة كدة.
ثانياً مش معني أن الكويت أو الامارات عاملوا حاجة ان مصر تقدر تعملها. هناك ممكن بمرتب شهرين تلاته تجيب عربية, هنا مرتب سنتين تلاتة يجيبولك عربية لعبة!!!
ثالثاً انا متأكد انه دستوريا ماينفعش يطلع قانون زي كدة لان السبارة ملكية خاصة
يبقي ايه الحل؟؟ الحل انه يكون الفحص الفني فحصاً حقيقياً و دقيقاً مش تمثيل بحيث يهمنا في الآخر حالة السيارة بغض النظر عن موديلها. احنا يهمنا في النهاية حالة السيارة.. و الله حالة السيارة لا تسمح بجعلها مطابقة للمواصفات المصرية يبقي" باي باي يا حبيبي مافيش ترخيص الا لم تظبطها , و لو ملهاش تظبيط يبقي تتكهن" و يطبق هذا الكلام بكل صرامة.
رابعاً اية مشكلة الشارع المصري و أقصد التلوث؟ العربيات القديمة؟ لأ طبعاً... امال فين المتوسيكلات الي شغالة بالزيت!!! و الميكروباصات!! دة مافيش اتوبيس نقل عام أو ميني باص الا و ماشي بمدخنة و النقل و .......
ياجماعة العربيات الملاكي آخر مشاكل الشارع المصري, و حلها و حل باقي الامشاكل سهل!!! نحط قواعد سليمة و نمشي عليها
والله سواق الملاكى ده غلبان اغلب واحد فى الشارع المصرى اى حاجه هو اللى بيشل الليله فى الاخر