مبقتش عارف اعمل ايه زهقت من النصب

معايا فيرنا ٢٠٠٧ ماشية ٨٩ الف كم كان حصل ظروف و غيرنا شورت بلوك من سنتين الا اربع اشهر و كان لينقص زيت و فضل لحد ما فتحته من كام يوم لقيته عايز خرط شمايز و كرنك و وش سلندر و المصيبة انها مكنة من تحت بلوك ١٥٠٠ ومن فوق ١٦٠٠ كام يا باشا العمرة ٥٠٠٠ جنيه بالمشتروات و كله
قولت لأ لازم افكر بقي كلمت ناس معرفة قالي حنخدمك في شورت بلوك تجربه براحتك طب يا سيدي كام
ال١٥٠٠ ب 3٠٠٠
وال1600 ب 5000!!!!!
الراجل مصر و بيحلفلي ان المكنة ال١٥٠٠ هي هي نفس قوة ال١٦٠٠ وان فرق السعر عشان المكن ال ١٦٠٠ قليل اللي بييجي من برة دلوقتي انا مستغرب فرق السعر الرهيب و خايف المكنة ال ١٥٠٠ متكنش في قوة مكنتي الاصلية ومبقتش عارف اعمل ايه مفيش حد ثقة كل الناس بقت نصابة و عايزين ياكلوك اي شكل
عايز اعرف المكنة ال ١٥٠٠ الاتنين كامة بتاعات الفيرنا موجودة في مصر ولا كله مكن كامة واحدة و ايه الحل يا ريت حد يفيدني بسرعة عشان نازل انهاردة .
تحياتي

الحل انك تنزل الحرفيين والوكالة وتدور عند اكتر من واحد وهتلاقي حاجات كويسة كتير وباسعار ارخص

ان شاء الله هتلاقى المكنه ال 1600 كلها ب 4500 ل 5000 و هاتها و ريح نفسك

ما هو المشكلة مين اللي عندة بضاعة مضمونة يعني الراجل المعرفة دة الميزة انه هيديني فترة براحتي بس مقابل كدة مكنة 1500 مش مريحاني نفسيا و سعر ال 1600 عالي وشورت بلوك بس كمان في حين ان كلمت الشركة البورسعيدية و قالي مكنة 1600 ضمان 15 يوم ب 3750 و المكنة و هي علي الارض اعرف منين انها كويسة و فرق الاسعار دايما بيبقي فرق جودة ؟!

باشا ركب ال١٦٠٠ و سيبك من ال ١٥٠٠ حتي لو كان فرق السعر ذي ما بتقول، كفايه راحتك النفسيه و حيفرق معاك في سعر البيع

انت هتجيب البطيخه زى ما تطلع على التجربه الموتور كامل مش بلوك

بص يا باشا انا غيرت شورت بلوك 1600 من سنه 1400 وعملتله طقم شنبر 200 مردتش اركبه زي ماهوه لا ركبت شمبر عشان اكون مطمئن بالجوانات والزيت والمصنعيه 3000 وما شاء الله عليه -- وعلي فكره اي حد بتشتري منه بتاخده علي تجربه وديه حاجه معروفه