عرض للطباعة
السلام عليكم,
سؤال مهم جداً يا جماعة لو سمحتو. انا كنت لسة فى توكيل سيات العبور و كنت بسأل عن الليون و قالولى هناك ان العربية بتاخد بنزين 92 عادى جداً من غير اى مشاكل. هل الكلام ده صحيح؟؟؟ ارجو الإفادة علشان الكلام ده اول مرة اسمعه بصراحة و اعرف دائماً انها عاوزة 95
و بالمناسبة كل اللى موقفنى عن الليون هو موضوع البنزين. فنفسى اعرف هينفع معاها ال 92 من غير مشاكل على المدى البعيد و لا لأ.
اليون الجديده بقالها كام شهر فى السوق .... و مبيعاتها مازالت قليله ...
و بالتالى مفيش حد يقدر يأكلك انها ٩٢ بدون اى مشاكل ...
مش قبل سنتين لكى تقدر نحكم و نتاكد :)
التوكيل لازم يقولك ٩٢ ... لكن عند حدوث المشاكل تباعا لا قدر الله ... حيغير كلامه ١٨٠ درجه و يقولك ٩٥ ... زى ما مرسيدس عملت !!!
افضل شئ اللتزام بكتيب التعليمات العربيه لو منصوص صراحا حد ادنى ٩١ مثلا يبقى تمش ٩٢ بدون مشاكل ...
فى المرسيدس الجديد مثلا منصوص حد ادنى ٩٣ عند عدم توافر ال ٩٥ ... تبقى لازم ٩٥ ...
تحياتى ...
الليون مع الناس بقالها اكتر من سنتين وبنزين 92 بدون اي مشكله
انما 95 هتاخد منه اداء اعلي وهورس بور اعلي وتربو
انما البنزين بتاعها 92 مش هيبقي فيه اي مشكله
واسال بتوع الباسات والجولف لانهم نفس المحرك هيقولولك نفس الكلام
شكرا على معلوماتك ...اقتباس:
المشاركة الأصلية كتبت بواسطة ahmed.Elashy
هو الشكل الحالى لليون من مو ٢٠١٣ ؟؟؟ انا كنت فاكر انه فقط من منتصف ٢٠١٤ :)
لو كده يبقى المواتير euro 4 او euro 5 و مفيش مشاكل من ٩٢ ...
لكن لو مواتير euro 6 ... الافضل لها ٩٥ ...
و ايه اخبار الابيزا اخر شكل ٢٠١٤ الى فى توقيعك مع البنزين ؟؟؟ هى ١٦٠٠ تربو ؟؟؟
تحياتى ...
متشكر جداً للرد,اقتباس:
المشاركة الأصلية كتبت بواسطة Batman372
ايه موضوع مواتير euro 4 و euro 5 ؟
لا انا عندي مش تربو
الموتور العادي mpi
وليس tsi
الموتور ده تكنولوجيا اقدم من موتور الليون و بنزينه 92
لما بياخد 95 بيبقي احسن طبعا ولكن هيا ماشيه معايا دلوقتي 92 الحمد لله بدون مشاكل
مره واحده بس مونت من وطنيه العربيه قعدت تكركر لحد م التنك خلص
والابيزا والليون من 2013 بدون اي تغييرات ف الاساسيات
شويه كماليات فقط لاغير
European emission standardsاقتباس:
المشاركة الأصلية كتبت بواسطة goyamasta
المواصفات الاوروبيه للانبعاثات
فى اوروبا التطوير دائما لصالح تقليل تلوث البيئه و تقليل العوادم و الانبعاثات emissions
و الحكومات بتعطى تخفيضات على الضرائب كل ما شركات السيارات تقلل كل ما سبق ... و بتلزمهم بالتجديد مع الوقت لعدم سحب التراخيص ...
لذلك الاتجاه فى المواتير الاوروبى الجديده تقليل ال سى سى و تعليه الاداء بالتربو يقابله الضغط العالى compresionratio فى المحرك ... و كل ده يستلزم اوكتان اعلى ...
حتى موديلات ٢٠١٤ المواتير الاوروبى كانت euro 4 و euro 5
و كمثال مرسيدس من مواتير كل موديلات ٢٠١٥ بقت euro 6 ... و يلزم لها ٩٥ ...
دى معلوات اكتر عن الموضوع :
European emission standards - Wikipedia, the free encyclopedia
تحياتى ...
شكرا على الرد :)اقتباس:
المشاركة الأصلية كتبت بواسطة ahmed.Elashy
يبقى زى ما وضحت ... مواتير raw من غير تربو و غالبا euro4/euro5
لكن كل الجديد euro6 بالتربو لازم لها ٩٥ ..
تحياتى ...
فعلا
ودي سبب مشكله. مرسيدس الجديده ف مصر
البنزين مش متواجد ف كل مكان وسعره ميشجعش ناس كتير انها تشتريه
...
هو مش متوافر فى المحافظات لان الطلب عليه قليل جدا ...اقتباس:
المشاركة الأصلية كتبت بواسطة ahmed.elashy
لكن على المدى الطويل مش حتكون مشكله ... لان اتجاه الاوروبى لل 95 كما وضحت اعلاه ...
نفس الموضوع كان من 10 سنوات لما كلنا كنا بنستعمل 90 و كان ال 92 غالى و مش متوافر ...
تحياتى ...
متشكر جداً يا جماعة للمعلومات القيمة اللى عرفتها منكم. و كدة انا تأكدت منكم انه لازم 95 مع الليون
شكلك فهمتنا غلطاقتباس:
المشاركة الأصلية كتبت بواسطة goyamasta
مستحيل شركه تنزل عربيه ف السعر ده وسط منافسين كتير ويبقي بنزينها 95
شغاله مع 92 وكل ملاك الليون بيحطوا 92
متقلقش
اصلى افتكرت لما حضرتك قلت على موضوع التربو ان التربو محتاج 95 مش 92. فعلشان كدة قلت خلاص مفيش امل :)اقتباس:
المشاركة الأصلية كتبت بواسطة ahmed.elashy